قصة القط الاسود

 والخربوش اللي ظهر مكانه علي الكرسي و ظهر تاني في رقبة اىويا، قطع تفكيري في اللحظة دى باب اوضة ابويا بيترزع علي الاخر ، قومت من مكان وانا مفزوع وببص ناحية الباب بدهشة وخوف، الباب اصلا كان مقفول! وانا متأكد من كده، يعني مش هقول هوا قفله، يعني كده في حد فتح الباب ودخل وقفل وراه ، لحظة مرعبة، قربت من الباب بهدوء وصمت عشان افتحه ولما وصلت عندوا حطيت ايدي علي اكرة الباب بخوف ورعشة من اللي مستنيني جوا ... يتبع

قربت من الباب بهدوء وصمت عشان افتحه ولما وصلت عندوا حطيت ايدي علي اكرة الباب بخوف ورعشة من اللي مستنيني جوا، فتحت الباب بسرعة ودخلت، الاوضة كانت هادية تماما ومفيش حد ، يعني اللي دخل دا كان ايه! هوا! ، وفي لحظة الصمت دى لاحظت قطة سودة واقفة عند رجل السرير اللي علي الشمال وكانت بتبص ناحيتي بتحدي، دى! دى كانت نفس القطة اللي شوفتها جوا القبر اللي ادفن فيه ابويا، قربت عليها وهي واقفة في ثبات وتحدي، كانت 

واقفة علي الرجلين القدمنين زى واقفة الديب كده، كان شكلها مخيف، رغم كده قربت عليها اكتر فجاة الباب بتاع الاوضة اترزع بقوة اتخضيض وبصيت عليه وانا باستعيذ بالله من الشيطان الرجيم، بصيت ورايا تاني علي القطة ملقتهاش! ، دورت عليها تحت السرير بردوا ملقتهاش، اختفت لتاني مرة زى ما اختفت جوا القبر بالظبط،

 خرجت وقفلت الاوضة كويس وانا بتمم عليها انها اتقفلت تمام والهوا ميقدرش يفتحها رغم اني عارف ان الهوا ملهوش اى علاقة بقفلة الباب لان الهوا هيجي منين! مفيش اى جهة في البيت تخلي الباب بتاع الاوضة يقفل كده، و كمان مكانش في اى هوا شديد في اليوم ده عشان يقفل الباب بالطريقة دى، في حاجة غريبة ومرعبة بتحصل و دا تفسير للي قالوا ابويا في الجواب وانا لازم اعرف سر اللي بيحصل دا لان اكيد كله مش طبيعي، حسيت اني عايز اخد