عندما تجد الامان بقلم نشوه_عادل
عرفك ان الدادة دى كويسه مع بنتك بتشوفيها بتقعدى اصلا عشان تعرفى معاملتها مع بنتك ازاى ومهما كانت كويسة وواخدة بالها منها مش هتقدر تعوضها عنك يا اللى الجنة تحت رجلك
رنا حلو اوى ده انت كمان عاوزنى ابقى خدامة للبنت وايه كمان
عز خدامة ايه انتى حافظة مش فاهمة دى بنتك فاهمة يعنى ايه بنتك يعنى ده حقها عليكى يا مدام مش عطف منك انا مش عارف انتى ازاى مستهترة كده ده انتى غيرك بيتمنى ضافر عيل بس وانتى ربنا رزقك بأجمل بنوتة هتفوقى لنفسك امتى
عز والله لما بابى يعرف باللى بتعمليه معتقدش انه هينصفك ويقف ف صفك
مشيت رنا من ادامه بعصبية ودخلت اوضتها وققلت ع نفسها وهو قعد ادام البيسين وپيلعن نفسه ع اختياره وبيقول ياريت يا لارين تسامحينى معرفتش اختار ليكى ام
دعاء طمنينى يا حبيبتى اخبار الشغل ايه!
نورهان الحمدلله يا حبيبتى هو متعب شويه بس هتعود عادى
نوران الاخت الوسطى ماما انا عاوزة ١ جنيه عشان مذكرة الفيزياء
دعاء ماشى يا نور بكرة
نوران مينفعش يا ماما الدرس النهاردة وانا قولتلك من المرة اللى قبل اللى فاتت والمستر هزقنى وسط زمايلى ونبه اللى مش هيجيبها ميجيش الدرس
نوران احلى نورهان ف الكون
دعاء معليش يا حبيبتى اقبض الجمعية واعطيهم ليكى ان شاء الله
نورهان ايه اللى بتقوليه ده بس يا ماما دى اختى هى مفروضة عليا
دعاء ربنا يديمكم لبعض ويجعلكم سند يارب
نورين طب ايه هو انا مليش من الحب جانب ولا ايه!
نورهان لا طبعا يا قلبى انت تؤمرى عاوزة ايه!
نورهان حاضر بكرة ان شاء الله وانا راجعة من الشغل هجيبهم ليكى
قامت نوران ونورين من ع الغدا بعد ما خلصوا وقعدت دعاء مع نورهان وقالت دبلتك فين!
نورهان وهى بتحط ايدها مكان الدبلة خلاص ي ماما انا عرفت حسن انى مش هكمل وقولتله انى هكلم سلوى تعدى عليا تاخد الحاجة
نورهان جدا كمان ارتاحت جدا بعد كلام حضرتك امبارح وكمان بعد ما صليت واول مرة احسبها بعقلى والغى قلبى يمكن اكون موجوعة شويه يمكن اكون حزينة ان اختيارى اللى حاربت الكل عشانه خذلنى بس نفسيا مرتاحة ومقتنعة ان ربنا هيعوضنى بالاحسن
دعاء بابتسامة ان شاء الله يا حبيبتى
رن الجرس وقامت دعاء فتحت وكانت سلوى اللى باين عليها الحزن ...دعاء اهلا يا حبيبتى اتفضلى اتغديتى ولا اجيبلك تتغدى
نورهان من الصالون انا هنا يا حب تعالى
دعاء ادخلى اما اجيب ليكم العصير
دخلت سلوى وهى حاطة وشها بالارض ومش عارفة تتكلم
نورهان ايه يا بت انتى واكلة سد الحنك قبل ما تيجى ولا ايه!
سلوى مش عارفة اقولك ايه ع اللى بيحصل انا اسفة اوى بجد
نورهان اسفة ع ايه يا هبلة انتى !
سلوى ع اللى حسن عمله والخذلان اللى انتى فيه بسببه انا عارفة ان القوة اللى بتتكلمى بيها دى عكس البركان اللى ف قلبك بس انا من الاول نصحتك وقولتلك ان حسن مش شبهك مع انى كنت اتمنى اكون غلط وميخذلنيش قصادك بس للاسف اللى فيه طبع مش بيتغير
نورهان متشيليش نفسك ذنب حاجة انتى ملكيش يد فيها كانت تجربة وانتهت خلاص وانا اتعلمت منها
سلوى بحزن هو انتى كده هتقطعى علاقتك بيا ووووو....يتبع
- هو انتى كده هتقطعى علاقتك بيا صح عشان انا اخت اللى كان خطيبك وبسبب افعاله هخسرك مش كده!
