عندما تجد الامان بقلم نشوه_عادل

صاحبى مش دلوقتى 
تعدى الايام ولارين بيزيد تعلقها بنورهان وطبعا بسبب كده مقابلات عز ونورهان زادت حتى ف ايام الاجازة واتقربوا من بعض وبقوا اصدقاء وف يوم كانوا ف الحديقة ولارين بتلعب 
عز ممكن اسألك سؤال
نورهان طبعا اتفضل 
عز هو انتى سيبتى خطيبك ليه !
نورهان باستغراب وانت عرفت منين اصلا انى كنت مخطوبة!
عز اول يوم جيتى فيه الشركة وقت ما كنتى نازلة مروحة شوفتك وانتى بتتكلمى معاه بس والله مش تصنت هو كان ساند ع العربية بتاعتى
نورهان بتنهيدة متفقناش اكتشفت انى اختارت غلط وحاربت عشان الشخص الغلط قلل من كرامتى ونكر كل الحلو اللى عملته وكمان خانى طبعا هو ميعرفش انى عرفت بحوار خيانته ولا حتى اخته اللى هى اعز صديقة عندى كل دى اسباب خلتنى اشمئزيت منه ومن نفسى وقلبى. اللى حبه
ابتسم عز بۏجع وقال تقريبا كلنا اتعاقبنا باختياراتنا الغلط بس احمدى ربنا انك عرفتيه ع بر مكنش نتيجة التجربة طفل ملوش ذنب ف الحياة غير انك معرفتيش تختارى ليه اب صح 
نورهان ازاى!
عز يعنى انا تقريبا مريت بنفس تجربتك اختارت غلط وكان نتيجة غلطى ده تعب نفسيتى ونفسية بنتى لان اختارت ليها ام غلط 
بدأ عز يحكى لنورهان عن رنا وسط صډمتها وقالت تبيع بنتها ازاى ايه الجحود ده ..ده لو مربياها مش امها بجد كانت هتتمسك بيها اكتر من كده هو فيه امهات كده بجد!
عز اه طليقتى بس تعرفى انا مبسوط جدا ان الموضوع انتهى من بعدها انا ولارين نفسيتنا بقت احسن حتى لارين بقت اجتماعية ودايما بتضحك ومبسوطة والغريب ان عمرها ما سألت عن مامتها طلعت فعلا مصدر تعبنا انتى عارفة انا كنت مستغرب اوى حب لارين وتعلقها بيكى بس لما قربت منك وعرفتك عرفت هى متعلقة بيكى ليه
نورهان بكسوف ليه يعنى!
عز عشان انتى طيبة وحنينة عليها ولقت فيكى حاجة هى كانت مفتقداها ف اقرب حد ليها وما صدقت لقت بديل يعوضها
نورهان لارين بنوتة جميلة وذكية ما شاءالله وتتحب اوى ويعلم ربنا انى بعزها 
عز وهى كمان ع فكرة 
فضلوا يبصوا ف عيون بعض لحد ما جات لارين وقالت انا جعانة يا زوز 
اخدهم عز وراح ع مطعم شيك وقعدوا يتكلموا ويضحكوا وقضوا يوم حلو جدا 
عند سلوى اللى كانت معدية بالصدفة من شارع منة لقيتها واقفة مع شخص وبتضحك قربت منهم ووقفت ورا شجرة 
منة ع فكرة والله انت مچنون يا احمد وهتودينى ف داهية انت ايه اللى جابك هنا!
احمد وحشتينى اعمل ايه كنت ھموت واشوفك وبقالك يومين مش بتيجى الشركة 
منة كنت تعبانة والله يا روحى 
احمد طب انتى هتخلصى من اللى اسمه حسن ده امتى انا اتخنقت بجد وانتى عارفة انى بغير عليكى
منة معليش يا حبيبى استحمل ما انت عارف انا مستنياك لحد ما تجهز نفسك ووقتها اقلبه وبعدين وجوده ده مسهل علينا حاجات كتير بعرف اخرج واشوفك واكلمك بالفون ولما يسألونى كنتى فين وبتكلمى مين خطيبى طبعا
احمد وده اللى مصبرنى والله بقولك ايه ما تجيبى حضڼ
منة بس ي مچنون احنا ف الشارع ويمكن حد يشوفنا كده ولا كده 
احمد ماشى يا حبيبى هسيبك براحتك بس المرة الجاية مش هتعدى ها 
منة اممممم افكر 
كل ده وسلوى بتصورهم عشان تثبت لاخوها صدق كلامها وبالفعل روحت ع البيت وكان حسن هناك وبيجهز عشان ينزل 
سلوى رايح ع فين!
حسن رايح لمنة فيه حاجة ولا ايه!
سلوى الا قولى يا حسن انت عرفت منة دى ازاى!
