اسكربت بقلم رنا يحي
هيبقى أجمل لو هو موجود
خدت نفس بحزن وابتديت اتفرج مفيش دقايق لقيت طبق أكل بيتمدلي
بصيت وابتسمت أكيد هو هيكون مين!
قعد قدامي نزلت يعني
خدت منه الطبق جعانه
ضحك منا عارف
عرفت منين إني نزلت وجبتلي أكل ولا ده بتاع سلمى
يادي سلمى زهقتيني
قولت بغيظ وأنا باكل أصل هي كانت معايا من شوية وحكتلي قد ايه اليوم كان حلو وانتوا مقضيينه سوا وإنك روحت تجبلكوا أكل
ابتسمت بفرحة وقلبي دق بسرعة
ب بجد
أيوة
كملت أكل وأنا ضحكتي من الودن للودن
عمر كان بيقولك ايه الصبح
عمر لا أبدا عامله ايه وكده ازيك وبتاع
وبتاع اه يعني لو في حاجة كده ولا كده قوليلي
ابتسمت بحزن لا مفيش
بصتله بسرعه ايه
ايوه ما أكيد مش هسمحله عايزاه يضايقك واسكتله!
بصتله بقرف يضايقني! قوم يا يوسف امشي
ضحك وفضلنا ساكتين شوية
هتقوليلهم امتى إنك قريبتي
يا سيدي أنت عايز ايه من الموضوع ده
قال بنبرة جد عايزك تبقي شجاعه ومټخافيش من كلام الناس
لا أنت جبانه يا رنا وجبنك ده مأثر على حاجات كتير لو طلعت كل حاجة هتتغير!
قولت بهزار اوعدك هقولهم أول ما أفتح شركتي وانافسك
خبط كف على كف أنت مبتفهميش!
خدت موزة من الطبق ليه بس
قام وقف أنا ماشي عشان متجلطش
قومت بسرعه مسكت ايده استنى بس
نعمين
متبقاش قفوش كده يا هندسة
كانت هي سبت ايده وقعدت مكاني
لقيته جاي بيشدني
قومي
برقت ايه يا يوسف أنت بتجر جاموسة!
ضحك يلا
يبني أوعى هتغابى عليك
مقدرش اسيبك لوحدك يا رنونة
روحنا وقعدت جمبه ولقيته اتكلم
ها يا شباب جاهزين لتحديات بكرة!
تحديات ايه
بص لسلمى هي سلمى مقالتلكوش!
قالتها وهي بتبصلي ضحكت لقيته بصلي ضحكتي اختفت علطول
قطع النظرات صوت عمر
رنا تبقي معايا في التيم بتاعي
بصتله ولسه كنت هرفض لقيتها اتكلمت
اه وافقي يا رنا كل اتنين في تيم أنا ويوسف مع بعض
بصتله وضحكت والله
ابتسمت بعصبية حاولت اخبيها وبعدين بصيت لعمر
قومت من غير ما ابصله واليوم انتهى على كده.
صحيت تاني يوم لبست ونزلت وقابلت عمر في الطريق
قال بإبتسامةصباح الخير
صباح النور هما فين
هناك تعالي
اتمشينا وروحنا عندهم كان هو واقف معاها
وقفت بعيد عنهم مع عمر وابتدى هو يشرح اللعبة
كانت كل اتنين هيروحوا يدوروا على شفرات عشان نحل اللغز
كان عمر بيستعد وأنا واقفه مستنياه لقيت يوسف جاي
خلي بالك من نفسك
بصتله وضحكت بسماجه متقلقش عمر معايا
بصلي والله
شاورتله عليها خلي أنت بالك من نفسك سلام
مشينا أنا وعمر واتحركنا ناحية الاشارات بتاعة اللعبة كنا بنبعد عن المكان
أنت عارف المكان صح مش هنتوه
إن شاء الله
بصتله پخوف ايه
ضحك متقلقيش ثقي فيا
مبخافش الا من الكلمة دي
ابتدينا نمشي كتير ومكناش بنلاقي حاجة بقينا في حته منعرفهاش!
بنلف في متاهه
بصتله وقولت بعصبيه يبني أنا مش سألتك ما كنت تقول معرفش
اقعدي بس ارتاحي خمسة وهنقوم تاني
نفخت وقعدت قدامه
هنعمل ايه دلوقتي
هندور على حد يساعدنا
بصتله پغضب وكنت بشتمه في سري
بس أنا مبسوط إننا تهنا سوا
نعم
ضحك ممكن اسألك سؤال
اتفضل اسأل هنعمل ايه غير الاسئلة
هو في حاجة بينك وبين يوسف
ليه
عادي أصل شايفكوا قريبين
هو عشان بتكلم وبضحك معاه يبقى في حاجة منا بتكلم وبضحك معاك يبقى في بيني وبينك حاجة
وليه لا!
بصتله متكبرنيش في دماغك يا
