قصة ابواب هاديس بقلم بيتر ديفيد

بيحصل شوفت الرموز كتير والرسومات وسمعت التسجيل كذا مره والخلاصه قدامي ان مفيش تفاسير قادر اوصلها 
ابراهيم وعزيز وصبري اشخاص اختفوا 
حالات اڼتحار بشكل جماعي 
وجايز تكون في حالات اختفاء من نفس البيوت لاشخاص تانيه لكن لسه محدش يعرف 
رسومات وخريطة ورموز
هاديس وانوناكي والمرايات 
عنوان العماره بتاعتي تحديدا مع رقم 1250 وكمان الرقم الكبير الرئيسي 1000 مليون باب مليار التاريخ اللي مكتوب وايه المقصود بيه بعد اللي حصل وشوفته بعيني وشكل المباني اللي تحت الارض وايه معنى متر 
معقول هقدر اوصل لحل كل ده  
الساعه 11 صباحا 
بيتصل بيا رقم غريب ولما برد بعرف انها ريهام امشير الصحافية وبتطلب مني تقابلني ضروري بعد تردد مني لكن الفضول بيجبرني اوافق اقابلها وافهم منها ايه الموضوع المهم والضروري اللي عيزاني فيه وبنكون حددنا مقابله في كافيه في الجيزة وبعد ساعتين او اكتر بكون وصلت المكان وفي انتظارها ..
بيمر وقت بسيط وبلاقيها وصلت بشكلها المذهل اللافت انا ازاي مخدتش بالي منها اول مرة جمالها يوحي انها مش من اصول مصرية شعر برغم ان ملامحها مش غربية شعرها اسود طويل وعيون عسلية واسعه برموش طويله وبشرة خمرية وقوامها الفرنساوي المثير خلتني اسأل نفسي هو انا ليه صحيح متجوزتش لحد النهارده  
فضلت مده ايديها حوالي دقيقة من قبل مانتبه وامد ايدي واسلم عليها وقعدت قدامي وقالتلي عايزه اشرب قهوة مانو بسرعه عشان ابقى مركزه معاك كده ! 
ببتسم وبطلبلها القهوة المانو زي ماطلبت وبعرف انها اصلا اسكندرانيه لكن عايشه في القاهره حاليا عشان شغلها وانها وحيده لان اهلها كلهم بره مصر ..
القهوة جتلنا وولعت سېجارة وهي كمان ولعت سيجارتها وكنا بنتكلم في مواضيع عامه ونسيت اني المفروض في مصېبة او ان سبب اللقاء ده مكنش تعارف اكيد لحد ماهي بتلفت انتباهي لسبب مقابلتنا وبتقولي  
المهم قولتلي هتحكيلي عن سبب الحالة اللي كنت فيها لما شوفتك 
اه فعلا بس انا فهمت منك انك عيزاني في موضوع ضروري 
لا دي حركه كده بس عشان احمسك تقابلني انا اللي جايه اسمع منك بصراحه 
حركة ! عمتا عجبتني وفعلا خلت عندي فضول اقابلك برغم اني كنت متردد شوية 
طب يالا احكيلي ومتفوتش اي تفصيله لو سمحت
بس انا مش عايز احكيلك كصحافيه ممكن كصديقه لحد مااوصل لتفسير اللي بيحصل
خلاص وعد مش هقول كلامك بره وهيكون غير قابل للنشر لحد ماحضرتك تقولي 
كأني ماصدقت لاقيت شخص تاني احكيله الهموم اللي فيا وكم الالغاز اللي محيراني حكتلها كل حاجه بالتفصيل وورتها الصور والفيديو على موبايلي وسمعتها التسجيل اكتر من ٣ ساعات بتسمعني وبتشوف بعينيها وملامحها كانت اتبدلت لملامح مليانه بالحيره والدهشة والړعب في نفس الوقت بعد ماخلصت كلامي سكتنا شويه وكنا بنبص لبعض بس وبنشرب فنجان قهوتنا للمره الرابعه مكانتش عارفه ترد او تقول ايه وفعلا اللي حكتهوله شئ محير بشكل غير عادي لكن بعد دقايق من الصمت قالتلي  
اكتر حاجه واقفه عندها حكاية الانوناكي معقول يكونوا حقيقيين فعلا دي تبقى مصېبة !
