عشقت جواد ثائر بقلم دينا الفخراني
الطريق .. والطريق تقريبا طويل
اه ..فكره اقوم دلوقتى ..وانام وانا بسوق.. فكره تجنن ..امشى بقى عشان مقتلكيش دلوقتى ..وما تصحينيش قبل تسعه انتى فاهمه
تمتمت بضجر وتمدت لجواره قليلا حتى غفت مكانها ...دون ان تدرى
مر وقت قليل
قبل ان تهزها يد حسام يطلب منها الاستيقاظ .. فقامت بكسل .. يداعب النوم جفونها ..القى نظره سريعه عليها وهو يجفف شعره
انا صحيت الفجر صليت ولبست وكنت فاكره اننا هنمشى علطول ..ما كنتش اعرف احنا هنمشى امتى
صمتت قليلا قبل ان تكمل
فى حاجه كنت حابه اقولك عليها
سامعك
بص .. بصراحه انا االبارح كلمت حنين ...وهى قالتلى انها كانت بتعامل محمود ببرود عشان سامح ابن عمها محرج عليها تكلمه
دول حتى كانوا متربيين سوا ... طبيعى لما يكبروا يتقابلوا وحنين تعرف محمود كويس يعنى فمفيش داعى للتخويف ده كله
لأ.. ما هو حنين مش
فاكره حاجه خالص من وقت الحاډثه اللى حصلتلها زمان قبل ما تسافر وهى فقدت الذاكره ..والكل مش عاوز يخليها تعرف محمود عشان هما حاسين ان محمود هو السبب
اكمل وهو يدعى الاهتمام
مطت شفتيها للأمام
معرفش حاجات كتير ..انت عارف هما كانوا عايشين فى اسيوط ..وانا طول عمرى هنا فى القاهره .. فمش حاجات كتيير يعنى اعرفها ...المهم من كل ده كنت هاقولك ان حنين ما كنتش عاوزه تيجى معانا عشان ابن عمها ده بيراقبها فى كل مكان ..وانا عشان متحسش بحاجه طمنتها وقولتلها تجيب حبيبه معاها
انتى اتجننتى .. على اساس انك كده حلتيها انتى كده عقدتيها اكتر.. لما ييجى وراها اكيد هايشوف محمود ..وكمان اصلا احنا كده مش هنعرف نسافر
ليه بس !!
ليه ..المفروض يا مدام ان احنا رايحين شهر العسل وواخدين معانا بنات خالتك ..اكيد مامتك هتعترض ..لانه ماينفعش نكون رايحين سوا وناخد بالنا من غيرنا
بس احنا رايحين شهر عسل كده وكده ..
انتفضت واقفه وهى تقول برجاء
لأ ..الله يخليك ما تلغيهاش وانا هحل الموضوع كله متقلقش .. بص جهز نفسك انت وانا هاتصرف ..خمس دقايق بس .. بلييز
متأكده ..انك هتحلى كل حاجه
متأكده ..بس بلييز انا عاوزه اسافر
هجهز واجهز شنطتى ..تكونى حليتى المشكله كلها .. تمام
ماشى
خرجت من الغرفه تفكر فى ما يجب عليها فعله .. عصرت عقلها حتى اهتدت للفكره ..فالتقطت هاتفها تطلب احد الارقام
عروستنا الحلوه ..ايه اخبار الجواز معاكى
بيسلم عليكى
الله يسلمك ويسلمه
بقولك ..ممكن اطلب منك طلب
اكيد.. بس بلاش طلب البارح عشان زى ما قولتلك مش هاينفع
لا يا حبيبتى ..طلب غيره أؤمرى مش انتى استلمتى شغلك مع اللى اسمه سامح ده
اجل
كنت عاوزاكى تعطليه على قد ما تقدرى .. تحطى مواعيد اجتماعات مستعجله .. اوراق يمضيها ما يعرفش يخلص منها .. شغل متأخر لازم يتعمل كده يعنى
امممم ... لما تيجى هتحكيلى عن السبب .. بس انا عن نفسى هنفذ اللى قولتى عليه .. هو انا فى ديك الساعه لما اسحله شغل
تسلميلى يا جميل ..سلام
اغلقت الخط وقد التمعت عينيها .. مفضلش دلوقتى غير انى اشوف حد يكون المفروض هياخد باله من البنات ...بنات وحد هياخد باله منهم ... هو فيه غيره.. حبيب قلبى
خرجت تدق باب اهلها ..
