قصة القط الاسود

عليها، اسف اني بحكي تفاصيل كتير بس صدقوني التفاصيل دى كلها مهمة عشان اللي جاى في باقي الحكاية،

 كنت قاعد علي كرسي القطر والدموع بتنزل من عينيا، لقيت جملة اتقالت في الكرسي اللي جمبي" بتبكي ليه يا بني! "، بصيت للراجل بحزن، كان راجل مسن ووشه كان غريب شوية ، رديت وقولتله" اغلي حاجة عندي راحت "، قولت الجملة دى وانا ببكي وبحط ايدي علي وشي، الراجل طبطب عليا بايدوا وهو بيقول" معلش يبني كلنا لها بس ابوك غلط فخد جزاءه "، اتصدمت من الجملة اللي قالها الراجل وبصيت بسرعة جمبيا بصدمة لكن! لكن ملقتش حاجة، الراجل اللي كان قاعد جمبي مكانش موجود، بصيت ورا وقدام في عربية القطر ملقتش الراجل! ، بصيت علي الكرسي وانا في صدمة! لكن اتصدمت اكتر من اللي شوفته، شوفت مكان الراجل المسن اللي كان قاعد خربوش صغير باربع اظافر حادة، واللي خلاني عرفت انها اظافر حادة ان الخربوش كان عميق شوية في الكرسي، قعدت

طول الطريق في اندهاش وصدمة، لما وصلت خرجت من القطر بسرعة وركبت عربية توصيل للقرية 

ولما وصلت جريت علي بيتنا، ناس كتير كانت واقفة قدامه، دخلت بسرعة وانا بجري وقفني راجل كبير من سن ابويا اسمه عمي نعيم، عم نعيم ده راجل من اصحاب ابويا و كمان بيته كان جمب بيتنا علي طول، وقفني وقال" حمدالله عالسلامة يا حسن يا بني ابوك غسلاناه واستنينا لما تيجي عشان نتفنه "، قولت لعمي نعيم بحزن والدموع بتنزل من عنيا" ارجوك يا عم نعيم انا عايز اشوف ابويا لاخر مرة " عم نعيم بص ليا بحزن وخبط علي كتفي بحنية وقال للناس اللي واقفة قدام اوضة ابويا " وسعوا يا جماعة عشان حسن يودع ابوه "، بالفعل الناس وسعت عشان ادخل، دخلت عشان اشوف ابويا لاخر مرة، قربت من السرير اللي كان عليه ابويا وانا دموعي بتنزل مني، حركت ايدي ناحية راس ابويا عشان احوش من عليه الغطا واشوف وشه، بالفعل عملت كده لكن اتصدمت من اللي شوفته بعد ما حوشت الغطا عن راس ابويا،