عندما تجد الامان بقلم نشوه_عادل

-ايه اللى عملته مع نورهان ده يا حسن من امتى واحنا بنحرج الناس كده!
حسن بسماجة ايه ده هى اشتكت ليكى هتعملى ايه انتى يعنى هتعاقبينى!
- ايه البرود اللى انت فيه ده انت ترضاها ليا وبعدين الغلط منك انت ومع ذلك الناس قامت بالواجب وزيادة انت من امتى بقيت انانى وعديم الاحساس كده!
حسن بت انتى احترمى نفسك وانتى بتتكلمى ومتنسيش انى اخوكى الكبير
- يا فرحتى الكبير مش بسنه يا اخويا الكبير بعقله انه يكون قدوة صالحة لكن انت باللى عملته ده فعلا قليت اوى ف نظرى 
خرجت هناء والدتهم وقالت ايه اللى بيحصل هنا ده ف ايه يا سلوى!

سلوى ابنك المحترم اهان نورهان واهلها بدل ما يقول كتر خيركم وكلمتين حلوين سم بدنها وخلى اكتر يوم كانت بتستناه بقى اتعس يوم ف حياتها 
هناء ليه كل ده ما تفسرى ايه اللى حصل بالظبط!
سلوى اللى حصل ان قبل الخطوبة بيوم نورهان كلمت الاخ وسألته مين هيجى معاك قال احنا واهلنا وتلاتة من اصحابى الناس عملت حسابها ع العدد اللى الباشا قاله الموضوع وسع منه وجاب عدد اكبر ومع ذلك الناس قامت بالواجب والاكل كفى وفاض والناس كلها من ناحيتنا اتراضت رايح يقولها انتم كسفتونى وعرتونى ادام اصحابى والأكل مكفاش وكان طعمه وحش ايه القرف ده!
سهام اختهم الكبيرة طب ما هو فعلا عنده حق الاكل مكانش يتاكل الارز معجن والمكرونة بتقرمش وحاجة زفت 
سلوى نفس الكلمتين اللى الاخت قالتهم دلوقتى قالتهم ليها برضه ف الفون بدل ما تلطف الدنيا بوظتها اكتر 
هناء لا غلطان يا حسن الأكل كان زى الفل ونضيف والناس ضايفونا وقابلونا احسن مقابلة وعملوا كل اللى ف وسعهم كمان 
سلوى غير كده يا ماما انتى عارفة ان طنط دعاء مامت نورهان هى اللى بتشتغل وتصرف ع بناتها التلاتة ومنهم نورهان كمان بتتجهز بعد ما جوزها ماټ
حسن طب ما بدل ما هما مش قادرين يعملوا خطوبة بسيطة كانوا قالوا وانا اديتها فلوس اومال لو كانت عملتها ف قاعة زى ما بتمنى!
سلوى انت بتتكلم بثقة اوى كده ليه اومال لما اختك جات تتخطب قولت معندناش بنات تتخطب ف قاعة وافرض محصلش نصيب ودى خطوبة مش جواز ولا هو حرام ع اخواتك وعادى لبنات الناس 
سهام هو ف ايه انتى بتنكلمى مع اخوكى كده ليه هو المفروض تكونى مع مين! ولا هى عشان صاحبتك
سلوى لا يا ست سهام مش عشان صاحبتى عشان انا بقول كلمة الحق وعشان دى بنت وغلبانة ويتيمة مينفعش نيجى عليها وعشان انا مش منافقة زى ناس واخاڤ ربنا يقعده ليا اصل كما تدين تدان 
سهام پغضب تقصدى مين بالمنافقة ها انطقى
هناء باااااس اخرسوا بقى انتم هتتخانقوا ادامى ولا ايه مفيش احترام لوجودى 
سلوى ي ماما انا اسفة انا مش قصدى اعلى صوتى قصاد حضرتك بس اديكى شايفة ابنك وبنتك بيعملوا ايه وبيقولوا ايه!
هناء خلصنا وانا غلطتهم متسوقيش فيها وانتى ي ست سهام خليكى ف نفسك ويا تقولى كلمة عدلة ي تسكتى وانت يا استاذ حسن من امتى وانا ربيتك تهين الناس وتقلل من كرامتهم انا المفروض مخلفة راجل ولو مكنتش هتقدر تكون للبنت دى سند وضهر وتعوضها عن ۏفاة ابوها يبقى الاحسن تسيبها للى يقدرها 
مشى حسن وهو مضايق وع اخره وكذلك سهام دخلت ع اوضتها ورزعت الباب ودخلت عملت بلوك لنورهان وحطيتها ع البلاك 
عند نورهان اللى كانت قاعدة ع السفرة ومامتها ملاحظة انها مش بتاكل وعمالة تقلب ف الطبق وباين عليها الحزن 
دعاء مالك يا حبيبتى انتى كويسه!
