عندما تجد الامان بقلم نشوه_عادل

عقلها 
عز ما ده اللى انا بعمله دايما بس مفيش فايدة فيها 
جات رنا وقالت خير انت جاى عاوز ايه!
عز جيت اعرف انتى مشيتى ليه وازاى تسيبى بنتك لوحدها 
رنا والله انا مش مطالبة اخد بالى من البنت لوحدى اومال حضرتك فين!
عز حضرتى ف الشغل عشان اعرف اوفر ليكم الحياة الراقية ومع ذلك مش بقصر ف وجودى بدليل ان البنت متعلقة بيا اكتر منك 
رنا خلاصة الكلام انت جاى ليه دلوقتى!
عز باستسلام جاى اراضيكى ونوصل لحل يرضينا احنا الاثنين ف وجود باباكى 
رنا حجاب انا مش هلبس ع القليل الفترة دى لحد ما احس انى فعلا عاوزة البسه بس هحاول البس لبس مقفول وواسع 
عز بهدوء ماشى وانا من ناحيتى هقف جنبك واشجعك ونبدأ الخطوة سوى 
رنا حاجة اخيرة بقى وهى انك توافق انى اسافر فرنسا التلات شهور 
عز لا طبعا مش موافق يعنى ايه تسافرى لوحدك مع شلة الستات واكيد فيه رجالة هو ف ايه ي عمى ما تعقل بنتك 
رفعت خلاص يا عز ايه المشكلة لما تسافر تغير جو 
عز الكلام ده لو مسافرة معاكم او معايا مش مع رجالة غريبة 
رنا والله ده اللى عندى لو وافقت هرجع معاك ناو
عز وانا مش موافق يا رنا 
رنا حلو يبقى انت اللى اختارت ورقتى توصلنى ف اقرب وقت ووووو
- حلو يبقى انت اللى اختارت وورقتى توصلنى ف اقرب وقت وياريت من غير شوشرة ومحاكم 
عز پصدمة الله ده انتى مخططة بقى وراسمة كل حاجة بس انتى غلطانة يا مدام مش عز الالفى اللى يتلوى دراعه ويتهدد حتى اسألى رفعت بيه وهو يقولك 
رنا وانا مبقتش طايقاك ي اخى افهم بقى انا عاوزة اخلص منك خلى عندك كرامة وطلقنى
عز بۏجع اللى يسمعك يقول انى مېت عليكى وعاوزك معايا انا كنت بستحملك ومستحمل قرفك عشان خاطر بنتنا عشان تتربى بشكل سوى بس ازاى وانتى اصلا متعرفيش يعنى ايه امومة طلعت غلطان بجد انى باقى ع واحدة بايعة بس انا بقى عندى ليكى عرض مقابل الطلاق 
رنا عرض ايه!
عز هطلقك ومؤخر الصداق بتاعك اللى كان نص مليون هخليه ٢ مليون كمان بس بشرط 
رنا ايه هو!
عز تتنازلى عن بنتنا لارين مدى الحياة ولا تحاولى تقربى منها بأى شكل من الاشكال من الاخر كده اعتبرى انك مخلفتيش ها قولتى ايه!
رنا بدون تفكير موافقة هتبعتلى ورقتى امتى!
عز انا هكلم المحامى النهاردة يخلص اجراءات التنازل بكرة وبمجرد ما تمضى عليه هتاخدى الفلوس وورقة الطلاق ووراهم تفة مش بوسة 
رنا اوك بس ياريت بسرعة عشان عاوزة اسافر اتفضل مع السلامة 
خرج عز من بيت رفعت وحزن الدنيا كله ف قلبه معقول دى ام انانيتها وطمعها وحبها للفلوس يخلوها تتنازل عن بنتها ببساطة كده طب ازاى! 
رفعت انتى اتجننتى يا رنا بتتنازلى عن بنتك!