نورهان وهى بتقوم بسرعة وتحضنها ايه الكلام الاهبل ده انتى اختى وعشرة عمرى مش صاحبتى وبس ومهما كان اللى حصل من اخوكى ف حقى انتى ملكيش ذنب فيه انتى هتفضلى اختى وصاحبتى لاخر العمر معتقدش ان فيه ف عمرى اد اللى راح عشان الحق اعمل صاحبة زيك
دمعت سلوى وشددت من حضنها انا بحبك اوى يا نور والله انتى اغلى واعز صديقة عندى
نورهان وانتى اختى مش صاحبتى وبس وبعدين كفاية دموع انا مش واخدة عليكى كده فين لسانك اللى اطول منك
سلوى يلا يا حيوانة
نورهان بضحك ايوة هى دى سوسو حبيبتى
سلوى هو بعد سوسو دى من فضلك اقطعى علاقتك بيا
ضحكوا الاثنين ودخلت دعاء وقالت عملت عشانكم احلى كوبايتين عصير
سلوى مكنش فيه داعى تتعبى نفسك يا طنط هو انا غريبة
دعاء وانا لو بعتبرك غريبة هعملك عصير ليه يا اختى انا عارفة ان الجو حر الحق عليا تصدقى انى غلطانة يا بت اوعى هاتى العصير
سلوى بسرعة ايه يا طنط انتى ماصدقتى دول كلمتين زوق مش اكتر
دعاء بضحك ايوة كده اتعدلى
دخلت نورهان اوضتها وجابت شنطة فيها العلبة بالشبكة وقالت اتفضلى يا روحى الشبكة اهى شوفيها برضه قبل ما تمشى واتأكدى انها كاملة
سلوى بزعل انتى عبيطة ولا شكلك كده هو انا هخونك
نورهان مش كده بس عشان اخوكى ميرجعش يقول ان نقص حاجة
سلوى القليل عندك يزيد يا قلبى عن اذنكم همشى انا بقى
دعاء لسه بدرى يا حبيبتى خليكى شويه
سلوى بدرى من عمرك يا طنط انا معرفتش حد ف البيت انى هتأخر
نورهان خلاص يا ماما سبيها ع راحتها بس خلى بالك المرة دى مش محسوبة ها
سلوى اوك يا حب يلا باى
تعدى الايام ونورهان بتتأقلم ف الشغل اكتر وبتثبت كفائتها وشاطرتها اكتر واكتر اما عز المشاكل بينه وبين مراته يوم عن يوم بيزيد وف يوم كان فيه اجتماع مهم جدا ف الشركة وطبعا جمع اكفأ الموظفين ف الشركة والمصنع
عز الوفد الفرنسى هيوصل امتى يا عادل!
عادل كمان ربع ساعة ان شاء الله
عز طب المترجم فين المفروض يكون هنا من بدرى
عادل مش عارف والله انا رنيت عليه وقالى انه ف الطريق بس فيه زحمة عطلته متقلقش ان شاء الله يوصل قبل الميعاد
عز بتوتر انت عارف يا صاحبى ان دى صفقة العمر لينا لو تمت ع خير بعدها هنتنقل ف حتة تانية خالص مش عاوز اى غلطة
عادل يا ابنى بطل توتر بقى ما انا زيى زيك صاحب الشركة ومع ذلك مش قلقان كده
عز طب انت معندكش ډم طول عمرك فاكر ايام الامتحانات كنت انا افضل سهران من قلقى وانت نايم وبتشخر
عادل ي ابنى انا راجل فاهم الدنيا صح وباخد الامور ببساطة اصل هتوتر هتعصب هنسى هعك الدنيا يبقى ليه يعنى!
دخلت السكرتيرة وقالت الوفد الفرنسى وصل يا فندم ودخلتهم ع غرفة الاجتماع
عز بقلق ايه يا ابنى الناس وصلت والزفت لسه مجاش هنعمل ايه!
عادل رن عليه انت وانا هروح ارحب بيهم ع اما انت تيجى
فضل عز يرن ع المترجم كتير ومبيردش واخيرا بعد مدة طويلة رد ...عز بعصبية انت فين يا بنى ادم
صالح والله ف الطريق بس الكوبرى واقف بسبب الزحمة مش ذنبى
عز انت بنى ادم مستهتر انت عارف ان فيه زفت صفقة مهمة المفروض كنت تيجى من بدرى
صالح انا نزلت فعلا من بدرى بس الموضوع مش بايدى
دخلت السكرتيرة وقالت مستر عز الوفد بيسأل عن حضرتك وعاوزين يبدأوا الاجتماع
قفل عز الفون ودخل ع القاعة بهيبة ورحب بالوفد وهمس لعادل هنعمل ايه دلوقتى نطلع التليفونات ونقضيها ترجمة جوجل
عادل اكيد مش هينفع طبعا
اتكلم بصوت مسموع وبعدين هنتعامل ازاى احنا مش بنعرف فرنسى
وهنا سأل واحد من الوفد -- ? ( فيه مشكلة!)