نورهان بابتسامة اه يا حبيبتى الحمدلله ما انا زى الفل اهو 
دعاء مش باين انتى من امبارح ساكتة وباين ف عيونك الحزن مع انى كنت مفكرة انك هتفرحى لانك اتخطبتى للشخص اللى بتحبيه!
نورهان لا انا فعلا مبسوطة اوى وطايرة من الغرحة انك وافقتى بس يمكن متوترة شويه وكده يعنى
دعاء متوترة من ايه! 
نورهان عادى يا ماما احساس انى مخطوبة وهتلبخ بقى ف التجهيزات والعفش احساس حلو وموتر ف نفس الوقت 
دعاء بعدم اقتناع ولو انى مش مقتنعة بس ماشى 
نورهان لا اطمنى يا ست الكل انا زى الفل انا هقوم بقى 
دعاء تقومى فين انتى مش اكلتى حاجة يا بنتى
نورهان لا شبعانة ما انتى عارفة انى بعمل دايت وكده 
دعاء دايت اه ماشى هعديها بمزاجى 
دخلت نورهان ع اوضتها ومسكت فونها لكن مفيش اى اتصال او حتى ماسدج من حسن قالت يعنى انت الغلطان وكمان انت اللى واخد جنب انت ليه اتغيرت اوى كده!
فضلت مستنية منه اتصال او رسالة لكن مبعتش شويه ولقت الجرس بيرن ولما فتحت كانت سلوى صاحبى الجامد 
نورهان قلبى يا ناس تعالى ادخلى 
سلوى اومال طنط فين!
نورهان دخلت تنام شويه انتى عاوزاها اصحيها
سلوى لا انا بسأل عليها عادى انا جاية ليكى انتى اشوفك واتكلم معاكى 
نورهان تعالى ندخل اوضتى عشان نتكلم براحتنا 
دخلوا وقعدوا ....سلوى انا واجهت حسن وسهام وعرفت ماما باللى حصل 
نورهان پصدمة ليه عملتى كده يا سلوى وانا بقول هو مش بيكلمنى ليه! انتى خليتى شكلى وحش قصاده واكيد هيفكر انى بوقع بينكم 
سلوى بطلى هبل وسذاجة شويه اللى زى حسن اخويا ده لازم حد يقف ليه وماما قامت بالواجب
نورهان مش كده يا سلوى انا حكيت ليكى وانتى البيست مش اخت خطيبى 
سلوى عارفة بس الموضوع حړق دمى وانا كنت ناوية اخليها بينا بس ماما سمعتنا وكانت لازم تعرف بعاميلهم 
نورهان انا لازم اكلمه وافهمه انى حكيت ليكى عادى مش عشان ازعلكم من بعض
سلوى تعالى هنا لا طبعا انتى هتبررى ليه بناء ع ايه انتى معملتيش حاجة غلط وووو....يتبع
-تعالى هنا لا طبعا انتى هتبررى ليه بناء ع ايه انتى معملتيش حاجة غلط هو اللى المفروض يفهم انه غلط ويجى يعتذر ليكى كمان 
نورهان المفروض قبل ما انتى تحكى بس هو كان متفق معايا ان المشاكل الخاصة تفضل بينا ونحلها سوى 
سلوى بس هو اتخطى حدوده معاكى وكان لازم حد يقف ليه 
نورهان مش عارف ليه حاسة انى خاېفة ومش مبسوطة كنت فاكرة لما دبلته تبقى ف ايدى هكون اسعد انسانة ف الوجود 
سلوى متزعليش يا حبيبتى ان شاء الله هيفهم ويعتذرلك والامور هتكون بخير
عدت الايام وجه حسن زيارة لنورهان وهو ع اخره منها ...نورهان انا كنت عاوزة اقولك ع حاجة مهمة 
حسن خير!
