اسكربت بقلم ايمان صلاح
انت في الصفحة 1 من 7 صفحات
_ خلاص نقرأ الفاتحه وبعد السنه دي يتجوزوا..
متكلمتش وقراوا الفاتحه وانا قاعده ببص عليهم معترضتش على اي حاجه كلهم بيقولوا العريس كويس هو صاحب واحد من الجيران كان بيدور على عروسه مناسبه وجارنا قالوا عليا وأهلي شايفينوا مناسبه وانا ...انا شايفه شخص كويس من ناحية الشكل ف هو وسيم جدا عنده شقه لوحده بعيد عن أهله شغال في شركه كبيره ومرتبه كويس يقدر يكفينا بيقولوا محترم ف انا هحتاج ايه اكتر من كده بس ثواني هو ليه دايما لما عيوني بتيجي في عيونه بيبص في الأرض هو المفروض مين يتكسف انا ولا هو !
رساله صغيره منه لا هو لسه هيقول صباح الخير وبتاع حضرتك انا عندي شغل مش كفايه مدخلني شات انا و رامي اخويا مع بعض قال ايه حرام يكلمني لوحدي هو انت عشان أمام مسجد هتقرفنا طيب والله ما انا ردا عليه
_ خلصتي الشغل اللي في ايدك يا سهيله
ضحكت بخبث _ اها الله يسهلوا يبقى هتكلمي العريس يا عروسه
شوحت بأيدي _ يا اختي اتنيلي عروسه قال قصدك موكوسه
بصتلي بفضول _ ليه ايه الحصل ومالك زعلانه ليه
زقتها وطلعتها بره المكتب _ ممكن تروحي تسلمي الشغل ده و ترجعيلي
سلمت الشغل ورجعت وقعدت بفضول واصرار
_ مفيش يا ستي العريس ماشي على ضوابط الخطوبه ف طبيعي مش بنتكلم لوحدنا
ضحكت _ ده بجد والله ده انا قولت عشان عنده دقن خفيفه وإمام مسجد مش هيدقق اوي كده
ضحكت بسخريه_ لا يا اختي ولا انا اللي مفكره أن اول ما اتخطب هحب واتحب واتكلم في الموبيل طول الليل ..انا طول عمري شايفه أن لازم احافظ على نفسي لحد ما اتخطب ووقتها اعيش خطوبه اسطوريه لحد الفرح طلع الموضوع ده كڈب مش عند حازم خالص آخره كلمتين وبس مفيش اي حاجه حتى كلمه عامله ايه بيقول عاملين ايه مينفعش يقول عامله ايه و خلاص
_ يا ستي انا مش عايزه المحترم ده انا طلعت غلطانه انا عايزه واحد قليل الادب
_ على فكره بقى انتي مش بتحمدي ربنا عارفه دي نعمه كبيره ده كده متدين بجد محدش لاقي واحد محترم اليومين دول
_ يا رنا انا طول عمري شايفه نفسي محترم بس جنب الشخص ده ف انا قليلة ادب !
_ ايوه ستي ملكيش دعوه مبيعجبنيش العجب
سكت شوية ولقيت رامي اخويا بيرن عليا فتحت الموبيل
_ صباح الخير يا حبيبي
ضحك _ صباح النور يا قمر بقولك
_ خير مش مطمنالك خالص
_ليه كده ده انا رامي حبيبك
_ ما انا عارفه يا روحي قولي انت عايز ايه وبعدين انت مدخلني مع حد في المكالمه ولا ايه
بصيت بدهشه للموبيل _ طيب و مرنش عليا
_ مش عارف ردي عليه وانتي تعرفي منه
Eman Saleh.
بصيت للموبيل بغيظ إن كان من رامي ولا حازم ده كمان رديت بهدوء
_ الووو
رد حازم عليا بصوت جاد جدا _ السلام عليكم ورحمه الله وبركاته
رديت بغيظ واحراج _ وعليكم السلام
اتكلم حازم بهدوء_ عامله ايه
_ الحمدلله
رد عليا ببرود _انتي فين كده !
رديت عليه بغيظ _ في الشغل هكون فين يعني
_ اها طيب
اتكلمت بسخرية_ إلا هو انت مرنتش عليا ليه على طول ليه تخلي رامي يدخلنا في المكالمه يعني معكش رصيد قولي وانا اشحنلك
رد رامي عليا _ سهيله ايه اللي بتقوليه ده
رديت بغيظ _ يعني انت مش شايف هو بيعمل ايه
اتكلم حازم بهدوء _ خلاص يا رامي هي متقصدش على فكره انا معايا رصيد وهبعت كارت ل رامي كمان بس انا مش عايز اكلمك لوحدنا دي تعتبر خلوه
رديت بغيظ وسخرية _ خلوه ! خلو اوي
اتكلم حازم بثبات _ طيب اسيبكم انا عندي شغل سلام عليكم
قفل وانا اتغظت اكتر يا برودك يا اخي ايه ده ! اتكلم رامي پحده
_ ايه اللي انتي عملتيه ده يعني بدل ما تحمدي ربنا انه
