چٹة أبى

غمضت عيني و فتحتها تاني بحاول ارجع الرؤية زي مكانت , لكن كان بيحصل العكس , الرؤية كانت بتضعف اكتر , شوفت حد جه وقف قدامي , بس مكنتش موضح هو مين من ضعف الرؤية ! , و في اللحظة دي في ايد اتحطت علي كتفي من ورا ! , جسمي زي ما يكون اتكهرب , مكنتش قادر ابص ورايا , كنت عايز اعرف مين هو الشخص اللي قدامي الاول , " خl'ڼ العهد و ضيع الامانة " , الجملة دي خرجت من الشخص اللي قدامي , نفس الصوت الغريب اللي سمعته قبل كده , ابتديت اتخنق , بقيت مش قادر اتنفس , رغم كده اتكلمت بصوت مخنوق و قولت للشخص اللي قدامي " أبويا فين " , في اللحظة دي سمعت صوت بيقول " دور عليا في القديم هتلاقيني هناك مستنيك في نفس المكان .. دور في القديم هتلاقيني يا زين " , الصوت و الكلام كان جاي من ورايا , دا صوت ابويا ! , هو اللي كان حاطط ايدوا علي كتفي , لكن بعد ما كلامه دا خلص نزل ايدوا من علي كتفي , و فجأة لقيت الرؤية

 بدأت توضح , بس ! .. بس المكان متغير , أنا في مكان مجهول و مظلم , هو فين ! , هو انا في نفس الاوضة و مش شايف ولا فين بالظبط ! , الرد جه من ورايا بايد بتخبط علي كتفي , بصيت ورايا بسرعة , مفيش حد ! , لكن كنت شايف حاجة من بعيد , كان في ضوء بسيط عليها , لما قربت شوية عرفت هي أيه , كانت چٹة ملفوفة في كفن , لما قربت شوية تاني شوفت الراس اللي مكانتش متغطية بالكفن , اللي كان في الكفن كان ابويا , جريت بسرعة ناحية الكفن , لكن الضوء اللي كان عليه طفي و فجاة ظهر مكانه تلت اشخاص مش باين هما مين وسط الضلمة , وقفت مكاني وانا ببص ليهم و مبرق , في اللحظة دي سمعت صوت جمب ودني بيهمس ويقول " مش هتقدر