نورهان انا لقيت شغل ادارى ف مصنع قريب من هنا وهنزل من بكرة ان شاء الله 
حسن ده بجد طب كويس ما شاء الله ما انتى مكررة ومجهزة كل حاجة اهو ليه تعبتى نفسك وجاية تعرفينى دلوقتى
نورهان يا حسن انت بقالك اسبوع مبتكلمنيش وحتى انى رنيت عليك كتير وبعتلك ماسدجات كتير مكنتش بترد عليا 
حسن انتى ليك عين كمان تتكلمى انتى نسيتى انك معملتيش بالاتفاق وروحتى تحكى لسلوى لما بتعملى كده من دلوقتى ع كده بعد الجواز اسرار البيت كله هتكون برة 
نورهان ايه اللى بتقوله ده اكيد لا طبعا انت للدرجة دى شايفنى مستهترة ومش مسؤلة
حسن تصرفاتك يا هانم مبتقولش غير كده ع كل حال الموضوع انتهى واما بخصوص الشغل انا مش موافق
نورهان پصدمة ليه دى فرصة كويسة جدا بالنسبة ليا والمرتب كويس اوى وهيساعدنى كتير ف التجهيز وع القليل اشيل حمل بسيط من ع كتف ماما 
حسن مليش انا ف كل الهرى اللى قولتيه ده مفيش نزول شغل 
نورهان بس ماما موافقة
حسن وانا بقى هبقى جوزك ومش موافق سهلة اهى 
نورهان حسن انت بتعمل كده ليه .. ليه اتغيرت معايا انت مكنتش كده قبل الخطوبة انا كنت مفكرة ان بعد الخطوبة علاقتنا هتكون احسن انا دلوقتى بعمل مهما بعمل مش بيعجبك حاجة ودايما ضدى وكأنك قاصد تجرحنى وتوجعنى 
حسن هو اى هبل وخلاص كل ده عشان قولت مفيش شغل هو مش الزفت ده فيه رجالة يا هانم وهتحتكى بيهم 
نورهان انا مليش دعوة بحد وكلامى هيكون ع اد الشغل انت عارفنى كويس
حسن لا معرفش انا مش هكون معاكى وشايفك
نورهان پصدمة يعنى ايه انت مش واثق فيا!
حسن والله افهميها زى ما تفهمى انا مبقاش فيا حيل للمناقشة والتفسير
نورهان انت عاوز منى ايه دلوقتى يا حسن!
حسن حاجة من اثنين ملهمش تالت يا انا يا الشغل ده عن اذنك 
نزل حسن وساب نورهان ف قمة حزنها دخلت عليها امها ولاحظت دموعها طبطبت عليها بحنان وقالت نورهان يا حبيبتى راجعى حساباتك صح حسن ده مينفعكيش يا بنتى من يوم خطوبتك وانا مش بشوف الا دموعك وحزنك والراجل وهو كده ف الخطوبة تأكدى ان حياتك معاه بعد الجواز هتكون مرار بصى صلى ركعتين استخارة واللى ترتاحى ليه اعمليه انا عمرى ما اجبرتك ع حاجة بس خليكى فاهمة كويس ان وجعك هيصيبنى ضعفه وانك تبعدى من دلوقتى احسن ما تكونى جيبتى طفل لما يكبر يلومك انك معرفتيش تختارى ليه اب عدل
تانى يوم صحيت نورهان بدرى صلت وفطرت وكانت مرتاحة ع عكس الايام اللى فاتت 
دعاء بفرحة ما شاء الله وشك زى القمر شكلك مبسوطة 
نورهان اه يا حبيبتى الحمدلله مبسوطة وراضية جدا كمان 
دعاء يارب دايما يا قلبى بس هو حسن كلمك!
نورهان لا بس كلام حضرتك امبارح فتح بصيرتى اللى كانت عامية عن حاجات كتير وصليت استخارة وحاسة ان دى إشارة من ربنا ليا
دعاء طيب ناوية ع ايه!
نورهان هتعرفى النهاردة ان شاء الله انا هنزل عشان متأخرش من اول يوم كده سلام يا حب
نزلت نورهان وراحت ع المصنع ودخلت ع مكتبها اللى كان خاص بيها هى فقط بدأت تتابع شغلها ووصل المدير وكان بيشيك ع الموظفين الجداد ودخل ع مكتب نورهان 
نورهان حضرتك استاذ عز مش كده!
عز ايوة انا ها ايه اخبار الشغل!
نورهان الحمدلله لحد الان الأمور تمام 
عز ممكن اشوف الملف ده 
نورهان اكيد طبعا اتفضل
فحصه عز واتفاجئ من شاطرتها وان الملف بدون غلطة واحدة ..عز بابتسامة بداية مبشرة استمرى ع كده وان شاء الله يكون ليكى مستقبل احسن معانا 
نورهان ان شاء الله يا فندم هكون عند حسن ظنك وهعمل ما ف وسعى 
خلص اليوم ونزلت نورهان عشان تروح ولقت حسن واقف وساند بضهره ع العربية اللى كانت زجاجها متفيم 
حسن حلو اوى الكلام ده يعنى بتكسرى كلامى وبتنزلى وكمان من غير اذنى 
نورهان والله انا مبعملش حاجة غلط او من ورا اهلى وطالما مش ف بيتك وبتصرف عليا واسمى مراتك يبقى ملكش اى حق تقولى اعملى ده وده لا 
حسن بتفاجئ من كلامها لاول مرة بهذه القوة وده من امتى ان شاء الله !
