اسكربت بقلم رنا يحي

وكان رقم حد معانا في الشركة
بصلي بإستغراب ايه العلاقة! 
مش عارفه هرد عليه وأشوف 
فتحت وكان بيسألني هروح ولا لا عشان فوت الباص! كنت عارفه إن في اهتمام من ناحية الولد ده ولكن عمري ما اديتله وش
قفلت ولقيته باصصلي بطرف عينه
أ حم أنا هنام بقى
تنامي ايه عايز ايه 
مفيش يا يوسف بيشوفني جايه ولا لا 
هو ماله
ابتسمت اوعدك اما نوصل هسأله 
سكت وفضل سايق حاولت أنام معرفتش فضلت بصاله تركيزه في السواقة الهيبره بتاعته وهو بيسمع الأغنية المفضلة ليه معرفش عدى وقت قد ايه سرحانه فيه ولكن مكنش قليل! 
غفلت وأنا بتفرج عليه وصحيت على صوته
قومي يا رنونة 
فتحت نص عين وصلنا 
لا بس جبتلك أكل عشان مفطرتيش 
وأنت
أنا كلت الصبح 
بصيت حواليااحنا في الإستراحة 
اه
قولت بحماس هنزل أجيب حاجات حلوة وأجي
بصي وراك
بصيت لقيت شنطة كبيرة شهقت بفرحة وبصتله بحب
أنا ممنونة بإيه ل ده كله 
ضحك توصية مش أكتر من أكتر أتنين بحبهم في حياتي ماما وخالتو 
ابتسمت أنت محظوظ عشان أنا بنت خالتك
يا خبر! جدا 
ضحكنا وكملنا الطريق سوا واحنا بننكش في بعض وسمعنا أغاني وهيبرنا سوا. 
وصلنا وكان مكان الباص موجود ظبطت شكلي في المرايا وبصتله قبل ما ننزل 
هقولهم ايه لو سألوني جايه معاه ليه 
قوليلهم قريبي وبنشتغل مع بعض 
نفخت أوف يا يوسف ما قولتلك مش عايزه أعرف حد
هز كتفه خلاص اتصرفي
سبقني ونزل حاولت أفكر في كذا حاجة خصوصا أما لقيت الأنظار علينا ومن واحدة معينة! 
بصتله وقولت بإستهزاء يلا قابل أنا ماشيه 
ضحك أنت مبتحبيهاش ليه 
كده أنا حرة 
سبته ومشيت قبل ما هي توصل وقفت قدام البحر شوية اشم هوا جميل ونضيف الساعة كانت 10 الصبح كنت في حيرة أطلع أنام ولا أكمل اليوم وأنام بليل 
قطع صوت أفكاري حد
رنا حمدلله على السلامة
بصتله وابتسمت الله يسلمك يا عمر
مجتيش معانا في الباص ليه الأجواء كانت جميلة 
أ أ أصل اتأخرت الصبح وقابلت يوسف في الطريق 
اه طب كويس تيجي نفطر سوا 
معلش هطلع أنام عن إذنك 
بصيت عليه لقيته باصصلي من بعيد كملت طريقي وطلعت الأوضة 
كلمت ماما طمنتها علينا وقفلت التليفون ونمت 
صحيت على صوت خبط على الباب 
بصيت في الساعة لقيتها 5 المغرب 
مين 
أنا يا رنا افتحي 
فتحتله ودخلت ساب الباب مفتوح ودخل 
في حاجة يا يوسف 
بقالك كتير نايمه قولت أطلع اشوفك 
قولت بتعب وهنام تاني روح اتفسح أنت واتبسط 
منا مبسوط اهو عايزك أنت كمان تبقي مبسوطة 
قولت جوايا هبقى مبسوطة ازاي وأنا شيفاك مع واحده تانيه! 
يلا يا يوسف امشي لو حد شافك هنا مش هيبقى ألطف حاجة
قام وقف معنديش حاجه اخبيها أنت اللي جبانه وبتهربي
ضحكت بعصبيه شكرا اقفل الباب وراك 
مردش عليا وقفله ومشي حسيت إنه زعل 
نفخت أووووف يخربيت الحب وسنينه 
قومت خدت شاور ولبست بنطلون أبيض قماش وتيشيرت بني ولمېت شعري حطيت توكة على شكل دوناتس ونزلت 
كنت بدور بعيني عليه ولكن مش شيفاه سلمى موجوده وهو مش موجود! معجزه
ضحكت جوايا وروحت اتمشيت على البحر 
سمعت صوتها ازيك يا رنا عامله ايه 
الحمدلله 
قالت بضحك محدش شافك الصبح يعني زعلانه مننا ولا ايه
ابتسمت لا كنت موجوده بس أنت أكيد مشغوله في حاجة تانية
اه فعلا كنت مع يوسف طول اليوم 
بصتلها وابتسمت وأنا حاسه بدخان طالع من راسي 
هو فين صحيح
راح يجيب أكل يلا عايزه حاجة 
سلامتك يا سلمى يا حبيبتي
مشيت ونفخت يارب على الاستفزاز 
قعدت وفتحت التليفون اتفرج على مسلسل الجو كان جميل كان