اسكربت بقلم ايمان صلاح

محترم تتكلمي كده !
_ يعني انت مش شايف هو بيعمل ايه ده حتى مش عارفه اتكلم معاه لوحدي احنا مخطوبين مش المخطوبين المفروض يتكلموا ويحبوا بعض عادي 
اتكلم رامي بغيظ _ انتي اټجننتي ولا ايه انتي بتكلمي اخوكي وعلى فكره هو كلامه صح ده حرام لو اتكلم معاكي لوحدكم يلا غوري شوفي هتعملي ايه دلوقتي سلام 
Eman Saleh.
قفل في وشي الجزمه ده ! هو كمان بيقول زيه انا ناقصه خلصت شغل وروحت البيت دخلت بدلت هدومي ودخلت ل ماما المطبخ 
_ ماما انا جعانه عايزه اكل 
_ لا مش دلوقتي روحي شوفي وراكي ايه لحد ما الجماعه يوصلوا 
خدت تفاحه وقطمت منها واتكلمت باستغراب 
_ جماعة مين دول يا ماما 
_ خطيبك وأهله عازمينهم على العشا النهارده
_ اممم طيب انا هدخل انام بقى 
ضړبتني على راسي _ وخطيبك يا بنت الهبله مش جاي عشان يقعد معاكم 
اتكلمت بلامبلاه_ يبقى اقعدوا معاه انتوا 
مسكتني من دراعي _ خدي يا بت اقفي جهزي معايا وفي ثواني تكوني غيرتي الهدوم دي وتدخلي تقعدي معاه 
اتكلمت بتذمر _ يا ماما بقى 
_ بلا ماما بلا بابا يلا كملي الاكل وتدخلي تعملي اللي قولتلك عليه فاهمه 
_ اووف فاهمه 
عملت الاكل معاها ودخلت لبست فستان وطرحه وكنت هطلع بس لقيت رامي دخل عندي 
_ شوفي الجاتوه اللي جايبه حازم 
بصتله بذهول_ يا طفس وبتاكل منه كمان 
رامي شوح بايده_ ده اغلى انواع الجاتوه 
رديت عليه بغيظ_ كل يا اخويا كل 
ايمان_صالح
طلع لسانه وضړبني وجري وانا جريت وراه 
_ طيب والله ل اضربك يا رامي يا مامااااا
كنت بجري وراه بس ماما وقفتني ومسكتني پحده 
_ يا بنت الهبله الناس قصادك اقفي انتي وهو 
بصيت قدامي كان قاعد وحاطت راسه في الأرض و باباه بيبتسم هو و مامته بصيت عليهم بإحراج ودخلت سلمت على مامته وحضنتها و باباه سلمت عليه وبعدها باباه ابتسم 
_ ومفيش حضڼ ليا انا كمان 
بصيت ل عمو بكسوف ف حازم اتكلم پحده 
_ بابا !
باباه ابتسم ومسك ايدي_ تعالي اقعدي جنبي يا سهيله 
ابتسمت وقعدت جنب عمو و طنط وهو قام على الركنه التانيه وقعد وحط راسه في الأرض يادي النيله ايه ده طيب حتى بص مكسوفه يا بطه ولا ايه !
باباه اتكلم _ وانتي اخبارك ايه يا سهيله 
رديت عليه بابتسامه _ الحمدلله يا عمو بخير وحضرتك عامل ايه 
_ بخير طول ما انتي بخير 
ابتسمت وبصيت ل مامته _ حضرتك عامله ايه يا طنط 
ابتسمت _ الحمدلله وبعدين قوليلي يا ماما هتبقى منك حلوه انا كان نفسي يكون عندي بنت بعد ما جبت حازم بس ربنا مأردتش 
ابتسمت _ حاضر يا ماما 
سيبتهم وحطيت الاكل مع ماما وقعدنا ناكل كان كل تركيزي عليه شكله لطيف تسريحة شعره لبسه المنمق من اول القميص الابيض بتاعه لحد البنطلون بجد شكله يخطف القلب و العين كمان بس المشكله في دماغه وتفكيره و انه بيتكسف!
كنت قاعده وسرحانه بس لقيت رامي بيخبطني فبصتله بضيق وهمست
_ كتك ضربه بتضربني ليه 
ضحك_ بتبصيله وهو ولا معبرك 
بصتله بتوتر ووطيت صوتي_ انا على فكره بقى مش ببصله 
رامي اتكلم بعدم اقتناع _ اه اه ما هو باين يا اختي 
اتكلمت بغيظ وانا بهمس _ على فكره بقى انا لسه مضربتكش هما يمشوا بس وانا هاخد حقي منك !
ضحك عليا وانا بصتله بغيظ بس ماما بصتلنا پحده فكملنا اكل عشان هما قاعدين بس .
تاني يوم قبل ما انزل الشغل لقيت مسدچ منه على الجروب اللي عامله ومدخلني فيه انا و رامي اخويا 
_ السلام عليكم ورحمه الله وبركاته.. عاملين ايه استاذه سهيله انتي نازله الشغل النهارده
بصيت لرساله لوهله ومش عارفه أعيط ولا اضحك استاذه ! انا يتقالي يا استاذه من خطيبي كمان !
رديت عليه في الجروب 
_ اه نازله الشغل عند سيادتك مانع 
ايمان_صالح
لقيت المسدچ اتفتح وده دليل أن مش هو بس اللي قرأ الرساله ده رامي كمان سمعت صوت ورايا لقيت رامي واقف حاطت أيده على بوقه وھيموت من الضحك فكشرت بغيظ منك لله بجد !
لقيت حازم رد _ ردي السلام اولا قولي و عليكم السلام ورحمه الله وبركاته
رديت عليه بغيظ _طيب