قصة القط الاسود
ظهور ابويا و القط لاسود في الحلم مع بعض لتاني مرة دا يفسر بايه! ، النار اللي حرقت اللبس بتاعي و وشم الخربوش اللي بشوفوا، و الشئ اللي عضني اي كان هو ايه وكمان مشفتوش وهو بيعضني دا كله بيفسر بايه! ، دا اللي كان شاغل دماغي وانا مروح من الصيدلية، بس جه في دماغي حاجة، انا المرة دى مش هروح علي البيت، عم نعيم مفيش حد اعرفه غيروا احكيله هو صاحب ابويا
ووقف جمبي من ساعت ما جيت، رحت علي بيت عم نعيم وخبط هو اللي فتح، بس لما فتح شوفت علي ملامح وشه التوتر وقال بتعجب" حسن! ، اتفضل يا بني تعالي ادخل "، دخلت وانا باين علي وشي علامات الحزن، عم نعيم قال" مالك يا حسن يا بني في حاجة حصلت "، قولت لعم نعيم ولسه علي ملامحي الحزن" هي حاجة واحدة بس يا عم نعيم دى حاجات، حاجات ومش فاهمها او مش عارف افهمها
و مش عارف هي بتحصلي ليه! "، عم نعيم خبط علي ضهري بحنية وقال" اقعد يا بني واحكيلي كل حاجة واكيد ليها حل "، قعدت وابتديت احكي من اول اللي حصل في القطر لحد النهاردة، عم نعيم كان منصت جدا وانا بحكي وكان بيسمع في صمت، بعد ما خلصت كلام عم نعيم رجع بضهروا لورا وهو بيبص للفضا وكأنوا بيفتكر حاجة
قعد شوية في صمت وسكوت ومردش عليا باي حاجة! ، اتكلمت وقولت" عم نعيم.. عم نعيم "، عم نعيم فاق من الصرحان وهو بص ليا، قولتله" مالك يا نعيم انت مردتش عليا في اللي حكيته ليك! "، عم نعيم وقف علي حيله وهو بيبص بعيد وقال" حذرت ابوك الف مرة ميعملش كده لكن ركبت دماغه، مكانش عارف ان اخر السكة دى سواد ملوش اخر و اول حاجة هي السبب في موته او اكيد هي السبب "، قومت من مكاني باندهاش وتعجب بعد اللي قاله عم نعيم وقولتله" حذرته! حذرته من ايه!
