اسكربت بقلم رنا يحي

قولت بحماس يلا بقى يا ماما زمان خالتو مستنيه من بدري 
خلاص يختي مش هيطير 
قولت بتمثيل هو مين ده بس 
ضحكت يلا يا رنا يلا 
ركبنا تاكسي ووصلنا شلت الأكل اللي جايبينه معانا ودخلت
حد يشيل مني بسرعه
خدتها مني وسلمت عليها وسألت عليه قالتلي إنه في الجنينة بيشتغل 

خدت نفس ودخلت عليه
يا ندل مش تقوم تسلم عليا 
بصلي وضحك منا وشي في وشك كل يوم موحشتنيش للأسف
ياربي على السماجه بتشتغل ايه دلوقتي 
بخلص كام حاجة كده قبل الرحلة
بصتله بإستغراب رحلة ايه 
ركن اللاب وبصلي بحماس سلمى اقترحت عليا إننا نطلع السخنة كام يوم كشركة وبتاع وأنا وافقت لقيت إنها فكرة تحفة
ابتسامتي راحت اممم سلمى! 
اه ابقي جهزي شنطك على يوم الجمعة وأنا هقولكوا في الشركة بكرة 
قومت وقفت لا أنا أوت
مټخافيش يا رنونة منا هبقى معاك
أنا داخله
سبته ودخلت قعدت في الريسيبشن وأنا بفكر بس كان قراري الأخير إني مش هروح. 
قعدنا كلنا نتكلم ونهزر وفجأه تليفونه رن وكالعادة كانت هي
حسيت بڼار بتاكل في قلبي ولكن مظهرتش أي رد فعل. 
اليوم خلص وجه قبل الرحلة بيوم كنت قاعدة مع ماما في الصاله وبنتكلم
وايه اللي مانعك متروحيش 
قولت بعصبيه اروح واشوفها وهي بتتدلع عليه! ولا وهي مش مديه فرصة حد يكلمه اصلا والبيه ولا في دماغه
أنت السبب
أنا 
مش أنت اللي عملتي فيها مستقله وقولتيله إنه ميعرفش حد إنك قريبته وإنه مديرك! 
أيوة عشان مش عايزه حد يقول عليا واسطه 
قومت بعصبية لو رن عليا متفتحيش أنا داخله أنام 
دخلت نمت على السرير فصلت المنبه وبصيت على الجانب الحلو إني هرتاح كام يوم من الشغل بس شوقي ليوسف ده هيتعوض ازاي مش عارفه. 
طول الليل كنت في حالة أرق كانت عيني دايما على الساعة 
اه زمانهم مشيوا دلوقتي ومبسوطين 
نفخت پغضب ودفنت راسي في المخدة
لحد ما سمعت صوته بره! 
برقت وأنا تحت المخدة وقلبي دق جامد
سمعته قال لماما
بنتك دي جابت آخرها معايا أنا داخل اصحيها 
والله انتوا الأتنين محتاجين تربية من أول وجديد
حضريلها فطار يا خالتو الله يخليك
فتح باب الأوضة وأنا فضلت عامله نفسي نايمه نده عليا وهو واقف على الباب 
اصحي يا زفته بقى 
رفعت راسي من تحت المخده وبصتله بعصبيه وماما واقفه وراه بتضحك
ايه عايز ايه على الصبح 
يلا قومي اجهزي
قولتلك مش جايه يا يوسف 
وأنا قولت هتيجي 
هو بالعافية ولا ايه يلا روح الحق سلمى قبل ما تلاقيها ناطه هنا بتدور عليك
ضحك قومي يا رنا ربنا يهديك 
مش جايه 
قولتها ونمت تاني على السرير وغطيت وشي 
أنت حرة بقى 
سمعت صوت كركبة رفعت راسي لقيته بيجيب شنطة السفر وبيحط أي هدوم قدامه فيها! 
ضحكت پصدمة أنت اټجننت 
جدع يواد تربيتي 
ماما! 
قومت من على السرير وزقيته وخدت الشنطة پغضب 
ربع ساعة الاقيك قدامي بره 
ي.... 
قال وهو خارج ربع ساعة يا رنا 
نفخت وبصيت لماما بعصبية غمزتلي وضحكت وخرجت
بصيت على الشنطة وقعدت على السرير وضحكت بإستمتاع
جهزت وجهزت الشنطة وخرجتله بره وأنا قالبه وشي 
أعمل حسابك إني مش هروح بأتوبيس 
لا طبعا وأنا أقدر أسيب البرنسيسة لوحدها 
ابتسمت اذا كان كده ماشي يلا يا ماما عايزه حاجة هتوحشيني
متنزليش الماية لوحدك يا رنا 
بصتلها جرا ايه يا ماما هتفضحيني قدامه 
ضحك بهزار لا وأنا مكنتش عارف فعلا يا بت دنا مربيك على إيدي
بصتله بإستهزاء أنا نازله يا... بابا 
سبتله الشنطة ونزل ورايا بعد ما سلم على ماما ركبنا العربية وحسيت إني عايزه أنام طبيعي من أرق طول الليل
متعملش دوش... 
تليفوني رن