عندما تجد الامان بقلم نشوه_عادل

والله يا بنتى واضح انه ابن ناس وراجل فعلا محترم بس السؤال هنا ليكى انتى 
نورهان مش فاهمة!
دعاء يعنى انتى موافقة عندك استعداد تتقبلى فكرة انه كان متجوز قبلك وعنده بنت هى مش حاجة تعيبه طبعا لكن انتى موافقة ع المبدأ ده
نورهان انا بالنسبة ليا عمرى ما فكرت اصلا ف الموضوع ده ولا كان عائق بالعكس هو مر بتجربة فاشلة وداق مرارها وواثقة انه هيعاملنى كويس وكمان لارين بتحبنى وانا كمان يبقى بالنسبة ليا مفيش مشكلة
دعاء يبقى ع بركة الله يا حبيبتى هكلم عمك واخوالك يكونوا هنا 
حضنتها دعاء وحست بفرحة نورهان ومتنكرش هى الاخرى انها مطمنة وفرحانة بنسب عز 
ف الشركة العصر وصل عادل ودخل ع مكتب عز ...عز حمدالله ع السلامة كنت ناوى اجيلك بعد الشغل الناموسية كحلى ولا ايه!
عادل دى حقيقة سهرت جامد انا نايم قبل الضهر بحاجة بسيطة 
عز بغمزة نزوة جديدة دى ولا ايه يا دنجوان 
عادل لا مش نزوة ده حب يا صاحبى وشكلى كده هودع العزوبية قريب 
عز بفرحة احلف اخيرا هتدخل العش برجلك واشمت فيك 
عادل شكلى كده بصراحة انا ما صدقت لقيتها وابقى غبى لو ضيعتها من ايدى 
عز يا عم مبروك مقدما شد حيلك كده عشان تتجوز معايا او بعدى بحاجة بسيطة 
عادل ان شاء الله....لحظة صمت واستيعاب وبعدين قال انت قولت ايه!
عز ايه!
عادل عيد اللى قولته تانى حاسس انى سمعت حاجة كده غريبة 
عز بضحك لا يا معلم اللى سمعته صح انا هتجوز
عادل احلف نورهان صح!
عز ولا اسمها انسة نورهان وقريب مدام عز 
عادل الله وكمان بنغيير ده احنا وقعنا بقى
عز انت بتقول فيها يا عادل انا بعترف ان نورهان حرفيا اول حب بحياتى انا عمرى ما عرفت معنى كلمة حب وتعلق الا معاها 
عادل سيدى يا سيدى شوية وهنقول شعر تصدق بالله انا كنت متأكد ان ده هيحصل عشان كده قولتلك سيبها للوقت وكنت انا صح 
عز ماشى يا عم الفهيم عاوزك تجهز نفسك ٧ ونص هعدى عليك وقول لابوك كمان يجى معايا انت عارف انا مليش حد يجى معايا غيركم
عادل عيب اوى لما تقول كده واحنا موجودين انت اخويا يالا 
عز قلب اخوك 
عادل طيب كفاية عليك شغل وروح جهز نفسك عاوزك تبقى اشيك شاب فيكى يا بلد وانا هخلص امورى بدرى ومتتعبش نفسك احنا هنعدى عليك
بالفعل حل الليل وراح عز مع عادل ووالده واتقدم لنورهان والكل رحب واتفقوا ع ميعاد الخطوبة والفرح وف يوم كان عز معزوم عند نورهان ومعاه لارين 
لارين بفرحة يعنى يا نورهان يا حبيبتى هتيجى تعيشى معانا بالبيت اخيرا 
نورهان باحراج ان شاء الله يا قلبى
دعاء نورهان هتيجى عندكم البيت وتكون زى ماما بالظبط 
وقعت المعلقة من ايد لارين وبدأت ترتعش وجريت ع عز استخبت فيه وووو
وقعت المعلقة من ايد لارين وبدأت ترتعش وجريت ع عز استخبت فيه وهى بتقول لا يا بابى بليز خلاص مش عاوزة نورهان تيجى عندنا مش عاوزاها تكون زى مامى شريرة 
فضلت تتشنج ف حضڼ ابيها اللى مكنش عارف يحتوى الموقف قصادهم استأذن وخرج برة الصالة وطلعت نورهان وراه 
عز لارين يا حبيبتى مش انتى بتحبى نورهان وكان نفسك تيجى تعيش معانا 
هزت لارين راسها بالايجاب وبعدين قالت بس تيتة دعاء قالت انها هتكون زى مامى 