هما مين الانوناكي انتي تعرفي حاجه عنهم 
بص انا مدمنة تاريخ وتقدر تقول عليا باحثة في علوم الحضارات وتحديدا الحضارات القديمة لكن حسب ماقرأت عن حضارة الانوناكي انهم ممكن يكونوا مجرد اسطورة مش حقيقيه 
وضحيلي اكتر يطلعوا ايه الانوناكي دول 
كانوا عايشين ع الارض في حقبة زمنية قبل الميلاد واتشهروا بانهم متطورين جدا وفي اقاويل بتقول ان اصلهم من كوكب نيبيرو ومن شدة تطورهم وعظمتهم اتقال عنهم انهم هما اللي خلقوا البشر طبعا الناس كانت شيفاهم الهة وقتها 
مفيش حاجه اسمها كوكب نيبيرو ده كلام مش سليم 
معرفش دي معلوماتي عنهم وبعد ماحضارتهم اختفت بسبب مجهول كان في نبوءات بتقول انهم هيرجعوا تاني للارض 
الانوناكي هل معنى كده انهم رجعوا الارض 
ممكن لو الأسطورة طلعت حقيقة وزي ماسمعنا في التسجيل اللي معاك ان صحبك اتخطف من رسول الانوناكي 
لو الكلام ده صح يبقى دول كائنات مش بشړية ومتطورين عننا لابعد حد بس اشمعنا المرايات اللي بيستخدموها وازاي اصلا علميا مينفعش 
انت معاك رسومات لتحت الارض ليه متقولش انك كنت بتدور غلط 
ممتاز انتي صح اكيد عزيز بالرسمة دي كان بيقصد انهم ساكنين تحت الارض واكيد البوابات دي هي بوابات الخروج والدخول بتاعتهم لكن مليار باب ده كتير جدا
وده كمان يفسر ان ممكن الخريطة بتدل ان في باب سري ليهم في العماره بتاعتك 
انتي ذكية جدا يا ريهام بحيييكي على انك قدرتي تساعديني بسهوله اعتقد ان التفاسير دي هي الاقرب للمنطقية 
بس عزيز هيكون عرف منين كل ده ده سنه صغير على انه يكون قدر يوصل للابحاث الخطېرة دي 
واضح انه شاب مش عادي واكيد ده كمان خلاهم يخطفوه لانه قدر يوصلهم ويحدد اماكن لبوابتهم 
هما كده يبقوا دول هما نفسهم الرماديين اللي بنسمع عنهم 
ممكن يكون اسم الرماديين اطلق عليهم لانهم سكنوا تحت الارض ده كده كمان معناه انهم ماختفوش عن الارض ابدا من الاف السنين 
الرماديين هما الانوناكي ! كده معناها ان الارض كلها في كارثه محتمله مع بداية ظهور حوادث الاختفاء لاشخاص وياعالم مين ومين بيختفي كل يوم وياترى بداءوا يخطفوا ناس من البشر ليه بعد السنين دي كلها 
طول عمرنا مقتنعين باستحالة وجود كائنات تانيه عاقلة غير البشر ولو اثبتنا وجودهم النهارده هنكون اتاخرنا اوي والفجوة بنا وبنهم بقت عظيمه 
طب هنعمل ايه نبلغ الشرطة 
لا طبعا هنروح نقول اننا شاكين في احتمالية وجود كائنات غير بشړية من سكان كوكب تاني احتلت ارضنا وعايشين تحت الارض 
هيقولوا علينا مجانين !
طبعا احنا كل ده مفيش معانا إثبات غير شوية رسومات وتسجيل مع الصور والفيديو لكن مظهرش فيهم اي حاجه لكائن غريب يثبت كلامنا
يعني هنسيب المصاېب دي بتحصل من حوالينا ونسكت طب هنسيب عزيز وابراهيم وصبري صاحبك لحد مايجي الدور علينا كمان
لا مش هنسكت بس محتاج افهم الرموز اللي كانت على المراية دي معناها ايه  
الرموز دي شكلها لغة تواصل 
الكائنات دي عندها قدرة التواصل بكذا لغة حتى العربي ! 
من رأيي نشوف حد يقدر يفك رموز الكتابة دى بس اظن مفيش حد في مصر يعرف يعمل ده 
انا قررت اركن كل ده على جنب حاليا وافتش عن مدخلهم في العماره ! ولو لاقيت المدخل واتأكدت منه هنحتاج نبلغ الجيش 
انا هكون معاك ومتحمسه جدا للموضوع ده 
لو هتبقى معايا ده مش هيساعدني ده هيخليني خاېف وحاسس بمسؤولية حمايتك طول الوقت خليكي انتي بعيد 
لا معلش احنا بنحل اللغز سوا ولازم نكتشفه للاخر سوا ومتخافش عليا انا راجل اوي اسكندرانية بقى يادكتور 
بتنتهي قعدتنا سوا وبنقوم انا وريهام وبنخرج بره الكفايه وبنسلم على بعض الى لقاء تاني وبنكون اتفقنا اننا هنتقابل تاني يوم بدري في حدود الساعه ٨ ص ونروح