رنا يا بابا افهم انت سمعت قالى هاخد كام بالفلوس هعمل الاتليه اللى بحلم بيه من غير ما اغرمك ولا مليم وهسافر وهعيش براحتى اما بنتى هتحتاج ليا ف يوم من الايام وهى اللى هتطلبنى ووقتها هو اللى هيجى يبوس ايدى عشان اشوفها ووقتها اساومه ع فلوس تانى 
رفعت ده انتى دماغك سم زى امك بالظبط سبحان الله بعدت ومبعدتش 
رنا تربيتك يا رورو يلا سلام الشلة مستنيانى من بدرى باى 
تانى يوم كانت نورهان بتفتح الفون بالصدفة ولقت بوست سهام عاملة فيه منشن لسلوى وبتبارك لحسن ع خطوبته ابتسمت بحزن ولقت الباب بيخبط ولما فتحت لقيتها سلوى 
نورهان صاحبى الندل لسه فاكرة تزورينى فينك من يومها يا بت 
سلوى كنت مكسوفة ومش عارفة اوريكى وشى ازاى بعد اللى حصل 
نورهان تانى احنا مش اتكلمنا ف الموضوع ده وقفلناه خلاص بتفتحى فيه تانى ليه بقى!
سلوى عشان حاسة بالذنب اتجاهك بسببى انتى عرفتى حسن وبسببه انا هخسرك
نورهان ممكن تبطلى هبل لان مفيش اى حاجة من دى هتحصل انتى اختى قبل ما تكونى صاحبتى وانتى نصحتينى بالرغم انه اخوكى وقولتى انه مش شبهك وانا اللى اصريت وحبيته يعنى اللى حصل نتيجة اختيارى انتى ملكيش ذنب فيه وبعدين الحمدلله ان ده حصل ع بر 
سلوى انتى عرفتى انه قرأ فاتحته وخطوبته النهاردة!
نورهان بقوة مزيفة اها لسه شايفة البوست ع صفحتك 
سلوى انا مش هروح الخطوبة دى ولا هيكون ليا علاقة بيها اصلا 
نورهان لا اوعى تعملى كده هى ملهاش ذنب هى مكنتش تعرف باللى بينى وبين اخوكى واكيد هى كويسه وبنت ناس والا اخوكى مكنش دخل من الباب اتعاملى معاها عادى هى مأخدتوش منى هى اخدته بعدى تفرق كتير
سلوى بس انا مش عاوزة اروح بجد عاوزة افضل معاكى انا لا لبست ولا جهزت نفسى يبقى بلاش المشوار ده 
نورهان بلاش تلكيك انتى زى القمر اصلا من غير اى حاجة ولو ع الميك اب انا هعملك وشوفى اى دريس من عندى 
بالفعل لبست سلوى ونزلت وهى عارفة وحاسة بحزن نورهان ووصلت ع بيت العروسة وكانت اسمها منة 
منة اهلا يا سلوى اتأخرتى كده ليه!
سلوى عادى كنت بظبط نفسى مبروك 
منة الله يبارك فيكى انا من زمان كان نفسى اتعرف عليكى من كلام حسن عنك
سلوى باستغراب من زمان ازاى! هو انتى تعرفى حسن من امتى!
منة بقالنا شهرين تقريبا انا بشتغل معاه ف نفس الشركة 
غمضت سلوى عيونها پغضب فمعنى كلام منة انه كان بيكلمها وهو خاطب نورهان ...سلوى ويا ترى بقى كنتى عارفة انه ف الوقت ده كان خاطب!
منة بتوتر هو ...هو انا كنت بشوف الدبلة بايده ولما سألته قال انه ف مشاكل بينهم ومش هيكمل معاها 
جه حسن وقال ايه القمر ده يا لولو مقولتليش ايه رأيك ف منة!
سلوى اكيد اختيارك هيكون شبهك اومال ماما فين!
