قصة القط الاسود

شوفت اللي صدمني وشي مبقيش علي حالته بقي بيتحول عنيا قلبت زى عنين القط الاسود اللي بشوفوا ومش عنيا وبس دا كمان وشي بقي شكل وش القط الاسود اتعصبت من اللي بيحصل وضربت المرايا كسرتها ايدي نزفت دم و مش عارف ليه فقدت الوعي!، فتحت عيني وانا قدام سرير بصيت حواليا لقيت نفسي في الاوضة بتاعت ابويا الله يرحمه، عند رجل السرير كان واقف نفس الاقط الاسود وبيبص ليا في ثبات، انا بردوا كنت باصص ليه بس بخوف وتوتر، ضهري كان لازق في الحيطة اللي ورايا، باب الاوضة فتح بصيت ناحية اليمين علي الباب لقيت ابويا داخل و في ايديه قماشة ملفوفة وفي حاجة جواها، ابويا بص ليا وابتسم وبعدين مشي ناحية السرير وشد السرير بعيد شوية لحد ما ظهرت حفرة تحت السرير رمي فيها القماشة و ردمها تاني و بعدين شد السرير ورجعه زى ما كان بعدها بص ناحيتي وابتسم ومشي ناحية الباب وخرج 

وهو باصص ليا بابتسامة و راح باصص ناحية السرير

 وشاور عليه بايدي وبعدها خرج، بصيت ناحية السرير لقيت الفط الاسود جاى بيجري بسرعة رهيبة علي صرخت بصوت وهنا فوقت وانا حاسس بألم شديد في ايدي و في دم بينزف منها ، خرجت ورحت علي الصيدلية 

عشان اطهر الجرح، الدكتور شاف الجرح وبص ليا وقال " هو في حيوان مفترس عضك! "، قولت للدكتور باندهاش" لا انا اتجرحت في قزاز المرايا بتعتي "، الدكتور رجع بص للجرح تاني باندهاش وقال" ازاى! مكان السنان باينة وواضحة جدا، اكيد في حيوان عضك وانت مش واخد بالك "، قولت للدكتور باستغراب" حيوان زى ايه! "، الدكتور رد وقال وهو بيبص للجرح" يعني مثلأ فار، قط، حاجة زى كده "، قولت للدكتور بتوتر" طب والعمل ايه دلوقتي يا دكتور " رد وقال " مفيش هتاخد حقنة

 وهنطهر الجرح وخلاص "، وبالفعل ده اللي حصل، اتا مكانش هممني ايدي ولا ةلشئ اللي عضها، انا كل اللي كان في دماغي اللي بيحصل معايا ده ايه وليه بيحصل! ، والحلم اللي انا شوفته ده ايه! ، هل ليه علاقة باللي بيحصلي،