قصة القط الاسود
جعان اوى رغم كل الرعب اللي حصل وبيحصل معايا لكن كنت حاسس بجوع رهيب، خرجت من البيت لقيت عم نعيم كان بيشتري حاجة من عند رياص البقال وقابلني، سلم عليا وقال عامل ايه قولتله تمام، بس بص ليا بصة اندهاش كده قولتله " مالك يا عم نعيم في حاجة ولا ايه! "، سكت شوية وبعدين قال بتوتر وهو بيهز راسه بالنفي" لا م مفيش يا بني ربنا يعينك "،قال كده وسابني ومشي، استغربت جدا وقولت لنفسي" هو ماله! " اتمشيت في الشارع شوية بس لاحظت حاجة غريبة وانا ماشي، هتسأل وتقول اغرب من اللي بيحصلك هقولك هو مش اغرب بس غريب زى كل اللي بيحصلي،
الغريب بقي ايه ان كل الناس اللي بتقابلني في الشارع بتبصلي بصة غريبة وكأنهم شافوني قبل كده او كأنهم شايفين حاجة غريبة، مهتمتش للامر ومشيت عادى ورحت جبت لمبة للحمام بدل اللي اتكسرت، بس الراجل اللي جبت من
عندوا اللمبة كان بردوا بيبص ليا بغرابة! قولت لنفسي في ايه بقي!
، اخدت اللمبة ومشيت بسرعة، و عديت علي رياض البقال عشان اجيب منه عشا، سلم عليا بابتسامة لكن الابتسامة مطولتش ولقيته بيبص بغرابة زيه زى غيروا من الناس، قولت لرياض بضيق " في ايه يا رياض انت كمان قولي مالك مستغرب ليه "، رياض رد عليا وقال" هو ايه الوشم اللي في وشك ده يا عم حسن " قولتله بتعجب " وشم ايه! مفيش اى وشم عندى " رياض جابلي مرايا كانت عنده لما بصيت فيها اتصدمت من اللي شوفته ..يتبع
رياض رد عليا وقال" هو ايه الوشم اللي في وشك ده يا عم حسن " قولتله بتعجب " وشم ايه! مفيش اى وشم عندى " رياض جابلي مرايا كانت عنده لما بصيت فيها اتصدمت من اللي شوفته، شوفت وشم علي شكل خربوش مطبوع علي جمب وشي، سبت المرايا واخدت الحاجات اللي اشتريتها وحسبت عليها بسرعة ورجعت البيت فتحت الباب حطيت اللي في ايدي علي التربيزة و جريت علي المرايا وانا ببص علي وشي تاني لكن ملقتش حاجة، الوشم اختفا، لكن
