" انا عايز اتقدملك "

ف عنيها..
_ معقوله ي آيات مريتي بكل ده لوحدك طب كنتي قوليلي طيب وانا كنت هسمعك ع الاقل كنتي هونتي ع نفسك شويه... بس معلش صدقيني كل حاجه هتتصلح وانا معاكي و مش هتخلي عنك ابدآ.. بس قوليلي انتي ناويه تعملي ايه دلوقتي..
والله ي جميلة انا نفسي مش عارفه اتصرف ازاي ولا اعمل ايه بس انا اول حاجه لازم أعملها اني ادور علي شغل و اشوفلي حته اقعد فيها بدل ما اترمي ف الشارع..
_لا من ناحيه مكان تقعدي فيه ف انتي هتيجي تقعدي عندي و مش هسمحلك تعارضيني انتي عارفه ان ماما بتحبك اوي و هتزعل لو عرفت انك قاعده ف مكان تاني لوحدك و من ناحيه الشغل يستي ف ايه رايك تيجي تشتغلي معايا ف الكافيه الي انا شغاله فيه هما اصلا طالبين عمال هاا اي رأيك...
انا بجد مش عارفه اشكرك ازاي ي جميله بجد كده كتير اوي علياا بجد شكرا انك موجوده ف حياتي..
طبطبت علي ايدي و قالت..._مفيش حاجه كتيره عليكي ي آيات انتي بجد تستاهلي ان الواحد يتعب عشانك.... بقولك ايه كفايه نكد بقاا ويلا اشربي العصير بتاعك عشان تروحي تلمي هدومك و تيجي عندي..
بصي خليها بكره اكون رتبت اموري برضو وانتي كمان تكوني عرفتي مامتك.. ماشي..
_ماشي ي آيات علي راحتك...
انا هقوم امشي انا بقاا عشان ما اتأخرش...
_ ماشي ي قلبي مع السلامة اول ما توصلي كلميني...
ماشي يلا بااي...!
________________________
وانا ماشيه ف الطريق لقيت حد بيخبط ع ضهري من ورا بتلفت لقيته نفس الطفل الي اداني الورده ف الكافيه قبل كده..
ابتسمت و قولت...انت تاني والله ليك واحشه..!
لقيته بيبتسم و بيديني جواب و لسه هيجري مسكته من ايده... مش هتقولي بقاا مين الي بيديهولك..
_مش هينفع ي طنط عمو قالي انه سر مش هينفع اقولك...
قال الكلمتين دول و جري ابتسمت اوي عليه و ابتسمت اوي وانا بفتح الجواب وانا بقرأ الي مكتوب فيه...
وحشتيني ي اوزعتي نفسي اعرف ايه السبب ورا كل الزعل الي انتي بتحاولي تخابيه ورا ضحكتك الجميله الي بتسحرني دي بس بصراحه مش ضحكتك بس الي سحرتني عيونك كمان الي سحرتني و خلتني مغرم بيهم.. تصبحي على خير يا قطتي...!
فضلت ابص للرساله و اضحك بجد مچنون والله الي بيبعت الرسايل دي فضلت ابص ع الرساله و اضحك كل شويه لحد ما وصلت البيت و لسه هفتح وادخل وقفني صوته...
_ما لسه بدري ي هانم..!
يتبع...
ما لسه بدري ي هانم..!
_احمد انت بتعمل ايه هناا...
ايه جاي ازور عمي ولا ممنوع اني آجي ازوره..!
_لا زوره براحتك عن اذنك عشان داخله اوضتي..
لسه هدخل اوضتي سمعت صوت بابا بيقولي..
_راحه فين يا آيات..
داخله اوضتي ي بابا...
_تمام اعملي حسابك ان كتب كتابك يوم الخميس الجاي انتي وأحمد..
نعمممم انت بتقول ايه لا طبعاا مش موافقه مش هسمحلك تعمل فياا كده..!
_انا قولت الي عندي و كلامي هيتنفذ بالحرف الواحد فاهمه ولا لاااا...!
لا مش فااهمه وانا مش هسمع كلامك بعد كده.. بطل بقااا الي بتعمله فياا ده..!
_اخرسييييي..!
قال كده و لقيته سحبني من شعري وفضل يضرب فياا بۏحشيه كالعاده..
وراح رميني ع الأرض وسابني و دخل اوضته..
هو دخل اوضته من هنا وانا قومت بسرعه دخلت اوضتي و قفلت الباب ورايا واڼهارت وفضلت اعيط...
بس في نفس الوقت قولت اني مش هستسلم واخدت قرار اني لازم اهرب من هنا واني مش هسمحلهم يدمروا حياتي...
فضلت قاعده مكاني لحد ما لقيت الساعه جت 1 واتأكدت انهم ناموا و اخدت شنطه هدومي واتسحبت وخرجت من غير ما حد ياخد باله مني..
فضلت امشي لحد ما وصلت عند بيت جميله وفضلت واقفه تحت العماره بتاعتها محتاره اطلع ولا لا..
لحد ما اخدت نفس و طلعت خبط الباب وشويه ولاقيتها جميله بتفتح الباب..
_آيات مالك فيكي ايه.. ايه الي عمل فيكي كده..
ممكن ادخل بس ي جميلة وهحكيلك ع كل حاجه..
_اه طبعاا اتفضلي يا حبيبتي...
اول ما دخلت لقيت طنط عايده بتاخدني ف حضنها بلهفه وفضلت تطبطب علياا..!
وانا فضلت في حضنهاا شويه لحد ما ارتحت وبعد كده حكيتلها كل حاجه حصلت معايا...
_انا مش عايزاكي تقلقي يا حبيبتي خالص انتي هتقعدي معانا هنااا
ومش عايزه اي اعتراض ويلا بقاا كفياكي بكاا وادخلي مع جميلة يلا عشان ترتاحي..
حاضر ي طنط انا بس عايزه اقولك اني بجد بحبك اوي..!
_وانا كمان بحبك يا حبيبتي والله. يلا ادخلي ارتاحي بقاا شويه..
دخلت الاوضه مع جميلة وغيرت هدومي وجميلة خدتني في حضنهاا وفضلت تطمني ان كل حاجه هتبقي كويسه لحد ما نمت من التعب...
_______________________
صحيت تاني يوم اتوضيت وصليت وفضلت ادعي ربناا انه يقف جمبي وما يسبنيش..
خلصت صلاة ولقيت جميلة بتنده علياا عشان افطر معاهم ولقيت جميلة بتقولي...
_آيات انا كلمت المدير بتاعي في الشغل وقالي انك ممكن تنزلي الشغل معايا من بكره إن شاء الله...
اتكلمت بحببجد يا جميلة انا مش عارفه اشكرك ازاي