حسن واقفة هناك اهى 
مشيت سلوى وبصت منة لحسن هى تقصد ايه بكلامها ده!
حسن بتمثيل اننا لايقين ع بعض مبسوطة يا روحى اظن وعدت ووفيت 
منة ايوة يا قلبى انا مبسوطة جدا واخيرا هتكون ليا انا وبس 
عدى اليوم بتفاصيله وتانى يوم ف الشركة دخل عادل ع عز ف مكتبه وقال عز اللى سمعته من المحامى ده صح!
عز وهو باصص بالملف سمعت ايه!
عادل انك طلبت منه اوراق تنازل عن لارين
عز ايوة ليه !
عادل انت بتتكلم بجد انت هتستغنى عن بنتك ده انت متقدرش تعيش من غيرها
عز استنى بس انت اكيد حصل عندك لبس الاوراق عشان مدام رنا تمضى عليها 
عادل بعدم فهم لا واحدة واحدة بقى عشان دماغى عملت ايرور فهمنى براحة 
حكى عز لعادل اللى حصل والاتفاق اللى بينه وبين رنا ....عز بس ي سيدى وهى وافقت 
عادل ايوة بس ده غلط يا عز انت بتحرم بنتك من امها حرام 
عز اذا كانت امها نفسها مستبيعة وبنتها مش فارقة معاها وبعدين انا واثق ان بنتى هتعيش بشكل افضل وهى بعيد عنها ع القليل هعرف اربيها ومتبقاش امها قدوتها وتكون زيها
عادل والله انا مش عارف اقولك ايه انت اللى عملت ف نفسك كده من الأول 
عز غلطة وانا اتعلمت منها وان شاء الله المرة الجاية هختار صح 
ف الوقت ده دخل المحامى وقال عز بيه الاوراق جاهزة يا فندم وووو
- عز بيه الاوراق جاهزة يا فندم واقفة ع الامضاء بتاعت المدام وكلمت الحسابات يجهزوا الشيك زى حضرتك طلبت 
عز تمام يا متر بعد اذنك استنانى تحت ف العربية واحنا هنحصلك دلوقتى 
عادل هما مين دول اللى هيحصلوه انت رايح فين!
عز رايح اخلص من الهم واخد حريتى هخلص موضوع الطلاق يا صاحبى 
عادل اعذرنى يا صاحبى انا مش هينفع اكون معاك ف المشوار ده ازاى عايزنى اجى معاك واشهد ع خړاب بيتك!
عز بس هى كانت غلطة من البداية يا عادل وانت عارف كده كويس وبالطلاق انا بصحح الغلط مش عاوز تكون جنب اخوك وهو بيعمل الصح بجد 
عادل طب ولارين انت فكرت فيها!
عز انا عشان لارين ونفسيتها هعمل كده بدل ما كل يوم خناق ومشاكل هتكبر وتشوف علاقتنا كده ويجيلها عقدة ولا لما تشوف لبس امها وتصرفاتها وتكون قدوتها وبعدين دى امها نفسها مش فارقة معاها بنتها صدقنى يا صاحبى انا كده بعمل الصح ليا ولبنتى 
عادل باستسلام ماشى يا صاحبى يلا عشان منتأخرش ع الراجل اللى تحت ده 
نزلوا وراحوا ع بيت رفعت ومعاهم المأذون ....رفعت يا عز فكر تانى ارجوك 
عز فكرت يا عمى وهو ده الحل الوحيد والمناسب لينا كلنا واظن ان بنت حضرتك معندهاش مانع ومستعجلة كمان 
نزلت رنا وقالت كويس انك مشيت ف الإجراءات بسرعة ومتأخرتش 
عز أنا اكيد مش هتأخر ع حاجة فيها راحتى انا وبنتى المهم جاهزة
رنا طبعا جاهزة 
عز طيب اتفضلى امضى ع التنازل الاول 
رنا اما اشوف الفلوس الاول انت مفكرنى هبلة ولا ايه!
