قصة ابواب هاديس بقلم بيتر ديفيد

سوا للعمارة وندور بالنهار عن اذا كان في بوابه فعلا ولا مجرد احتمالات واستنتجات غلط وبروح انا على الاوتيل من تاني وبراجع في ذاكرتي كل كلامي مع ريهام وبستعيد ارائها في دماغي وبقضي وقت من البحث الطويل عن كل مايخص الانوناكي واي موضوع اتذكر فيه الرماديين وبلاقي كلام ريهام مطابق الى حد كبير للي بقراه عنهم وبفضل في البحث وربط الاحداث والاستنتجات لحد مابتعب جدا وبضطر انام استعدادا لليوم لتاني يوم  
فى صباح اليوم التاني الساعه ٧ ٣٠ صباحا 
بتحرك من الاوتيل وبقابل ريهام الصحافية الفاتنه وبنتحرك سوا بعربيتي باتجاه العمارة 
وبنوصل بعد حوالي نص ساعه للمكان وبندخل سوا العمارة وبنبدأ رحلة البحث عن بوابة من بوابات هاديس ...
يتبع 
بندخل العمارة انا وريهام برغم ترددنا بعض الشئ من المرحلة المقبلة لكن الدوافع جوانا كانت اقوى اننا نكمل ونستمر بدور في المدخل على اي حاجه تلفت نظرنا انها تكون بوابه للدخول منها لكن مكنش في شئ لافت يستحق الاهتمام الاسانسير وسلم العمارة والرخام اللي مغطي المدخل والمرايات على جانبين المدخل ومنور مقفول بباب معدني صغير بتقف عيني على المرايات اللي حوالينا في المدخل وبخرج باتجاه العربية وبفتح شنطتها وبخرج شاكوش مجهزه معايا ضمن ادوات تانيه موجوده لزوم الاحتياط وبرجع ادخل المدخل وببدأ اكسر في المرايات قدام استغراب ودهشة ريهام من اللي بعمله وبعد مابنزل المرايات مكسره لقطع صغيره على الارض بفحص بعيني الحوائط نفس مكان المرايات يمكن الاقي حاجه تشير الى ان في مدخل سري لكن بكون كسرت المرايات ع الفاضي وملاقتش اي حاجه تدل على وجود مدخل ..
بتبصلي ريهام وبتقولي 
مظنش يعني ان ليهم مدخل في الحوائط اكيد المدخل في الارض ممكن يكون تحت الرخام ده 
انا اصلا مش مقتنع باللي بعمله اكيد الدخول من بوابة مباشرة ولا هتكون تحت مرايات ولا تحت الرخام 
طب هندور فين يعني مفضلش غير الاسانسير 
او المنور الباب بترباس سهل الفتح والقفل هدخل واشوف
ندخل قصدك انا معاك 
بتقدم ناحية باب المنور وبفتحه وبدخل ومن بعدي بتدخل ريهام وبيكون المنور مظلم شوية والمره دي بيكون جاهز معايا كشاف خاص بانارة قوية بنور بيه المكان وبنلاقي بيت التفتيش اللي بيتجمع فيه خطوط الصرف للعمارة عليه غطا معدني برفع الغطا وبنور الكشاف داخل بيت التفتيش لرصد اي شئ غريب بس بلاقي غطا تاني فى أرضيته فبنزل جواه وبتساعدني ريهام بانها تمسك الكشاف مكاني وتنورلي وبرفع الغطا وبلاقي تحت الغطا ساعة متثبته في الارض
لكن بعقربين بس ومبفهمش اي لزوم الساعه في المكان ده وان يكون فوقها غطا مخصوص بتكلمني ريهام وتقولي
اختراع جديد ده ساعه فى المنور وكمان في غرفة التفتيش تحت غطا 
الساعه مبتتحركش تقريبا عطلانة وثابته على الساعه 5
استحاله يعني تكون موجود هنا عشان تستخدم كساعة عاديه
فعلا دي مش مجرد ساعه لكن مش قادر احدد استخدامها ايه !
بدأت الاحظ ان المكان اللي نزلت فيه بيتهز بيا شوية مع كل حركه اتحركها وده معناه ان الارض تحتيه مش ثابته بصيت لريهام وقولتلها
في حاجه تحتي ! لا اقصد مفيش حاجه تحتي خالص 
يعني ايه 
المكان اللي انا واقف فيه ده تحتيه فراغ زي ماكون راكب اسانسير واعتقد ان ده فعلا اسانسير 
ازاي ده وبيشتغل ازاي 
اكيد من العقارب دي !