فاستقبلتها والدتها بفرحه ..ووالدها بمثلها ودت لوظلت معهم ..لكن ليس لديها وقت .. وقفت تسأل عن وليد
عايزاه ليه يا حبيبتى
بصراحه انا وحسام كنا رايحين سفريه لمطروح .. وكنا واخدين حبيبه وحنين معانا يتفسحوا ويغيروا جو .. وبما اننا هنكون مشغولين ببعض .. فمحتاجين حد ياخد باله منهم وملقتش غير وليد
والله فكره .. هو على العموم نايم وهو اصلا كده كده مالوش لزمه .. خديه معاكى
ابتسمت وهى تدلف غرفة اخيها .. لتجده يجمع ملابسه بسرعه فى الحقيبه ..اغلقت الباب بعد دخولها .. ووقفت تنظر له بدهشه
بتعمل
ايه
فأجابها وهو يوليها ظهره ... منهمك فى ما يفعل
بلم هدومى عشان منتأخرش .. بس والله يا سو انا يعنى ..الواحد محرج ..انا اه عارف نفسى بجح ومعنديش ډم .. بس متوصلش انى اروح معاكى شهر العسل ..بايخه .. بايخه يعنى ..بقولك ايه اخد القميص ده والا القميص ده ..انا من رأيى اخدهم الاتنين
ابتسمت على سخافة اخيها واقتربت منه تحاول رسم ملامح الجديه على وجهها .. امسكت بذراعه لتجعله يتوقف
واضح انك سمعت انا عاوزه منك ايه .. بس اسمع بقى اللى هقولك عليه واوع حد يعرفه
انتى تؤمرى .. كفايه انى هاجى اشوف بت خالتك الحلوه دى
يا ابنى اتلم .. وبعدين اصلا من الاخر انا كنت عاوزاك فى الموضوع ده .. انت هتروح معانا على اساس انك هتاخد بالك من حنين وحبيبه .. هناك بقى هتاخد بالك من حبيبه بس ... انت فاهم
ناظرها وليد بعدم فهم
يعنى ايه .. مش فاهم
يعنى انت هتيجى معانا .. تاخد بالك من حبيبه وتهتم بيها ..أما حنين ملكش دعوه بيها ..راحت فين ..جت منين ..مالكش فيه .. واقفه مع مين ..متعمليش فيها سبع الرجال ..
ايوه بس انا كده هبقى مقطف .. يرضيكى اخوكى يبقى مقطف
اه يرضينى ..وبعدين يعنى انت هتعمل كده لوجه الله ما انت هتاخد مقابل
اخرجت مبلغ من المال واعطته له ..قبل ان تكرر تحذيرها
اوعى بابا او ماما يعرفوا حاجه
ما انتى عارفه ان لسانى دايما فالت منى .. اعمل ايه
اخرجت مبلغ اخر .. تناوله وليد سريعا قبل ان يكرر تذمره
لا يا ستى .. البت حنين دى حلوه اوى ..
وانا ماضمنش حد يبصلها كده .. يبصلها كده.. دمى يفور .. ما ينفعش خالص الموضوع ده
وليد.. خد دول اخر فلوس معايا ..خلاص كده انتهى
التقط كل الأموال التى بين يديها ..
كده ضميرى نام وارتاح .. ما تقلقيش
وليد.. ماتستهبلش .. هات الفلوس انا معاييش غيرها واكيد هاحتاج معايا فلوس هناك
مش عيب تطلعى فلوس وجوزك معاكى .. عيب يا شيخه .. بس انا راجل ومحتاج يكون معايا فلوس .. عشان حتى منظرى
مادى حقېر
دلفت والدته .. فأشارت له سلمى محذره ..فطمنها وليد وانتبه لوالدته التى اخرجت اموال ودستها فى يديه
خد يا حبيبى فلوس معاك اهى .. عشان مصاريفك هناك .. وكمان عشان تخلى بالك من البنات كويس
تسلميلى يا احلى ماما فى الدنيا .. هو بابا فين صحيح
فى البلكونه
طب الحقه انا بقى .. عشان اخد منه فلوس للسفريه دى
خرج سريعا فتبادلت سلمى مع والدتها النظرات بدهشه .. قبل ان تهتف الاثنتان سويا
فلوس تانى .. هو بيودى الفلوس دى فين
خرجت تسلم على والدها قبل السفر ... جلست معه بينما ينقل وليد وحسام الحقائب .. كانت تنقل انظارها بين مزاح وليد وحسام .. وتبتسم لتلك الألفه التى تجمعهم
ربت والدها على قدمها بهدؤ
كنت متأكد ان هو اللى هيسعدك
ردت بسخريه
عشان كده اول ما قلتلك موافقه رحت جرى جبت المأذون .. وخدتنى على خوانه
نظر لها والدها بدهشه
بس .. مش انا اللى جبت المأذون
امال ... مين اللى جاب المأذون
حسام .. وانا كنت فاكر انه متفق معاكى على كده .. فمعترضتش
شردت قليلا فى كلام والدها لما فعل ذلك !!!
