چٹة أبى

 عمي , قولي يا خالي انا الاقي چٹة ابويا ازاي ؟! " , كان باين في كلامي و علي ملامحي الحزن الشديد , خالي حسن وعمي مختار سكتوا و هما بيبصو في الارض و عاجزين عن الرد , عمي قام من مكانه و وخالي قام معاه , عمي اتكلم وقال  " طيب يا ابن اخويا ابقي قولي لما توصل لحاجة " , عمي قال الجملة دي و مشي ناحية الباب , خالي قرب عليا وقال " كلنا جمبك و معاك في اي حاجة مټقلقش .. بس ابوك وراه سر ربنا وحدوا هو اللي اعلم بيه " , خالي قالي كده ومشي هو لاخر مع عمي , انا فضلت قاعد علي الكرسي , قاعد وانا بحاول افكر , بس مفيش اي حاجة قادر اني افكر فيها , و دلوقتي بقيت انا المسؤول الوحيد اني الاقي چٹة ابويا , في اللحظة دي افتكرت

 حاجة , لكن مش عارف هتفيدني ولا لا , افتكرت ساعة لحظة واحنا بنغسل ابويا والاوضة كانت ساخنة , الاوضة دي اصلا بتاعت ابويا اللي كان بينام فيها , و خالي لسه قايل ان ابويا وراه سر ! , قومت من مكاني بسرعة و دخلت الاوضة دي بعد ما كانت مقفولة , الاوضة كانت عادية لا كانت ساخنة ولا حاجة , مش عارف ليه ندهت علي ابويا وقولت " فينك يا ابويا ؟.. رحت فين ؟ " , ندهت و قررت الجملة كام مرة , مش عارف ليه حسيت بزغللة في عيني , الرؤية بدأت تضعف قدامي , و فجاة الجو بدأ يسخن حواليا بالتدريج , حسين پخڼقة في نفسي , غمضت عيني و فتحتا بحاول ارجع الرؤية زي مكانت , لكن كان بيحصل العكس , الرؤية كانت بتضعف اكتر , شوفت حد جه وقف قدامي , بس مكنتش موضح هو مين ! , و في اللحظة دي في ايد اتحطت علي كتفي من ورا .. يتبع