اټصدم عادل ....عز اتفضلى شيك ب ٢ مليون باسمك تقدرى تروحى تصرفيه ف اى وقت 
مسكت رنا الشيك بفرحة ومضيت ع التنازل حتى من غير ما تقرأه وحاول المأذون يرجعهم عن قرارهم لكن فشل وتم الطلاق 
عز الحمدلله كان هم كبير ع قلبى وانزاح مبروك يا مدام حقيقى انا مش عارف اشكرك ازاى من النهاردة انا مش عاوز المحك حتى عن بعد او اشوفك حتى لو صدفة او بس تفكرى تقربى منى انا و بنتى 
رنا لا اطمن انا مش غبية اوى كده عشان ارجع للقرف برجلى مع السلامة 
خرج الجميع....عادل پصدمة انا بجد مش مصدق اللى حصل ده انا فكرتك بتكدب عليا هى دى ام بجد طب ازاى!
عز هو انت مفكر انى كنت بهزر ولا ايه!
عادل بصراحة ايوة اصل ازاى يا ابنى واحدة تتنازل عن بنتها مقابل فلوس ده احنا ف اواخر الزمان بجد بس تعرف انا هتجنن بجد يعنى واحدة زى رنا طول عمرها عايشة ف رفاهية وفيلا وعربيات كنت فاكر ان اخر همها الفلوس تقوم تبيع بنتها مقابل الفلوس ازاى!
عز يا صاحبى مش كل اللى معاهم فلوس عيونهم مليانة وشبعانين فيه ناس كتير من عينة رنا واهلها عينهم فارغة 
عادل انا كنت زعلان فعلا وانا جاى معاك لكن بعد اللى حصل ده مبروك البراءة 
تانى يوم كان عز بيجهز نفسه عشان ينزل ع الشركة وفجاة لقى لارين داخلة عليه ...لارين بابى ايه رأيك ف الفستان ده!
عز حلو اوى يا حبيبى وكمان تسريحتك تجنن 
لارين ماشى خدنى معاك بقى 
عز اخدك معايا فين انا رايح ع الشركة وانتى مش هتحبى القعدة هناك
لارين بليز يا زوز خدنى معاك انا زهقانة من هنا عشان خاطرى 
شالها عز وقال امرى لله يلا يا اميرتى 
بالفعل اخدها عز معاه ع الشركة وكانت اول مرة واتعرفت ع بعض الموظفين اللى جابولها شوكليت وحلويات كتير 
السكرتيرة مستر عز الوفد بانتظار حضرتك فى غرفة الاجتماعات 
عز تمام شكرا اتفضلى انتى 
بعدها بص لبنته وقال لورا يا روحى انا بس عندى شغل عندك الحلويات والبلايستيشن اهو اوك بس اوعى تخرجى اتفقنا 
لارين اوك 
عدى نص ساعة وبدأت لارين تحس بخنقة فخرجت من المكتب وتاهت قعدت ټعيط وتقول ي بابى 
ف نفس الوقت خرجت نورهان وشافتها وقالت ي خلاثو ما شاء الله انتى مين يا قمر!
لارين پخوف انا لارين 
نورهان الله اسمك حلو اوى زيك طب بتعيطى ليه!
لارين عاوزة بابى 
نورهان مين بابى طيب!
لارين عز 
نورهان باستغراب ايه ده انتى بنت مستر عز!
لارين ببراءة معرفش مين مستر عز انا بابى اسمه عز 
ضحكت نورهان وقالت ماشى يا حبيبتى مټخافيش تعالى وانا هرجعك لبابا 
لارين پخوف لا انتى حرامياية وهتخطفينى
نورهان پصدمة انا لا يا حبيبتى ليه بتقولى كده!