نورهان من اللحظة اللى فهمت فيها انك بتستغل حبى ليك وبتستخدمه كسلاح ضعف ناحيتى وبتمسكنى منها من الوقت اللى قدرت اشوفك فيه ع حقيقتك من الثانية اللى فهمت فيها ان مراية الحب عامية فعلا
حسن تصدقى عجبتينى بس مش لايق عليكى دور القوية ده 
نورهان لانك مشوفتوش منى قبل كده انا عودتك ع حاضر ونعم وعمرى ما كسرت ليك كلمة وكنت مفكرة انك هتقدر ده وتشترى خاطرى لكن انت عملت العكس ومش بس جرحتنى ده انت اهانت كرامتى انا واهلى وحولت اكتر يوم كنت بستناه لاسود يوم ف حياتى من بعد يوم ۏفاة ابويا 
حسن افهم من كلامك ده ايه!
نورهان مش انت امبارح خيرتنى وقولتلى يا انا يا الشغل ده انا بقى اختارت الشغل بدليل انك شايفنى اهو نازلة منه 
حسن ده انتى بايعة بقى!
نورهان انا طول عمرى كنت الشارية عشان كده اتباعت لكن من اللحظة دى انا مش هشترى غير راحتى وكرامتى وبس 
حسن يعنى ده قرارك النهائى انا لحد الان شارى ومش واخد ع كلامك 
نورهان لا انا عارفة كويس اوى انا بقول ايه واطمن حاجتك انا مش هقبلها هتصل ع سلوى تعدى عليا النهاردة تاخدها ووووو.....يتبع
-لا انا عارفة كويس انا بقول ايه واطمن حاجتك انا مش هقبلها هتصل ع سلوى تعدى عليا النهاردة تاخدها حد الله بينى وبين اى حاجة منك 
حسن ماشى ع العموم انا عملت بأصلى معاكى للاخر وانا مش هضربك ع ايدك عشان تكملى يا قطة سلام 
نظرت نورهان ع اثره بحزن وبصت ع الدبلة اللى ف ايدها وقلعتها كل ده وعز ف العربية شايف وسامع كل حاجة طبعا لان الزجاج متفيم مش بيكون معروف ان حد جوة بس هو كان شايفهم ولما مشيت نورهان ساق عربيته وطلع ع الفيلا بتاعته وبنته لارين اول ما شافته جات جرى عليه بابى
عز بحنية روح قلب بابى انا مبسوط منك خالص وجيبت ليكى الشوكليت اللى بتحبيه 
لارين بفرحة الله وكبيرة كمان 
عز طول ما انتى شاطرة ف المدرسة وبتجيبى ارقام عالية هكافئك ع طول 
تفحص عز بعينه البيت وسأل الدادة واسمها أمينة اومال المدام فين!
أمينة المدام رنا خرجت من من بدرى ولسه مرجعتش لحد دلوقتى يا فندم 
عز بعصبية نعم! ازاى يعنى وازاى تخرج من غير اذنى .... مسك فونه ورن عليها بس هى كنسلت
عز لو سمحتى يا دادة خدى لارين ع اوضتها وبعد اذنك تقفلى الباب كويس 
فهمت أمينة مقصد عز واخدت لارين ع اوضتها وبعد ربع ساعة وصلت رنا 
عز حمدالله ع السلامة يا مدام ما لسه بدرى 
رنا هاى يا بيبى اول مرة تيجى بدرى النهاردة كنت مفكرة انك لسه ف الشركة
عز كنتى فين وازاى تخرجى من غير اذنى
رنا هكون فين يعنى كنت ف النادى وانت عارف انى بروح كل يوم 
عز واللبس المسخرة ده كنتى بيه ف النادى!
رنا ماله لبسى !
عز والله مش عارفة ماله قصير جدا وماسك ع جسمك بطريقة مستفزة 
رنا والله ده لبسى من زمان وانت عارف كده
عز الكلام ده كان قبل الجواز دلوقتى انتى زوجة وام يا هانم الوقت اللى انتى بتخرجى تقضيه مع توتو وسوسو بتوعك بنتك اولى بيه لبسك ده لازم يتغير وتتحجبى انتى ام وقدوة 
رنا ااااه ما تخلينى البس شوال بالمرة ولا اقولك متخرجنيش من البيت احسن وبعدين مالها لارين ناقصها ايه!
عز ناقصها ايه! ناقصها وجودك ناقصها ام 
رنا معتقدش انى مقصرة ف حقها كل طلباتها مجابة والدادة واخدة بالها منها كويس 
عز هو مين اللى أمها والمفروض ياخد باله منها انتى ولا الدادة وايش