اسكربت بقلم ايمان صلاح

وثانيا
رد عليا وانا كان هيجيلي ساكته قلبيه _ ثانيا بقى متتاخريش في الشغل تمام 
اتعصبت وبعتله _ لا مش تمام وهاجي براحتي سلام عندي شغل 
قفلت الموبيل بنرفزه ولقيت رامي واقف ولسه بيضحك فبصتله بغيظ
_ اضحك ما انت مستفز زيه منك لله 
رامي رد عليا وبيحاول يتكلم جد _ الله وانا مالي يا استاذه سهيله 
صړخت بغيظ _ ده انت مستفزززز
جريت عليه عضيته ومشيت وانا مټعصبه منك لله يا حازم عصبني على الصبح 
دخلت الشغل وانا متغاظه حرفيا لقيت رنا في وشي 
_ ايه ده مالك زعلانه ليه 
رديت بضيق _ابعدي عن وشي يا رنا مش طايقه حد والله 
ردت بابتسامه_ ايه ده مالك بس زعلانه ليه ولا اقولك تعالي نشرب كانز قبل ما نبدا الشغل انا جبت جوه وعامله حسابك 
رديت عليها وانا بحاول اتكلم بهدوء_ لا يا رنا شكرا انا عندي شغل جوه يلا نخلصه الأول.
كنت قاعده بعمل ورق فلقيت الموبيل رن وكان رامي فتحت وقبل ما ارد لقيت حد بيتنحنح فقولت 
_ الوو رامي سامعني 
رد رامي عليا _اه سامعك بس حازم معانا في المكالمه 
نفخت بضيق فسمعت صوته وهو بيقول 
_ قفلتي الموبيل ونزلتي قبل ما انخلص كلام ليه يا استاذه سهيله
اضايقت واتكلمت بغيظ _ انا کرهت لقب استاذه بسببك والله 
ايمان_صالح
رد حازم بجديه _ حد يكره انه يتقاله يا استاذه المهم يعني هتخلصي شغل امتى 
رديت بضيق _ بعد المغرب 
رد حازم عليا بهدوء_ خلاص ماشي 
سألته بفضول _ بتسأل ليه يعني 
رد باختصار _ عشان كنت جاي عندكم اتكلم معاكم 
رديت عليه بكل تلقائيه _ مش كنت عندنا امبارح 
اتكلم برخامه _ وجاي النهارده فيه حاجه 
لسه هرد عليه لقيت ماهر معايا في الشركه بيكلمني 
_ سهيله خلصتي الورق اللي قولتلك عليه
رديت بابتسامه _ اه خلصتوا يا ماهر تعالى خدوا اهو 
قرب خد الورق وقلب فيه 
_ بجد شكرا يا سهيله مش عارف من غيرك كنت عملت ايه بجد يا بخت خطيبك بيكي
ضحكت _ ولا يهمك يا ماهر متكبرش الموضوع
مشي وانا رجعت للموبيل تاني رديت وكان حازم بيقول بضيق خفي
_ هو مين اللي كان بيكلمك ده
_ ده ماهر زميلي في الشركه 
رد بضيق _وانتي ازاي حضرتك ترفعوا الألقاب ماهر و سهيله عادي كده !
رديت بعند_ انا مبحبش الألقاب 
_ لا لازم تستخدمي الألقاب وصوت ضحكت حضرتك دي تهديها المفروض انه زميلك يعني 
ايمان_صالح
_ عشان زميلي عادي يعني بعد اذنك عايز حاجه
_ لا 
_ عايز حاجه يا رامي 
_ لا شكرا يا سهيله 
قفلت معاهم وانا متضايقه ايه ده قال القاب قال !
بعد المكالمه رنا بصتلي وقالتلي 
_ خطيبك برضوا !
اتكلمت بغيظ _ ده عايز يجنني ده بيقولي القاب مع زمايلي في الشركه 
ردت بابتسامه _ ما ده عشان محترم فبيقولك حطي حدود 
_انا مش عايزه المحترم ده انا منكرش أنه شخص كويس وشيك وعريس مناسب بس أسلوبه ينقط مفيش حد بيعمل الأسلوب ده دلوقتي 
كنت بكمل شغل وبعدها مسكت الموبيل فتحت الوتس لقيت رساله على الجروب 
_ صليتوا العصر  
منكرش أن الكلمه هزتني بس بعدها لقيت رساله بعدها تاني فيما معناه أن الكلام مع حد غريب حرام ولا الهزار ولا الضحك طيب ما انا عارفه الكلام ده بس ده زميلي فأكيد فيه كلام بينا اعمل ايه سيبت الموبيل ودخلت مكان وصليت خلصت الشغل وبعدها روحت وبعد وقت كان هو جه وقعد هو و ماما وانا دخلت قعدت معاهم وانا متضايقه اوي كان بيتكلم وهو غاضض بصره 
_ ازيك يا استاذه سهيله
جزيت على اسناني _ الحمدلله ومتقوليش يا استاذه 
_ امال اقولك ايه 
_ قولي سهيله و خلاص صعبه دي 
هز راسه برفض _ لا بس مينفعش 
اتكلمت بغيظ _ سهيله سهله اهي 
اتكلم بمغزى _ مينفعش انا مهما يكون خطيبك لسه مش زوجك يعني زي زي زمايلك في الشغل مش كده يا طنط 
_ طبعا يا ابني كلامك صح 
ايمان_صالح
بصتلهم بغيظ ماما بطبله والأستاذ طول الوقت بيبص بعيد وهو بيتكلم طيب بعد الجواز هيعمل ايه هيقولي اقعدي عند اهلك وانا عند اهلي !
اتكلمت بضيق
_ انا مش عاجبني الوضع ده 
رد عليا حازم بعدم فهم _ مش فاهم وضع ايه 
_ الوضع اللي احنا فيه