عز لا يا حبيبتى هى متقصدش تكون زيها وتعاملك زيها تقصد انها هتكون ليكى ف مقام مامى 
ولان لارين لسه طفلة ف ٢ ابتدائى مقدرتش تفهم فقالت نورهان وهى بتمسك ايدها مټخافيش يا روحى انا عمرى ما هكون قاسېة ف حقك او زى مامى ف تعاملها انا هفضل نورهان صاحبتك اللى بتحبيها
لارين بجد طب احلفى 
نورهان بضحك والله العظيم 
لارين وهى بتمسح دموعها طب انا لسه جعانة 
ضحكت نورهان وشالتها دخلتها ع جوة وكملوا اكل ودخلت لارين مع نورين ونوران تلعب معاهم ف اوضتهم 
دعاء انا اسفة جدا يا ابنى ع اللى حصل انا والله مكنش قصدى ومكنتش اعرف وضع لارين
عز بحزن متعتذريش يا امى ربنا يسامحها اللى كانت السبب والغلط كان منى من البداية لانى معرفتش اختار ام صح لبنتى اتسببت للبنت ف عقدة وكره لكلمة ماما لانها للاسف معرفتش تعطيها الحنان والامان زى اى ام ف الدنيا وبسبب كده لارين بقى عندها رهاب اجتماعى معندهاش اصحاب ولا بتتعامل مع المدرسين ف المدرسة ومبدأتش تتحسن وتتعامل مع الناس الا بعد ما عرفت نورهان اللى قدرت تعمل اللى انا والاخصائيين النفسيين فشلنا ننجح فيه
دعاء بتفهم ان شاء الله هتكون كويسة قريب وانا واثقة ف نورهان وعارفة انها هتخلى بالها منها كويس 
عز ان شاء الله طب نستأذن احنا بقى
دعاء ع فين لسه بدرى ولسه لارين مأكلتش من الكيك اللى عملته مخصوص ليها لانها بتحبه هسيبكم شويه واروح اشوفها 
مشيت دعاء وقعد عز جنب نورهان وحس ان فيها حاجة...عز مالك يا نورى شكلك زعلانة!
نورهان انا زعلانة ع لارين اول مرة اشوفها ف الحالة دى النهاردة عمرى ما تخيلت ان خۏفها من والدتها ممكن يوصلها لكده 
عز للاسف زى ما قولت لمامتك لارين فقدت فى امها الامان والدفا والحنية عشان كده كرهتها حتى من يوم ما مشيت عمرها ما سألت عليها ولا انا حاولت اتكلم معاها بخصوصها
نورهان وهى تمسك يده اطمن هترجع احسن من الاول ان شاء الله 
عز انا مطمن طول ما انتى جنبى 
نورهان ينفع اسألك سؤال بس لو هيضايقك بلاش
عز اسألى ع طول يا قلبى
نورهان هو انا كنت بتحبها!
عز بتنهيدة لو كنت اتسألت السؤال ده قبل ما اعرفك واحبك كنت قولت اه لكن انا اكتشفت انه كان مجرد اعجاب وانبهار البدايات وماټ الشعور ده بعد الجواز لما بانت حقيقتها بس للاسف كانت حملت ف لارين واللى عشانها كنت مضطر استحمل واتغاضى عن كل اخطاءها واكتشفت انه قرار الطلاق ده كان اكتر حاجة صح عملتها وكانت خطوة لازم اخدها من زمان انا فعلا محبتش ولا عرفت معنى كلمة حب بجد غير معاكى انتى
عدت الشهور تباعا واصبحت نورهان زوجة عز قولا وفعلا بعد ما اتعمل ليهم فرح حكى واتحكى عنه الناس كلها 
عز تعرفى انك جميلة اوى يا نور اول مرة اشوف شعرك متخيلتش انه حلو اوى كده 
نورهان انا محجبة من وانا ف تالتة اعدادى وماما كانت دايما تقولى انتى جوهرة مينفعش يمتلكها غير ملك واحد مش تبقى تحفة معروضة للى يسوى واللى ميسواش 
عز ده انا يا بختى بيكى وبنسبك يا ست الستات
نورهان پغضب طفولى ستات!
عز اه ما انتى مبقتيش بنات خلاص يا مدام 
نورهان عز بطل رخامة واوعى سيبنى اقوم 
عز ع فين يا عروسة!
