قصة ابواب هاديس بقلم بيتر ديفيد

انت ازاي وصلت لهنا 
هحكيلك بعدين بس قولي ايه اللي شوفته هنا ووصلك تدخل الانبوبه دي ومين بقيت الناس دي 
دول 15 شخص من سكان المنطقه هنا من ضمنهم عزيز 
عزيز !!! معقول عزيز الحقيقي 
اه اتعرفت عليه قبل ماندخل الكبسولات دي وعرفت انه هو عزيز اللي كنت بتدور عليه 
طب تعالى نخرج الناس بسرعه من الكبسولات وعرفني مين عزيز فيهم 
عرفت صبري ازاي يعمل افاقه ويخرج الناس من الكبسولات فضلنا نخرج فيهم لحد اخر شخص وكلهم كانوا من الذكور وغريبة ان مفيش منهم اناث لكن تجاهلت الموضوع واخيرا عرفني صبري على عزيز وفهمت عزيز اني المفروض الدكتور بتاعه في القسم ولكن مكنش في مجال لاي حكايات وقتها غير ان ازاي الناس تخرج من المكان ده واتجهنا ناحية الاسانسير العجيب اللي نزلت منه لكن مفهمتش اعمل ايه تاني في عقارب الساعه اللي بتتحكم فيه وكانت ثابته ع 1250 ومكنش في اي وسيلة تاني تشغله بصيتلهم وقولتلهم احنا شكلنا اتحبسنا هنا ومفيش مخرج  
بيقرب صبري من الاسانسير وبيركز على كل حاجه فيه او حواليه يمكن يوصل لنتيجة وعزيز بيتحرك ناحية جهاز من الاجهزة ومع محاولات منه الانوار بتتطفي كلنا اتصابنا بالفزع ماعدا عزيز لانه كان السبب بيراجع تاني على اللي عمله في الجهاز لحد مابيقدر يرجع الانوار تاني وبنفهم ان ده ضمن اجهزة التحكم في المكان وغالبا كل الاجهزة ليها علاقه بالرصد والتحكم بيظهر على الشاشه قدام عزيز مخطط للمكان اللي احنا فيه وكلنا بننتبه مع عزيز اللي واضح عليه قدرته على التعامل مع التكنولوجيا بيفضل عزيز قدامنا يحاول في التحكم في الاسانسير لحد مابيظهر علامة ع الشاشة زي تحذير او انذار فبقول لعزيز 
ركز كويس ياعزيز لاننا منعرفش احنا بنتعامل مع ايه 
التحذير ده وسيلة دفاع ومنتظر مني امر باستخدام اسلحة ولا لاء ضد اي بشړي في المكان
طب خد بالك اكيد هنا في اسلحة متطورة قادره تنهينا في لحظة اي ضغطه غلط منك معناها موتنا
الاسانسير ده ملوش تحكم من هنا 
بيقوم عزيز وبيقرب ناحية الاسانسير وبيركز على عقارب الساعة وبيسالني 
هي كانت عقاربها على كام قبل ماتخليها 1250
صح ياعزيز هنحتاج نغير العقارب تاني للساعه 5 
وبنطلب من فردين يدخلوا جوه الاسانسير عشان لو اشتغل وبيحرك عزيز عقارب الساعه على 5 بالظبط وقتها الاسانسير بيبدا يتحرك ويطلع لفوق وبنخرج الناس اللي معانا على مجموعات كل مجموعة مكونة من فردين وبنطلب من كل مجموعة تطلع ترجع العقارب تاني لما يوصلوا فوق ل
لحد ماييفضل عزيز وصبري وانا  
فبطلب من صبري يخرج من المكان ويطلع لوحده ومن بعدها انا وعزيز نطلع وراه وفعلا بينفذ صبري طلبي وبيطلع وساعتها بطلب من عزيز نحاول نكتشف المكان قبل مانخرج منه والسؤال اللي كان ملح عليا هو ليه محدش بيقاومنا الكائنات دي راحت فين رد عزيز وقالي 
اظن مش عايزين يضطروا يقتلوا حد وكمان فهموا ان مكانهم بيتكشف 
هما شكلهم ايه وبيتكلموا ازاي وجم منين 
كائنات قزمه طولهم لا يتعدى ال سنتي ودانهم كبيره تشبه الحيوانات وعيونهم واسعه بدون رموش او حواجب ونص وشوشهم السفليه متغطيه بماسكات معدنيه وكلهم بزي موحد لونه اسود ومعدني بالكامل 
دول الانوناكي 
هما الانوناكي وهما نفسهم الرماديون وأصلهم كوكب الزهرة التؤام لكوكب الارض 
ازاي الزهرة يستحيل الحياه ع الكوكب ده حرارته مرتفعه جدا وقوة ضغط الكوكب فوق احتمال اي مخلوق غير ان نسبة غاز ثاني اكسيد الكربون عليه عاليا جدا 
معرفش ازاي لسه لكن متأكد انهم من كوكب الزهرة ومتنساش يادكتور ان في ابحاث علمية اثبتت وجود غاز الفوسفين في غلاف كوكب الزهرة 
بسكت في حيرة لان فعلا وجود غاز الفوسفين على كوكب ربما بيدل على وجود كائنات حية عليه وبينتج منهم نتيجة عدم اعتمادهم على الاكسجين واحتمال ان الكائنات دي بتقدر تتأقلم مع غازات مختلفه للتنفس 
بنلاحظ ان الممرات بقت فاضية بدون اي غرف او كبسولات او شاشات واجهزة وبنسمع صوت صفارات ضعيفه متتاليه واصوات حجارة وانهيارات
وكأن المكان بيتلاشى ومعرض للاڼهيار بنجري ناحية الاسانسير وبنركبه وبنحول العقارب ل وبيطلع بينا بسرعه والمكان بينهار من تحتنا بالتدريج لحد مابنوصل لفوق وبنخرج بسرعه من الاسانسير وبنسمع اصوات دربكه شديده من تحتيه وانهيارات وصلت لحد فوق عندنا و مش هينفع الاسانسير يشتغل تاني ..