حسن وانتى مالك يهمك اوى!
سلوى طبعا
حسن وده من امتى ان شاء الله !
سلوى من دلوقتى وجاوب بصراحة
حسن زميلتى بالشركة وعشان اوفر عليكى وقت اه عرفتها وانا خاطب نورهان وحبيتها وعشان كده كنت بتلكك عشان نورهان هى اللى تفسخ الخطوبة عشان تبقى جات منها وترجعلى شبكتى
سلوى لا برافو عليك والله انا مبسوطة منك اوى يا ابن ابويا بيعت الغالى عشان تشترى الرخيص اللى زيك 
حسن بت انتى احترمى نفسك واتكلمى عدل
سلوى ليه مضايق انا بقول الحقيقة ع فكرة بس اللى انت متعرفوش ان كل واحد بيلاقى جزاء عمله وانت لقيته خلاص 
حسن انتى عاوزة تقولى ايه!
سلوى اقصد ان اللى عملته ف نورهان هيقعدلك من الشخص اللى بيعتها عشانها وبنفس الطريقة الهانم خطيبتك بتكلم واحد غيرك وهتفسخ الخطوبة عشان تتخطب ليه لما يجهز نفسه 
حسن پغضب ورفع ايده وضربها بالقلم اخرسى يا ژبالة انتى ازاى تقولى كده ف حق بنت زيك كل ده عشان صاحبتك 
خرجت والدتهم وسهام باندهاش مسكت سلوى خدها بۏجع وعيونها دمعت من الصدمة اول مرة اخوها يرفع ايده عليها فقالت بقوة مش انا اللى اخوض ف عرض ست واقذف واحدة ف شرفها ولانى عارفة انك هتقول كده انا صورتها بس عمرى ما اتخيلت ابدا انك تمد ايدك عليا 
رمت الفون ف وشه وقالت اتفضل يا استاذ شوف بعينك 
بعدها سابته ودخلت ع اوضتها وهى مڼهارة مسك حسن الفون وسهام وقفت جنبه واټصدم من اللى شافه وسمعه وطبعا عرف ان اللى واقفة معاه ده احمد صاحبه المقرب ف الشركة وووو..
-اټصدم حسن من اللى شافه وسمعه وطبعا عرف ان اللى كانت منة واقفة معاه هو احمد صاحبه المقرب ف الشركة اخد بعضه ونزل بسرعة 
هناء بصړيخ يا حسن ارجع عشان خاطرى بلاش تعمل حاجة ټندم عليها
سهام سبيه يا ماما هو رايح يعمل الصح انا هدخل اشوف سلوى 
وصل حسن على بيت منة وفتح ليه الباب ابوها ويدعى محمود اهلا يا حسن تأخرت كده ليه احنا مستنينك من بدرى 
حسن اومال منة فين!
منة انا اهو تأخرت كده ليه الغدا جاهز من ساعتها وبابا رفض يأكل من غيرك 
بصلها حسن وشافها لابسة نفس الطقم اللى كانت بيه بالفيديو رفع ايده وضربها قلم قوى وقال انتى ازاى كده شيطانة اتجسدت ف شكل بنى ادم وش ملاك برئ وافعالك كلها قڈرة زيك 
محمود پغضب انت ازاى ترفع ايدك ع بنتى وكمان ف قلب بيتى وف وجودى انت اكيد اټجننت رسمى 
حسن انا فعلا مچنون عشان سيبت الغالى واشتريت واحدة رخيصة زى بنتك 
محمود انت بتقول ايه ده انا هوديك فى ستين داهية
حسن ده انا اللى هفضحكوا وهخلى سيرتكم زى اللبانة فى بوق الناس هخلى بنتك ټندم ع اليوم اللى عرفتنى فيه هخليها تتمنى المۏت قصاد كل لحظة هتشوفها ف حياتها قصاد خيانتها ليا 
محمود انا مش فاهم انت بتقول ايه اكيد فيه سوء تفاهم
حسن ها سوء تفاهم اه ....اخرج حسن الفون وفتح الفيديو لمحمود واټصدم وكذلك منة .....حسن عرفت بقى ان الضړب ده بسيط عليها اللى زى دى لازم ټموت بس لا خسارة الوث ايدى پدمها النجس انا ھفضحها وهنزل الفيديو واخلى اللى يسوى واللى ميسواش يقوم بالواجب معاها 
محمود وهو متوتر وحاسس بثقل ف صدره بالهداوة يا حسن يا ابنى ابوس ايدك متعملش كده لا احنا ولا اخواتها اللى هيبوروا بسببها لينا ذنب شوف انت عاوز ايه وانا هعمله 
حسن شبكتى وفلوسى اللى كانت بتسحبها منى بالمليم تيجى لحد عندى وممنوع تنزل ع الشركة تانى تشوف اى مصېبة تانية تروح فيها بعيد عنى 
محمود ولا تانية ولا تالتة رجلها مش هتخطى برة عتبة البيت تانى اصلا 
حسن ميخصنيش تخرج متخرجش تعيش ټموت ميفرقش معايا 
محمود حاضر انا هجيبلك الشبكة والفلوس بس ابوس ايدك يا ابنى عشان خاطرى انا استر عليها 
دخل محمود جابله الشبكة والفلوس اخدها حسن ومسح الفيديو ادامه ومشى نزل ركب التاكسى وهو سرحان كل تفكيره ف نورهان وف كلامها هى وسلوى وعمال يشتم نفسه بصوت عالى والسواق ملاحظ وعمال يقول عليه مچنون 
عند نورهان اللى لبست وكانت نازلة ...دعاء ايه يا نور رايحة ع فين!