طبعا محدش فهم لكن اتفاجئوا بنورهان بترد عليهم فرنسى وبطلاقة
عز انتى بتعرفى تتكلمى فرنسى!
نورهان ايوة يا فندم متقلقش نقدر نبتدى الاجتماع
بدأ عز يهدى وياخد نفسه بانتظام وبعد ما انتهت الصفقة طبعا اتفقوا ان يكون فيه عشاء عمل ويوقعوا العقود وبعدها مشيوا
عز انا متشكر جدا يا آنسة نورهان مش عارف لولا وجودك النهاردة كان حصل ايه
نورهان لا شكر ع واجب يا فندم ده شغلى
عادل انا اول مرة اشوفك انتى بتشتغلى ايه ولا فين!
نورهان الادارة يا فندم ف المصنع
عادل ايوة انا مش بروح المصنع عشان كده مشوفتكيش بس باين عليكى شاطرة
نورهان ميرسى يا فندم شهادة اعتز بيها عن اذنكم
مشيت نورهان ....عز انا هروح واعطى خبر لرنا عشان لازم تكون موجودة لان مرات رئيس الشركة الفرنسية هتكون موجودة
عادل ماشى يا صاحبى
بالفعل رجع عز ع بيته وعرف رنا بالميعاد واخدت منه مبلغ كبير عشان تروح الكوافير وبالرغم انه مكنش مقتنع بس حب يعدى الامور ولما جه الميعاد راح ع الاوضة وخبط رنا خلصتى لبس ولا لسه لازم ننزل دلوقتى
رنا الله مش لسه نص ساعة!
عز ايوة بس انا لازم اوصل بدرى قبلهم واكون ف استقبالهم
رنا اوك خلاص انا بلبس الشوز بس تقدر تدخل
دخل عز واټصدم من لبسها ...عز پصدمة ايه اللى انتى لابساه ده!
رنا وهى بتلف ايه رأيك ف الفستان يجنن مش كده!
عز بعصبية انتى فاكرة نفسك رايحة كباريه ده مطعم يا هانم وعشاء عمل ايه المنظر ده ..ده الفستان كاشف اكتر ما ساتر
رنا پغضب هو ف ايه بجد انت دايما كده عاوز تعترض وخلاص انا عملت كل ده عشان اشرفك ادام ضيوفك
عز وانا مش واخدك زينة يا هانم ولا بضاعة اعرضها ليهم
رنا انت امتى هتبقى متحضر بقى وتبطل شغل الريف اللى انت جاى منه ده
عز تمام حاضر ثانية واحدة
لاحظت رنا انه عمال يدور بالادراج والدولاب ع حاجة فسألته باستغراب انت بتدور ع ايه!
عز پغضب بدور ع القرون اللى كنت شايلها هنا ووو.....
- بدور ع القرون اللى كنت شايلها هنا عشان اخليكى تختارى ليا واحد مناسب
رنا پغضب ايه الهبل اللى بتقوله ده انت هتبطل فلح امتى ده انت هتبقى مليونير ولسه الطبع غالب
عز الدين يا هانم مش بيفرق بين غنى وفقير انتى عارفة اللى يسمح لمراته تلبس وتخرج بزينتها كده بيكون ده صفته بالاسلام وانا اخدتك كده وقولت يمكن ربنا يهديكى بعد الجواز فبقيتى اوبن مايند اكتر قولت بعد الخلفة لكن مفيش فايدة وانا بقى معنديش اى استعداد انى اقبل بالوضع ده اكتر من كده
رنا يعنى ايه بقى ان شاء الله!