جايز تكون العقارب دي عبارة عن لغز لو اتحل هيتحول لاسانسير فعلا وياخدك لتحت 
بالظبط انا كمان برجح كده بس تفتكري ايه هو حل اللغز ده يعني مثلا نخلي التوقيت على الساعه كام ووقتها الاسانسير دي هيشتغل
مممممم ممكن نخليه نفس التاريخ اللي مكتوب في الورقه 
ان الساعه تكون 1116 
جرب 
جربت اظبط الساعة على 1116 لكن محصلش حاجه 
طلعت موبايلي من جيبي وفتحت الصور وجبت صورة الخريطة هي والرسمة بالارقام اللي مكتوبه 
1000 مليون 
88
1611
1250 
كان قدامي 4 ارقام ينفعوا يكونوا توقيت ساعة يعني ال ينفع تتحول بالساعه ل لكن جربتها مفعتش وجربت 88 منفعتش واخيرا جربت ان الساعة تكون 1250 وقتها المكان اتهز بيه وسمعت صوت يشبه ماكينه اشتغلت ولاقيت نفسي بنزل لتحت فجأة بسرعه ودخلت انبوبة اشبه بممر زجاجي وبنزل تحت الارض لحد مابيبدأ الاسانسير حركته تكون ابطئ وبتظهر شاشه جنب الساعة مرقمة لكل دور من اول الدور 12 كأني فعلا راكب اسانسير عمارة لكن مش قادر اشوف اي حاجه بره المكان اللي انا فيه لحد مابوصل للدور الاول والاسانسير بيقف
وبكون قدام باب معدني بيفتح تلقائي بمجرد مابيقف بيا الاسانسير بتحرك بحذر وبخرج من الاسانسير وبلاقي قدامي عالم ساحر مدينة كامله تحت الارض متقسمه لغرف وممرات وشاشات في كل مكان بتعرض فيديوهات حية للمنطقة بتاعتي بجودة عاليه جدا غالبا دي اقمار تجسس بتراقب تحركات المنطقة بالكامل حتى العمارة بتاعتي بما فيهم المنور اللي كنت شايف فيه ريهام واقفه وبتعيط وبتتكلم في الموبايل  
يعني انا كنت متراقب خطوه بخطوة لحد ماوصلت لهنا أجهزة من حواليا في كل مكان متطورة جدا لكن مش مفهوم استخدامتها ايه والغريب ان المكان فيه اكسجين كان واضح ان التهوية ممتازه باحترافية شديدة برغم اني نزلت 12 دور تحت الارض والإضاءة في المكان مبهره المكان مثالي لمدينة متقدمة عظيمة لكن استغربت ان مفيش حد في المكان ! 
كنت برجح ان ده كمين معمول عليا وفجأه هلاقي كائنات غريبة بتخرج وتحاصرني لكن مفيش اي حركة في المكان غير اصوات بتخرج من الاجهزة  
بتحرك في المكان وانا براقب كل شئ حواليا وبدخل في ممر بنتبه فيه لانابيب تشبه الكبسولات الفضائية عرضها حوالي متر فى ارتفاع 2 متر ولما بقرب اكتر بلاحظ ان جواهم بشړ في حالة سبات وهما واقفين وبتصدم لما بلاقي من ضمنهم صبري. مبعرفش اعمل ايه وانا شايف صبري قدامي واقف ومغمض عينه ومش قادر اخرجه لكن بلاحظ لوحة مفاتيح على كل انبوبة منهم فيها 3 زراير لكن معرفش مهمتهم ايه  
بس ده معناه انهم في حالة سبات اصطناعي برغم اننا لسه بنحاول نوصل لكيفية الاعتماد ع السبات للرواد في الفضاء وهنبدأ بتطبيقها سنة 2030 لكن واضح ان الكائنات دي بتعتمد عليها من قبلنا لحفظ الاجساد في حالة مۏت مؤقت لفترات طويلة 
توقعت ان في زرار منهم خاص بتهيئة الانبوبة للسبات من خلال التجميد التدريجي لحد مايوصل درجة حرارة الجسم لدرجة التبريد المناسبة لعملية السبات الاصطناعي وبالتالي هيكون في زرار تاني بيرفع حرارة الجسم لعملية الافاقة من السبات والزرار التالت هيكون لفتح بوابة الانبوبة والخروج منها 
بصيت حواليا ادور على كبسولة فاضية لحد مالاقيت واحده وبدأت اجرب فيها الزراير التلاته وعرفت من خلال التجربه ازاي انهي حالة السبات وافتح الانبوبة وفعلا طبقت ده فى انبوبة صبري اللي بدأ يستعيد وعيه بعد مارفعت حرارة جسمه وقدرت اخرجه من الانبوبة كنت فرحان جدا اني قدرت افوقه واخرجه وهو كمان حضني من شدة فرحته باني موجود قدامه وقالي