نورهان هطمن ع لارين 
عز لارين مين اللى هتبقى صاحية ليكى الساعة ٦ الصبح اكيد نايمة وبعدين الدادة معاها انا محتاجلك دلوقتى 
تعدى الايام وحيات عز مستقرة واحسن حال وكذلك لارين وف يوم دخل عادل ع عز المكتب ومعاه بنوتة 
عز اهلا وسهلا اتفضلوا 
عادل اعرفك يا عز أسيل اللى حكيت ليك عنها وده بقى يا سيتى عز اخويا اللى حكيتلك عنه 
أسيل اهلا بيك يا استاذ عز مبسوطة انى شوفتك من كتر كلام عادل عنك هو بيعزك اوى
عز ربنا يخليكى عادل بالنسبة ليا مش صاحب ده اخويا وعشرة عمرى
أسيل ربنا يديم بينكم الود انا حبيت اجى بنفسى عشان اعرفك ان خلاص عادل كلم بابا وهيجى النهاردة عشان يتفقوا ع ميعاد كتب الكتاب
عز بفرحة بجد يا عادل الف مليون مبروك وربنا يتمم بخير بس كتب كتاب ع طول كده!
عادل مش محتاج فترة الخطوبة ف حاجة خلاص وخير البر عاجله يا اخو 
عز ربنا يكملك ع خير يا حبيبى ان شاء الله هكون معاك النهاردة 
عادل بقولك يا زوز عاوزك ف كلمتين كده 
راح عز مع عادل ع الركنة وقعدوا ...عز خير محتاج فلوس!
عادل فلوس ايه بس خير ربنا كتير الحمدلله انا عاوز اعرفك حاجة اهم 
عز ما تنطق يا ابنى ع طول انت عارف انى مبحبش جو الفضول ده 
عادل رفعت ابو رنا شركاته كلها افلست وسمعت ان الست رنا كمان خسړت الفلوس والاتليه اللى كانت فتحته بعد ما اتعرفت ع واحد ڼصب عليها ومضاها ع كل حاجة انا قولت اعرفك 
سرح عز شويه وفاق ع صوت عادل هقوم انا عشان اجهز واوصل اسيل متتأخررش انت كمان اوك!
عز ان شاء الله يا صاحبى 
خلص عز ورجع ع البيت وهو مبسوط لعادل لبس ع زوق نورهان طقم كلاسيك قميص اسود وبنطلون جملى وكان وسيم جدا 
نورهان اوعى البنات تعاكسك انا بقولك اهو 
عز ولا يملى عنيا ولا يشغل تفكيرى غيرك انتى سواء حاضرة او غايبة 
خبط الباب وكانت البيبى سيتر واسمها اسماء وقالت عز بيه فيه واحدة بتسال ع حضرتك 
عز وهو بيبص لنورهان واحدة مين دى!
اسماء بتقول اسمها رنا المهدى ووووو...
-بتقول اسمها رنا المهدى ومستنية حضرتك تحت ف الجنينة 
مشيت اسماء ونظر عز لنورهان وقالها من فضلك خليكى مع لارين ومتخليهاش تنزل تحت وانا هعرف اتصرف معاها 
نورهان عشان خاطرى متتعصبش اتعامل بهدوء وبلاش تعلى صوتك عشان لارين 
عزتمام 
نزل عز واول ما شافته رنا اتفاجئت معقول ده عز اللى كان دايما مهرجل ومش مهتم لا بشكله ولا لبسه ولا تسريحة شعره حاسة ان هى بتشوفه لاول مرة ف حياتها جريت عليه عشان تحضنه لكن عز وقفها باشارة من ايده وقال تؤتؤ متخليش العشم ياخدك اوى كده يا مدام انتى محرمة عليا ولا انتى ناسية!
رنا بدموع عز شوفت اللى حصلى انا وبابى كل حاجة ضاعت وبقينا ف الشارع ومحدش من اهلنا راضى يقف جنبنا ويساعدنا 
عز وانا مالى انتى متخصنيش اصلا 
رنا حبيبى انا عارفة انك مضايق منى اوى وعارفة انى غلطت جامد ف حقك وفى حق بنتى كمان بس انا واثقة انك لسه بتحبنى 
عز بضحك حلوة الثقة اللى ف غير محلها دى رنا انتى ليه مش قادرة تفهمى انى كنت مستحمل همك وقرفك عشان البنت لحد ما اكتشفت انك اكبر غلطة ف حياتى وفى حياتها والحمدلله ربنا عوضنى بست الستات كلها وعرفت معاها معنى كلمة حب ومودة بجد مش جشعة وانانية وكلبة فلوس زيك
رنا طب عشان خاطرى اقف جنبى عشان خاطر بنتنا!