لارين عشان زوز قالى متمشيش مع حد مش تعرفيه عشان هيخطفك 
نورهان بابى عنده حق يا روحى بس اطمنى احنا هنا ف شركة بابى اصلا وانا هوديكى مكتبه
لارين اشى 
اخدتها نورهان واستغربت السكرتيرة ايه ده لارين انتى خرجتى امتى!
نورهان انتى مشوفتهاش!
السكرتيرة لا ابدا انا مفكرة انها بالمكتب من ساعتها ومعرفش خرجت امتى وازاى!
نورهان خلاص حصل خير بس خلى بالك منها بدل ما تضيع وتخسرى شغلك 
السكرتيرة ميرسى يا نورهان بجد الحمدلله ان مستر عز لسه مخلصش الاجتماع 
لارين هو انتى اسمك نورهان 
نورهان بابتسامة اه ي روحى وممكن تقوليلى يا نور من النهاردة ونكون اصحاب اتفقنا 
لارين بفرحة اتفقنا تعالى العبى معايا بلايستيشن 
دخلت نورهان مع لارين وبدأت تلاعبها ومأخدتش بالها من عز اللى واقف وراهم واول مرة يشوف لارين مبسوطة ومنسجمة مع حد بالشكل ده ...لارين بفرحة ايوة بقى لورا العسولة كسبتك يا نور ننننننن 
نورهان لا ع فكرة ده بالغش 
لارين تؤ انتى اللى لوزر لوزر لوزر 
نورهان انا لوزر تعالى هنا 
جريت وراها ونيمتها ع الكنبة وكانت بتزغزغها ولارين تضحك بعلو صوتها وعز متابع اللى بيحصل ومبسوط جدا وهنا دخل عادل ها ي ابنى 
انتبهت نورهان ووقفت وهى بتظبط نفسها ...نورهان مستر عز هو حضرتك هنا من امتى!
عز احم لسه جاى حالا 
جريت عليه لارين وقالت زوز نور دى عسولة خاصة انا حبيتها اوى وبقينا اصحاب 
عز عيب يا قلبى دى اكبر منك قوليلها يا طنط 
لارين وهى بتجرى لنورهان وتحضنها تؤ احنا اصحاب ملكش دعوة انت 
كان عز هيرد لكن قاطعته نورهان مفيش داعى يا مستر انا اللى طلبت منها تنادينى نور هى لذيذة وكيوت ربنا يبارك ليك فيها 
لارين بابى ينفع نور تيجى معانا البيت وووو.
-بابى هو ينفع نور تيجى معانا البيت بليز انا حبيتها اوى ومليش اصحاب غيرها 
اټصدم عز وكذلك نورهان من كلام لارين ...نورهان بصى ي قلبى طبعا مينفعش اجى معاكى البيت بس كل مرة هتيجى هنا هلعب معاكى ونعمل كل اللى انتى عوزاه اوك
لارين وعد!
نورهان وعد يا قلبى يلا عن اذنك عشان لازم ارجع اكمل شغلى
لارين لا بليز خليكى معايا انا زهقانة لوحدى 
عز لورا حبيبتى مينفعش لازم ترجع شغلها 
لارين خلاص هروح معاها 
لسه عز هيرد ...نورهان مفيش مشكلة يا مستر طالما هى عاوزة تيجى معايا ومتقلقش هخلى بالى منها 
عز اوك بس لو عملت حاجة او شغلتك ابعتيها مع اى موظف 
اخدتها نورهان ومشيت ودخلت ع المكتب ...عادل انت مش ملاحظ حاجة!.
عز حاجة ايه!
عادل لارين بنتك اتعلقت بنورهان بالرغم انها اول مرة تشوفها وتتعامل معاها وهى عكس كده ده انا اللى عشرة عمرك بطلوع الروح اخدت عليا وبقت تتعامل معايا طبيعى 
عز مش فاهم انت عاوز تقول ايه!
عادل بعدين هتفهم يا