قصة القط الاسود

 نشوف الراجل يحسن يكون مريض ولا حاجة "، بالفعل رحنا عند الباب بتاعكم و كنا بنخبط و نادي بصوت عالي لكن لا حياة لمن تنادي، اللي خلاني اخبط علي ابوك واعرف انوا لسه جوا ان الباب مش مقفول بالقفل الباب كان مقفول من جوا وحتي لو راح مكان كان قالي ابوك كان دايما سره معايا، المهم بعد نداء وخبط كتير كسرنا الباب لقينا ابوك واقع قدام الباب ولما جبنا الدكتور كشف عليه قال انوا ميت بقاله يومين او تلاتة وبس بعدين كلمتك" ، قولت لعم نعيم " طيب انت بتقول ان ابويا مكانش بيخبي عليك حاجة متعرفش اخر ايامه كان عامل ازاى حكالك علي حاجة حصلت معاه " عم نعيم فكر شوية وقال " لا مقاليش ما هو ده اللي انا مش فاهموا، ابوك لو في حاجة كان حكالي وقالي عليها "، عم نعيم سكت شوية بعد اللي قاله لكن افتكر حاجة وقال" بس في حاجة يا حسن يا بني، ابوك في اخر 

ايامه كنت بحسه متوه شوية، احيانا كنت بكلمه والاقيه في دنيا تانية وافضل انادي عليه فين وفين علي ما يسمعني، في الوقت حسيت ان حاجة ولاول مرة احس ان ابوك بيخبي عني حاجة! " ، بعد كلام عم نعيم قعدت صرحان شوية وانا بفكر في كلامه وكلام ابويا اللي في الجواب، عم نعيم بكلامه

 اثبتلي ان كلام ابويا اللي في الجواب صح وان فعلا في حاجة واني لازم فعلا اقعد واعرف ايه السر اللي في البيت او الغلط اللي ارتكبوا ابويا و مقالش عليه ، في لحظة سرحاني وتفكيري لقيت عم نعيم وقف وقال "اسيبك انا بقي ترتاح يا حسن يا بني انا عارف ان اليومين اللي عدوا كانوا صاعبين شوية عليك"، قولت لعم نعيم يخليه قاعد قال" معلش مرة تانية سلام عليكم "، عم نعيم مشي وانا رجعت قعدت علي الكرسي ورجعت بضهري لورا وانا بفكر وبعيد في دماغي اللي حصل معايا من ساعة ما ركبت القطر ، الراجل العجوز اللي كان قاعد جمبي وبعد ما قال جملته اختفا،