" انا عايز اتقدملك "

البيت و اترميت ع السرير و نمت بعمق لأول مره كأن دماغي عايزه ترتاح من التفكير شويه...!
نمت و صحيت الصبح ع صوت زعيق ف البيت خرجت بسرعه من اوضتي ولقيت...!
يتبع...
نمت و صحيت الصبح ع صوت زعيق ف البيت خرجت بسرعه من الاوضه لقيت بابا و ماما بيتخانقوا كالعاده بس المره دي باين عليها غير لاني اول ما خرجت من الاوضه لقيت بابا بيقرب مني و مره واحده لقيت قلم نازل علي وشي من قوته ما قدرتش اقف ووقعت ع الارض...!
لقيته بيتكلم و يقول.._اه ي بنت الكلب انتي انا فعلا شكلي ما عرفتش اربيكي بقاا بتضيعي العريس من ايديكي ي بنت الكلب وانا الي قولت اني اخيرا هرتاح من زنك و قرفك انتي و امك و انا ما كنتش هدفع حاجه خالص بس أعمل ايه مانتي بوز فقر انتي وأمك.... بقولك ايه يا بت قدامك اسبوع تشوفيلك حته تانيه تقعدي فيها عشان انا خلاص قررت اتجوز اة اقولك روحي اقعدي مع امك و جوزها الجديد...!
_لا ي اخوياا انا مش هاخد حد يعيش معايا عايز انت تخليها انت حر ماهي بنتك..!
كل ده و هما كانوا عمالين يتكلموا وانا مش حاسه بحاجه بقيت عماله اقول لنفسي للدرجادي هونت عليهم و هيرموني ف الشارع كل واحد فيهم هيروح يتجوز و ما سألش فيااا طب واناا هعمل ايه معقوله اروح اتحايل ع عبدالرحمن عشان يرضي يتجوزني لا انا مش هعمل كده...
مش عارفه انا جبت منين القوه دي اني اقوم أقف علي رجلي و أقولهم...خلصتواا كلامكوا انتوا بجد مش مكسوفين من نفسكوا بالي انتوا بتعملوه ده بس ماشي ي بابا انا هعمل الي انت عايزه هروح ادورلي ع مكان تاني اعيش فيه يارب بس انت تكون مبسوط عن اذنكوا...!
سبتهم و دخلت اوضتي او الي كانت اوضتي خلاص انا مش هقعد هنا تاني أو اقعد علي سريري و اعيط زي الاول روحت قعدت علي سريري و مسكت الدب بتاعي و قعدت اعيط بحرقه ولأول مره كنت بعيط بصوت لاني فعلا خلاص كنت اڼهارت و جبت آخري من كل حاجه حوالياا...
بطلت عياط و قعدت افكر طب هروح ل مين وانا ما عنديش حد للحظه افتكرت جميلة صاحبتي الي من الكليه اتصلت بيها ولقيتها بترد..
_سلام عليكم اذيك يا آياات وحشتيني أوي كل ده ما بتسأليش..
جميلة انا محتاجاكي اوي..
_مالك ي آيات مال صوتك طب اهدي و تعاليلي ف كافيه.... يلا ي حبيبتي مستنياكي..
ماشي هجيلك دلوقتي مع السلامه..!
قومت غسلت وشي و لبست هدومي و عملت شعري ديل حصان و نزلت قابلت..
_علي فين بس كده ي ست البنات..!
أحمد انت بتعمل ايه هناا..
_ايه بنت عمي و عايز اطمن عليها ده انا حتي سمعت ان ابوكي عايز يطردك من البيت وانا قولت اعمل فيكي خدمه و اتجوزك بدل ما تترمي ف الشارع...
بصيتله بقرف..انا عندي اترمي ف الشارع ولا اني اتجوز واحد زيك..
اوعي تفتكر يا أحمد ان انا ممكن اكون نسيت الي انت عملته فياا انا بكرهك و عمري مل نسيت ف يوم الي انت عملته فياا و علي چثتي انك تلمس مني شعره واحده.... عن اذنك ياا... ياا ابن عمي...!
ماشي ي آياات ان ما خليتك تيجي تتحايلي علياا عشان اتجوزك ما بقاش أحمد..!
الو..
_..
لا هنفذ بس شويه كده استني مني مكالمه..
_... 
تمام مع السلامه..
اما نشوف بقاا يا آياات هترفضيني ازاي بعد الي هيحصل ده...!
4 
مشيت وانا مضايقه اوي و فضلت افكر ف الي حصل زمان معايا وانا ف اولي ثانوي والي بسببه خلاني اكره صنف الرجاله كله و سببلي عقده ف الجواز..
فضلت افكر لحد ما دخلت الكافيه لقيت جميلة قاعده و كان باين عليها انها قلقانه اوي اول ما شافتني لقيتها جريت عليا و خدتني ف حضنهاا وانا بصراحه كاني ما صدقت اني حد يحضني و يطبطب علياا عشان انهار فضلت اعيط و هي تهديني لحد ما هديت شويه و قعدناا...
_آيات ممكن تفهميني بقاا ايه الي حصل وايه سبب عياطك ده وانتي ليه كنتي مختفيه كل ده ولا بتيجي الجامعه و قافله موبايلك اي الي حصل ل كل ده...!
هحكيلك ي جميلة...
حكيتلها كل حاجه حصلت لأني فعلا كنت محتاجه اتكلم مع حد بس مل كنتش لاقيه الي يسمعني بس دلوقتي في جميله و هي مستعده تسمعني غ ليه لا اني افتح قلبي لحد من تاني واتكلم و احكي عن الي جوايا...
بعد ما حكيتلها كل حاجه حصلت من اول قصه حبي مع عبد الرحمن لحد طلاق بابا و ماما و ان كل حد فيهم هيتجوز و يبيعوني لقيت ع ملامحها الصدمه من الي انا بحكيه الي هو معقول في اب و أم يعملوا في بنتهم الوحيده كده والزعل الي هو انا ازاي قادره استحمل كل ده... 
لقيتها بتكلم و الدموع