كنا اخر رحلة من تحت الارض من مدينة الانوناكي او جزء من المدينة كانت الناس فوق مجمعه والشرطة وصلت للمكان لكن مصدقوش ان في مكان بالمواصفات دي تحت الارض وخصوصا ان الاسانسير مبقاش اسانسير عشان ينزل حد واستحاله هنقدر نحفر المسافة دي وحتى انا قدرنا فكل شئ تحت اختفى وانهار برغم ان في ١٧ شاهد شافوا بعيونهم ومنهم انا الا ان كلامنا كان موضع تشكيك
وفهمت من الاشخاص اللي كانت مخطۏفة كلهم ان يوم اختطفهم كان يوم 11 نوفمبر وان ظهور الكائنات دي في بيوتهم بث الړعب فيهم وده وصل ان يحصل حالات اڼتحار من النساء هربا من الانوناكي 
بتحرك انا وصبري وعزيز وريهام اللي كانت لسه منتظره رجوعي وبلغت الشرطة بسببي  
وودعتهم الى لقاء ولكن طلبت ان عزيز يجي معايا يحكيلي كل حاجه لوحدنا  
عرفت فيما بعد ان عزيز كان على تواصل مع كائن منهم قبل مايتم اختطافه وان عندهم القدرة في التشكل على هيئة بشړ باطوال مختلفة وعرف من خلال الكائن ده جزء من قدراتهم 
الانوناكي ليهم مملكة عظيمه في جوف الارض والمكان اللي نزلناه مجرد منطقه من مملكتهم اللي بتتسع لثلث الكره الارضية كانوا عايشين فوق سطح الارض من الالاف السنين ولكن قرروا يختفوا ويعيشوا تحت الارض ليوم الميعاد بس معرفناش ايه هو المقصود بيوم الميعاد بالنسبالهم  
لكن اللي نعرفه انهم برغم وجودهم في باطن الا ان وارد يكونوا بيتحكموا فى العالم ووارد يكون في منهم بيحكم دول عظمى ..
وبيخطفوا من البشر والحيوانات باستمرار لسببين البشر من اجل التكاثر 
والحيوانات من اجل التجارب  
مفيش حواجز او عوائق بتمنعهم وعندهم قدرة فائقه في الانتقال من مكان لمكان واختراق كل شئ منيع الانوناكي هما الرماديين عايشين تحت رجلينا وعايشين في وسطينا .. متطورين بشكل خرافي لا يصدق الكائنات دي اكتشفوا ان الكون مش اربع ابعاد فقط الطول والعرض والارتفاع والزمكان لكن اكتر احتمال يكون 5 ابعاد او 16 بعد او 24 بعد وياعالم
قدروا يستخدموا الثقوب الدودية في الفضاء لطي الزمن والانتقال بين الكواكب والمجرات بسهولة في وقت قصير جدا كائنات غير بشړية وقادره تكسر كل قوانين الفيزياء 
بس هل الكائنات دي ممكن تكون ارواح ولا كائنات حية باجساد زينا لكن بتكوين مختلف 
احنا هنحارب مايمكن رؤيته  
ولا هنحارب اشياء لاترى 
المهم احنا مش لوحدنا ... 
و انا قررت ابحث وراهم وهستعين بعزيز وصبري وريهام لحد مانحل سوا كل الغازهم ونكتشف عالمهم يمكن نقدر نسيطر على خطرهم القادم اللي اكيد قرب وقريب اوي