عز يعنى من الاخر كده انتى لازم تتحجبى
رنا ايه! انت اټجننت انا رنا الحداد اتحجب انت عاوزنى ابقى مضحكة بين اصحابى
عز الحجاب يا هانم ستر وعفة ومبيزيدش الست الا جمال وبيخليها جوهرة غالية مش لحم رخيص للى يسوى واللى ميسواش واصحابك دول مش هيدخلوا معاكى القپر ويتحاسبوا ع افعالك هل انتى هتكونى ع استعداد تقفى بين ايد ربنا ف اى وقت! انتى ضامنة اصلا الثانية الجاية تبقى موجودة ف الدنيا
رنا بعصبية انت بتبشر عليا ولا ايه فال الله ولا فالك يا شيخ وبعدين انت واخدنى كده وانا هفضل كده ومش هتغير
عز لا هتتغيرى ولو مش بمزاجك ڠصب عنك واقولك مش عاوزك تيجى معايا خليكى انا ماشى
رنا ف ستين داهية والله ما انا قاعدة ليك فيها هترجع مش هتلاقينى يا عز
خرج عز وتجاهلها لانه كان متأخر ...وصل ع المطعم وكان عادل مستنيه ايه ي ابنى اتأخرت كده ليه وفين مراتك!
عز اتخانقت معاها وحلفت ما هتيجى معايا
عادل يوووه تانى انت ي ابنى متعبتش من ام الخناقات دى ده انا تعبت ليك سلف والله
عز ومين سمعك انا كنت بستحمل عشان خاطر لارين لكن دلوقتى لازم احط النقط ع الحروف
عادل استهدى بالله ومتخليش الشيطان يتمكن منك وتخرب بيتك
عز هو كده كده مخروب يا صاحبى يارتنى سمعت كلامكم لما قولتوا ليا دى مش هتنفعك ومش هتنفع تكون ام
عادل اهدى بالله وروق الناس ع وصول متنساش حلمنا اللى بقينا ع بعد خطوة منه
عز اومال فين انسة نورهان مش المفروض تكون موجودة!
صوت من وراهم انا هنا يا مستر
عز انا متشكر جدا انك وافقتى تيجى بس انتى عارفة احنا مش بنفهم فرنسى والمترجم اللى كنت متفق معاه لما اتأخر ع الاجتماع رفدته
نورهان العفو يا فندم بس ياريت منتأخرش عشان مينفعش ارجع بليل متأخر
عز ان شاء الله مفيش تأخير
وصل الوفد وتمت الاتفاقية ومضوا العقد وكان عادل وعز ف قمة سعادتهم وبعد ما العشا انتهى
نورهان هستأذن انا بقى عن اذنكم
عز استنى هوصلك
نورهان شكرا انا هاخد تاكسى من هنا مفيش داعى تتعب نفسك
عادل لا مينفعش خلاص يا عز روح انت شوف دنيتك وانا هوصل الانسة
احس عز انه مضايق لما نورهان وافقت تروح مع عادل وهو ميعرفش ليه اصلا
ف البيت وصل عز ولقى الدنيا هادية ... أمينة حمدالله ع السلامة يا بيه
عز الله يسلمك هو حضرتك لسه هنا ليه مش المفروض تكونى روحتى من بدرى !
أمينة انا كنت فعلا همشى بس المدام رنا لمت هدومها وسابت البيت ومشيت ولارين هنا لوحدها خۏفت اسيبها ورنيت ع حضرتك كتير بس فونك كان مقفول
عز مشيت! وكمان سابت البنت ايه الست دى مخلوقة من ايه نفسى افهم دى ام ازاى ..يعنى لو انتى مش موجودة كانت مشيت عادى وسابت البنت
أمينة حصل خير انا مش مضايقة والله هى شكلها كانت متعصبة اوى وهى ماشية
عز انا متشكر جدا انك استنيتى لو ينفع تفضلى هنا النهاردة يبقى كتر خيرك
أمينة مفيش مشكلة هكلم الولاد واعرفهم
خرج عز وراح ع بيت ابو رنا ودخل ....رفعت اهلا يا عز نورت
عز شكرا ي عمى ينفع اللى بنتك بتعمله ده بعيد عن انها سابت البيت ينفع تسيب البنت افرض الدادة مش موجودة كانت هتسيبها عادى جرى ليها حاجة او خرجت وتاهت!
رفعت انت عارف ان رنا لما بتتعصب مش بتعرف تاخد قرارات صح معليش
عز معليش ايه بس ده استهتار دى متعرفش يعنى ايه تكون زوجة وام كل اللى تعرفه النادى واصحابها والسفر والكوافير واللبس والفلوس وبس انا وبنتها وبيتها مش ف حساباتها اصلا
رفعت انت اتجوزت بنتى وانت عارف كويس انها طول عمرها عايشة ف رفاهية
عز بس الوضع مختلف دلوقتى بقى فيه ف حياتها انا وبنتها
رفعت معليش مفيش حاجة بتيجى مرة واحدة خدها ع اد