نورهان النهاردة عيد ميلاد لارين يا ماما وانا رايحة الفيلا عندهم عشان نجهز للحلفة ولما يجى الميعاد هكلم حضرتك انتى والبنات تيجوا يلا عن اذنك عشان متأخرش 
قبل ما ترد دعاء نزلت نورهان اتنهدت دعاء وسكتت وراحت نورهان ع فيلا عز وبدأت تنظم الحفلة بنفسها وكان عز مبسوط جدا باهتمامها وف الليل وصلت دعاء واخوات نورهان ع الحفلة وعرفتهم ع عز ولارين 
عز انا مبسوط جدا انى اتعرفت ع حضرتك 
دعاء انا اكتر والله من كتر كلام نورهان عن لارين وحبها فيها 
عز ربنا يعزك يا طنط وكمان لارين بتعز الانسة نورهان جدا واول مرة تتعلق بحد بالشكل ده 
لارين نور تعالى ظبطيلى الفستان 
نورهان حاضر يا حبيبتى عن اذنكم يا جماعة 
اخدتها نورهان ومشيت ...دعاء الحمدلله انى قابلتك انا كنت محتاجة اشوفك ضرورى 
عز باهتمام تحت امرك طبعا خير!
دعاء شوف يا ابنى ميزان السمعة حساس وخصوصا لما تكون البنت دى لسه آنسة وانت ابن اصول واكيد فاهم قصدى 
عز هو كلام حضرتك يحترم بس انا مش فاهم حاجة بصراحة 
دعاء يعنى دلوقتى يا ابنى ميصحش ابدا خروج نورهان المتكرر معاك ف الشغل وبعده وكمان ف الاجازات والنهاردة تكون ف بيتك وطبعا انت بتوصلها والجيران بتشوفكم والناس لسانها مش بيرحم والبنت معندهاش اغلى من شرفها وسمعتها لو السمعة اتلوثت واټشوهت وبقت سيرتها بطالة حالها هيقف 
عز بتفهم اكيد كلام حضرتك كله صح وعندك حق فيه بس يعلم ربنا ان بنتك محترمة جدا ومشوفتش منها الا الخير
دعاء انا واثقة من تربيتى وعارفة بنتى كويسة والل انا وانت نعرفه الناس متعرفوش وكمان لو ملقوش عيب هيطلعه اشاعة منجيش احنا بقى نسهل ليهم كل ده 
عز فهمت قصد حضرتك بس والله انا السبب ف تقربى للانسة نورهان هى لارين هى بتحبها جدا ومتعلقة بيها زيادة عن اللزوم 
دعاء لو على لارين بسيطة تيجى عندنا ف البيت طول النهار وسط البنات تلعب وتعمل كل اللى هى عاوزاه وبليل انا هجيبها لحد عندك بنفسى بس بلاش موضوع الخروجات ده ارجوك
عز حاضر انا هعمل لحضرتك اللى انتى عاوزاه 
جات نورهان وقالت يلا يا جماعة عشان نطفى الشمع 
خلصت الحفلة ولاحظت نورهان ان عز كان مضايق وحزين وبيتجنب الكلام معاها وده زعلها جدا لكن اتحرجت تسأله ولما رجعت ع البيت مامتها حكيت ليها اللى حصل 
نورهان ليه كده يا ماما ليه عملتى كده انتى عندك شك فيا وف اخلاقى 
دعاء انتى عارفة كويس اوى ان عمرى ما كان تفكيرى كده واللى عملته ده لمصلحتك وبحميكى من قولنا وقال 
نورهان حضرتك اللى بتقولى كده دلوقتى مش انتى طول عمرك بتقوليلى اخر حاجة تفكرى فيها وتعملى ليها حساب كلام الناس ونظرتهم عنك 
دعاء الكلام ده فى اى حاجة الا السمعة يا نورهان وبعدين انا مش فاهمة انتى مضايقة كده ليه!