عز بعصبية بنتى انا وبس انتى مينفعش تكونى ام انتى اللى سماكى ام ظلمك ده انتى جاحدة ده انتى بسببك البنت لحد الان بتحلم بكوابيس فيه ام ف الدنيا تحبس بنتها ف الضلمة وتضربها وعشان تدارى العلامات اللى ف جسمها تلبيسها حاجات تداريها ولا فى ام بنتها تقولها خليكى معاها تسيبها وتروح النادى والكوافير تعرفى انا لو بايدى كنت دفنتك بالحيا قصاد كل كلمة اه طلعت من بنتى بسببك
رنا بتحدى بس دى بنتى وانت متقدرش تحرمنى منها وكله بالقانون 
عز تقريبا انتى عندك فقدان ذاكرة وناسية انك مضيتى ع تنازل عن بنتك مقابل ٢ مليون وحتى مكلفتيش خاطرك تقرأى البنود ولا اخدتى بالك من وصل الامانة اللى مضيتى عليه يعنى احط فيه اى رقم دلوقتى وارفع عليكى قضيتين واحدة بالتنازل وواحدة بالوصل 
اټصدمت رنا وحاولت تستعطفه مرة تانية زوز انا رينو حبيبتك طب خلينى اشوف لارين مرة 
عز بتحذير قسما بالله العظيم وانتى عارفة كويس انى لما بقسم بالله بنفذ لو فكرتى مجرد تفكير وشيطانك وزك تقربى من لارين هنفذ كل اللى قولته دلوقتى واعيشك بالسجن بقيت عمرك ودلوقتى زى الشاطرة كده خليكى بشوية الكرامة اللى لسه عندك ده لو عندك اصلا والباب اللى دخلتى منه ده تخرجى منه ومشوفش وشك تانى لا من قريب ولا بعيد حتى لو صدفة فاهمة
قال كلمته الاخيرة بزعيق خرجت رنا وهى مصډومة ازاى اتغير كده مش شكله بس حتى صفاته وكلامه وحست انها بتتعامل مع وحش نزلت نورهان وقربت من عز اللى كان بيصب عرق وعروقه بارزة پغضب جففت عرقه ومسكت وشه بايدها مرحلة وعدت والمفروض انك نسيتها متخليش اللى حصل ده يأثر عليك 
عز كان نفسى اموتها بسبب اللى عملته ف بنتى وفيا
نورهان متستاهلش ومظنش انها هتفكر تقرب منك بعد اللى عملته وقولته اهدى بقى زمان عادل ع وصول ومينفعش يشوفك كده 
حضنها عز وقال شكرا انك ف حياتنا ي روح 
نورهان بعصبية مين روح دى ان شاء الله !
عز بضحك انتى روح لانك رديتى لينا الروح ورجعتينا للحياة 
ضحكت نورهان ووصل عادل واخد عز واتقدم لاسيل واتفقوا ع كل حاجة 
رجع عز ع البيت وكان هدى تماما وكمان فرحان لعادل غير هدومه واتعشوا وقعدوا يلعبوا مع لارين لحد ما اخدتها نورهان ونيمتها ورجعت ع اوضتها وقعدت قصاد عز 
عز مالك يا نور حاسس انك عاوزة تقولى حاجة!
نورهان بصراحة اه بس خاېفة 
عز پصدمة خاېفة! خاېفة منى!
نورهان اخاڤ منك انت اكيد بتهزر ازاى اخاڤ وانت امانى 
عز اومال خاېفة من ايه !
نورهان خاېفة ع زعلك او انك تضايق وانا مش بحب اشوفك كده ابدا
ابتسم عز وقال انا لو زعلت واضايقت من الدنيا كلها هاجى لحد عندك واعمل استوب قولى ع طول من غير مقدمات ولا خوف 
نورهان رنا 
اټصدم عز وقال مالها جات ليكى او قالت حاجة زعلتك ده انا امحيها من ع وش الارض
نورهان اهدى ي حبيبى محصلش اى حاجة من دى لا جات ولا قالت حاجة ولا تعرفنى اصلا 
عز اومال ف ايه قولى ع طول انتى عارفة انا مش بحب الفضول 
نورهان عاوزاك تساعدها 
عز نعم! اساعد مين اساعد اللى كانت السبب ف اللى انا وبنتى وصلنا ليه اللى زى رنا دى حرام فيها الكلمة الطيبة حتى 
نورهان عز يا حبيبى دى مهما كان ام بنتك سواء رضيت او رفضت هيفضل اسمها مرتبط بلارين ف شهادة الميلاد وانا مش بقولك ساعدها عشانها هى لا عشان خاطر لارين 
عز لارين! انتى بتتكلمى بجد ده انتى اكتر واحدة عارفة كويس انا بنتى پتكره سيرتها واسمها اد ايه
نورهان خلاص بلاش عشان خاطر لارين عشان خاطر ربنا كأنك بتعمل خير لله ودى مهما كانت واحدة ست يرضيك انها تفضل ف الشارع كده 
عز اللى زى دى مش بتقدر المعروف ولو عملت كده هتاخدها حجة وتنط ليا كل شويه وتفكر ان فيه امل ما بينا 
نورهان طيب