اسكربت بقلم ايمان صلاح

متضايقني هو فيه ناس مخطوبه كده انت شخص غريب 
_ طيب انتي عايزه ايه ما المفروض اي خطوبه تكون كده 
_ بس اصحابي مش كده 
رد برفض _ انا مليش دعوه بحد 
_ وانا عايزه اكون زي الناس 
_ يعني ايه 
_ يعني انا عايزه اكون زي اصحابي المخطوبين زي ما بيخرجوا يتكلموا مش زينا تدخل اخويا في المكالمه 
_ وانا مش هعمل الكلام ده 
اتكلمت بتهور_ وانا مش هكمل حاجه مش على هوايا
اتكلم پصدمه حسيتها في صوته_ قصدك ايه 
_ يعني اتفضل دبلتك 
قلعت الدبله بتهور ودخلت جبت الدهب وعطتهوله 
_ انا مش عايزه اكمل حاجه متضايقاني 
في الوقت ده سكت وخد الدهب ومشي لوهله حسيت بزعل وضيق انا خلاص نهيت كل حاجه بإيدي ماما بصتلي وزعقت 
_ خلاص عملتي اللي في دماغك من غير ما تشاوري حد 
ايمان_صالح
اتعصبت _ انا مش عايزه اكمل حاجه متضايقاني ومش حساها مش دي الخطوبه اللي عايزاها لما هو كده هيفضل كده على طول حتى الابتسامه ليه مش بشوفها ابسط الاشياء مش بيعملها اكمل معاه ازاي 
ماما زعقت اكتر _ تكملي ازاي هو انسان محترم وانتي متستهليهوش خليكي كده يا سهيلة بكره ټندمي 
طلعت بره وانا قعدت على الكرسي انا خلاص خلصت منه بس انا زعلانه ليه دلوقتي  
بعد فتره كنت كل يوم اروح الشغل وماما و بابا يزعقوا معايا و رامي كمان بيلومني في يوم كنت في الشغل و ماهر دخل عندي 
_ بقولك يا سهيله 
_ نعم يا ماهر 
_ بصراحه كده انا بحبك قبل ما حازم يتقدملك وعايز اطلب ايدك 
وقفت ابص عليه بذهول انا كنت مستنية اعتراف زي ده بس مش عارفه ليه مش حاساه
قرب مني ووقف قصادي 
_ ها ايه رايك 
بصتله وابتسمت _ موافقه تعالى قابل بابا هقوله وتعالى عنده 
ابتسم بفرحه بس المشكله اني مش حساها _ بجد يا حبيبتي خلاص قوليلوا وانا هاجي 
وقتها حسيت بضيق في صدري مش عارفه سببه ايه المفروض اكون مبسوطه عشان معشتش الحاجات دي مع حازم قولت ل بابا وقتها كان واخد مني موقف بس قالي انه هيقابله وقتها جه وقعد معاه وبعد ما مشي بابا و ماما بصولي 
بابا اتكلم _ هو ده اللي انتي جايبهولي 
_ اه هو يا بابا وموافقه عليه 
ماما اتكلمت بغيظ _ انا مش فاهمه يعني انتي سايبه حازم وجايبه ده 
_ ماله ده يا ماما ما هو كويس اهو 
زعقت_ هو ده الكويس ده شكله مش تمام مش قاعد على بعضه انتي بتفهمي ازاي 
بابا اتكلم _ خلاص يا حجه سيبيها براحتها بس بعدها تبقى تيجي تقول فيه حاجه 
بعد شوية ماهر كلمني ولما بلغته أننا وافقنا كان فرحان 
_ يعني خلاص هتكوني خطيبتي واتكلم معاكي براحتي 
_ اه يا ماهر 
_ قلب ماهر من جوه انا هجيب اهلي بكره ونتفق والخطوبه الاسبوع الجاي 
_ ماشي يا ماهر 
_ سلام يا قلبي 
قفل معايا وبرضوا مش حاسه براحه خالص جم أهله واتفقوا وحددنا الخطوبه وفي يوم كنا في الشغل ولقيت ماهر قرب مني 
_ وحشتيني يا قمر 
اتكلمت بهدوء _ شكرا يا ماهر 
_ مفيش وانت كمان 
اتكلمت بكسوف_ وانت كمان متزعلش 
_ يالهووي عليا بحبك اوي 
وقتها سكت مش عارفه ليه كل ما يتكلم معايا بتيجي قدامي صورة حازم وهو زعلان وبضايق اكتر 
_ ايه رايك نخرج بعد الشغل مع بعض النهارده
_ خلاص ماشي نخرج عشان زهقانه 
خرجت معاه بعد ما قولت ب ماما و روحنا مطعم طلب اكل وبعدها يمسك ايدي وقالي مش مصدق انك معايا وقتها بصيت قدامي لقيت حازم واقف باصصلي بلوم ومشي وانا قومت وعايزه اروح وراه بس ماهر وقفني 
_ رايحه فين يا قلبي 
_ ها رايحه الحمام 
_ طيب روحي 
روحت ورا حازم بس ملقتوش رجعت وانا زعلانه شكله زعلان بجد قربت على التربيزه لقيت ماهر ماسك الموبيل وبيكلم حد كلام رومانسي قربت منه پغضب
_ انت بتكلم بنات يا ماهر 
بصلي وارتبك _ لا دي واحده زبونه و 
اتعصبت _ متكدبش انت بتكلم بنات وانت خطبني 
مسك ايدي _ متزعليش مني دي فتره وعدت والله انتي عارفه انا بحبك انتي 
نفضت ايدي _ سيب ايدي انا مروحه 
مشيت وحتى هو مجاش ورايا دخلت اوضتي عشان محدش يشوفني وعيطت شكلي