قصة القط الاسود
دخلت اوضة ابويا وقعدت علي سريرو وانا بملس بأيدي مكان نومه، قومت من علي السرير ورحت ناحية دلاب هدومه وفتحته، خرجت كل هدومه وبخدها في حضني وانا بقول" وحشتني قوى يابا "، في اللحظة دى في جواب مقفول وقع من الهدوم بتاعت ابويا علي رجلي، وطيت وجبت الجواب .... يتبع
فتحت الدولاب بتاع ابويا ومسكت كل هدومه وبخدها في حضني وانا بقول" وحشتني قوى يابا "، في اللحظة دى في جواب مقفول وقع من الهدوم بتاعت ابويا علي رجلي، وطيت وجبت الجواب وفتحته وانا بحط هدوم ابويا علي السرير، الجواب كان مكتوب بخط ابويا وكان كالاتي" حسن ابني العزيز الغالي، اوعي تفتكر اني زعلان منك بسبب بعدك عني كل السنين دى، لا انا مقدر ظروفك وعارف انوا كان غصب عنك رغم انك ولدي الوحيد اللي محيلتيش غيره في الدنيا لكن مش مهم، المهم انك مبسوط وسعيد في عيشك و دا اللي كان مريحني،
كتبت ليك الجواب ده مش عشان الكلمتين دول لا،
انت عارف كويس اني مكنتش زعلان وكنت مقدر، انا كتبت الجواب ده او الوصية دى عشان اللي هقولوا ليك مهم، انا كنت حاسس اني خلاص ايامي في الدنيا تتعد علي الاصابع رغم اني تعبان ولا حاجة بس اهو مقدر ومكتوب، المهم لو كنت عرفت بخبر موتي وجيت عشان تدفني وعملت مهمتك في حاجة مهمة عايز اقولك عليها، البيت ده اللي انت قاعد فيه وبتقرأ الجواب يمكن يكون الغلط اللي غلطه غصب عني هو السبب ويمكن كمان يكون سبب في موتي عشان كده عايزك ما تميشيش دلوقتي وتسيب البيت الا لما تعرف كل حاجة وتكشف السر و دى وصيتي ليك يا بني ان كنت بتحبني بجد تنفذها، وفي اخر كلامى ليك يا بني بقولك مع السلامة او الي اللقاء "، كلام ابويا دا خلاني افكر واراجع اللي حصل معايا من ساعت ما جيت، خلصت قرأءة في الجواب وسمعت صوت الباب الرئيسي للبيت بيخبط قومت من مكاني وفتحت