نورهان عشان لارين طبعا البنت متعلقة بيا اوى يا ماما وانا كمان حبيتها اوى اه بقالى حوالى ٩ شهور بس اعرفها بس اتعلقت بيها 
دعاء والله انا محرمتكيش منها عاوزة تشوفيها عندك الشركة وقولت لابوها تيجى هنا عادى لكن مرواحك انتى ومجييك والناس يشوفكوا سوى انتى واللى اسمه عز انا مش هقبل بيه هو لا خطيبك ولا جوزك بتخرجى معاه تحت اى مسمى وع اى اساس! 
انتهى النقاش ودخلت نورهان نامت وهى حزيمة وبتعيط تانى يوم لبست ونزلت راحت ع الشركة بشكل طبيعى ولقت عز داخل عليها وبيقولها بدون اى مقدمات نورهان تتجوزينى! ووووو
نورهان تتجوزينى!
اټصدمت نورهان وفى نفس الوقت كان قلبها طاير من الفرحة لكن فجأة جه ع بالها سؤال خلى فرحتها تقل وقالت انت عاوز تتجوزنى عشان لارين مش كده!
عز وهو ينظر بعيونها بقوة وكأن عيونه بتتكلم عن قلبه قبل لسانه بالعكس انا محتاج لوجودك اكتر من لارين الف مرة ومحسيتش بكده الا لما مامتك قالتلى مقابلكيش ولا اخرج معاكى تانى حسيت ان حد بيسحب منى روحى اه انا بعترف انى حبيتك وكنت بكابر او يمكن كنت خاېف
نورهان خاېف من ايه!
عز خاېف متكونيش بتحبينى ويكون دافع تواجدك هى لارين وبس وخاېف اكتر انك يعنى لسه آنسة وانا كنت متجوز ومخلف واكيد يعنى انتى من حقك اول بختك يكون شخص اعزب
نورهان يعنى لو كان العكس وكنت انا اللى متجوزة ومخلفة مكنتش هتقبل بيا!
عز بالعكس انا حبيتك من كل قلبى ومعاكى بقيت احس بحاجات كنت نسيتها واتحرمت منها انا كنت عامل زى شخص بلا روح وانتى رديتى فيا الروح بجد انا عاوز اتجوزك عشان بحبك وعشان محتاج ليكى مش عشان بنتى زى ما انتى فاهمة
ابتسمت نورهان بخجل وحطت وشها بالارض عز وقلبه بيدق طب ايه اعتبر دى موافقة ولا ايه!
نورهان اممممم لازم تيجى تتقدم واهلى يوافقوا 
عز موافق تقدرى تروحى وعرفى والدتك انى هكون عندكم ع العشا ان شاء الله 
بالفعل لمت نورهان حاجتها ونزلت وهى فى قمة السعادة وقلبها طاير من الفرح وهى نازلة ومش واخدة بالها لقت حد بينده عليها نورهان 
توقفت نورهان لانها عارفة الصوت ده كويس لفت وشها وكان حسن قالت حسن! انت بتعمل ايه هنا!
حسن انا مستنيكى من بدرى كنت عاوز اطلع ليكى بس خۏفت بصراحة تحرجينى 
نورهان خير يا حسن جاى عاوز منى ايه!
حسن نورهان انا اسف بجد عارف انها متأخرة اوى عارف انى مقدرتش قيمتك وسيبتك ف وقت انتى كنتى اكتر حد بيحبنى بعد امى عارف انى خسرتك وفوقت متأخر وانا مش جاى دلوقتى عشان اقولك نرجع انا متأكد ان بقى مستحيل تثقى فيا تانى بعد ما خذلتك 
نورهان طب كويس انك عارف كده اومال انت جاى ليه دلوقتى!
حسن جاى اعتذرلك ع كل حاجة سواء كنتى عارفة بيها او لا جاى اطلب منك تسامحينى عشان اقدر اكمل حياتى طبيعى احساسى بالندم والذنب اتجاهك معذبنى بجد 
نورهان اطمن يا حسن انا الموضوع كله رأسا ع عقب مش فى دماغى اصلا عشان اقولك مسمحاك او لا يعنى الموضوع اتنسى واتمحى للابد فاطمن وعيش حياتك وان شاء الله ربنا يرزقك ببنت الحلال بس يوم ما تلاقيها يا حسن قدرها وصونها عشان متخسرهاش وترجع ټندم 
حسن بابتسامة انتى طيبة اوى يا نورهان يا بخته اللى هتبقى من بخته 
نورهان شكرا عن اذنك 
وصلت نورهان ع البيت وكانت دعاء فى الصالة...دعاء ايه يا نور راجعة بدرى ليه!
حكت ليها نورهان ع عرض عز وانه عاوز يجى يتقدم ليها النهاردة..نورهان ها يا ماما انتى رأيك ايه!
دعاء