انتى ما كنتيش تعرفى
لا ... ابدا هو تقريبا كان عاوز يعملهالى مفاجأه
انطلقا فى طريقهم نحو وجهتهم ... وما زالت هى على شرودها ما ذلك السر الذى يخفيه عنى .. لما هو بهذا الغموض
وقفوا فى بهو الفندق يؤكد حسام الحجز .. تهاتف سلمى حنين لتعرف اين وصلت .. بينما جلس وليد يلعب بهاتفه فى ملل .. ربتت سلمى على كتفه بهدؤ
البنات وصلوا ..يالا عشان تبدأ مهمتك
قام قائلا بسخريه
هوانا لما اخد بالى من بنت ..يبقى انا كده فى مهمه .. ده على كده انا هاعيش واموت فى مهمات
يابنى احترم نفسك شويه دى بنت خالتك
لو حلوه ذى اختها .. ماضمنش انى اكون محترم الصراحه
اتت حنين .. وتعانقت الفتاتان .. وبعدما تصافحت مع وليد اتت حبيبه ليفغر وليد فاهه من الدهشه
انت ايه اللى جابك هنا
امسكت بها سلمى لتقول معرفه
دى بقى حبيبه بنت خالتو .. وطبعا حضرتك مقابلتهاش خالص بس ايه رأيك اموره مش كده
القى وليد نظره سريعه عليها فوقع نظره على الساندوتش الذى بين يديها فقال بشرود
طفله مفجوعه
وكزته سلمى فى كتفه
هى مين اللى طفله .. دى انسه ذى القمر
بعد ان التهمت حبيبه بعض القضمات مدت يدها مصافحه
هاى وييد .هاى وليد
رد وليد بتلقائيه
تقريبا الساندوتش اتحشر فى لسانك .. اسمى وليد
اهييا يا وييد .اهلا يا وليد
وليد ببعض العصبيه
يا بنت الناس اسمى وليد ..وليد
ما
انا عايفه يا وييد .ما انا عارفه يا وليد
اااااه .. انتى حروفك فى الساندوتش
تلقت سلمى اتصال فتوارت عن الانظار ... لتجيب بهمس
ايوا انتو فين
احنا خلاص وصلنا .. ثوانى ونبقى عندك
طب يالا بسرعه .. سلام
وقفت حنين بتذمر
مش يالا عشان نطلع اوضنا
فهتف سلمى وحسام فى وقت واحد
مش دلوقتى
تبادل الجميع الانظار .. قبل ان يعترض وليد
ليه .. احنا هنخلل هنا
كاد كلا منهما ان يرد .. لكن اوقفهم دخول ايمان وسهيله من بهو الفندق ..تبادل الجميع السلام قبل ان يأتى اخرون
وقف حسام معرفا
اعرفكم يا جماعه ... ادهم صاحبى .. وده نور برده صاحبى
تبادل الجميع التحيه .. واڼصدمت ايمان عند تحية ادهم فهو نفسه الوسيم الذى قابلته فى الزفاف .. ولم تقل صډمتها عن صدمة سهيله عندما رأت نور وتذكرت اعتراضه على أغنيتها ..أخبئ القدر لهما لقاء آخر !!!
تبادل حسام وسلمى الأنظار أكان لديهم نفس الفكره .. بينما قال وليد بسخريه
تحفه اوى شهر العسل الجماعى ده .. طب انتوا عرسان جداد .. احنا ايه بقى خوازيق
تبادل معه حسام المزاح
تصدق معاك حق .. بس تقريبا انت بس اللى خازوق عشان الباقى مش كده خالص
ماشى يا عمونا .. مقبوله منك .. ما انت بقيت ابو نسب .. اعمل ايه بقى
ايوه كده اعدل .. وبعدين دى فكرة سلمى .. اعمل ايه قلبها طيب وپتموت فى اللمه
تبادل الجميع المزاح والضحك ... وصعد الجميع
الى غرفهم للراحه .. على وعد باللقاء مره ثانيه ليتناولوا طعام العشاء سويا
زفر بضيق وهو يفك رابطة عنقه ويلقيها بقوه على المكتب وپغضب هادر
هو مش انا قولت ان
اى مواعيد تتأجل .. جه منين الاجتماع المفاجئ ده
حاولت اخفاء بسمتها وهى تقول
حضرتك الشركه الايطاليه هى اللى حددت المعاد وانا مكنتش اعرف الا على اخر لحظه ... ودى شركه متعبه اوى فعشان كده كان لازم حضرتك اللى تحضر الاجتماع
وعرفتى بقى منين
انها متعبه .. وانتى يا دوب لسه جايه هنا جديد
عشان تعرف بس
