" انا عايز اتقدملك "

انا عايز اتقدملك
المفروض ان اي بنت بتسمع الكلمه دي من الشخص الي بتحبه بتفرح الا انا الكلمه نزلت عليا زي الصدمه اول ما سمعت الكلمه دي جالي ديق تنفس و مر قدامي شريط حياتي كله الي هو ازاي اتجوز وانا عندي عقده من الجواز اساسا..!
لا مستحيل اتجوز و اعيش في نفس المعاناه دي من تاني..!
هو ده الكلام الي اقنعت بيه نفسي واخدت القرار ع انه ده القرار الصح..

_مالك ي آيات من ساعه ما قولتلك اني عايز اتقدملك وانتي ساكته ما بترديش..
هااا لا مفيش حاجه ي عبدالرحمن انا بس سرحت شويه..
_طب ايه مش هتقوليلي رأيك..!
فضلت ساكته و متردده شويه مش عارفه اقوله ايه او اواجهه ازاي..
عبدالرحمن انا آسفه بس انا مش مستعده لفكره الجواز دي دلوقتي لسه محتاجه وقت كفايه..!
لقيته اتكلم بعصبيه و تفاجئ.._وقت كل ده و لسه محتاجه وقت آيات احنا نعرف بعض بقالنا اكتر من ٥ سنين و كل ده و لسه بتقولي عايزه وقت..!آيات هو انتي مش بتحبيني زي ما بحبك..
الدموع اتملت ف عيني و سكت ما عرفتش اقوله ايه اقوله ان خاېفه من فكره الجواز نفسها مش خاېفه منه هو اقوله ان انا بحبه اوي بس بسبب الخۏف الي عندي هو الي مانعني عنه ومن الفكره دي كلهاا..
هو بۏجع.._ايه هتفضلي ساكته كده كتير للدرجه دي السؤال بتاعي صعب مش عارفه تردي عليه..!
انا بدموععبدالرحمن انا والله بحبك بس عشان خاطري اجل فكره الجواز دي دلوقتي..
اتكلم بعصبيه_لا يا آياات مش هاجلها لاني مش هقدر انك تبقي قدامي و مش عارف اكلم معاكي كويس ولا انك ما تبقي ملكي و في حضني لا مش هقدر..! انا ماشي ي آيات و لما تاخدي القرار بلغيني سلام..!
مشي و سابني مشي من غير ما يسألني حتي انا موجوعه ولا لا و ايه سبب رفضي الحقيقي لفكره الجواز..
عدي اسبوع وانا معرفش عنه حاجه ولا هو كمان ما قدرتش اكلمه او حتي اسأله هو عامل ايه..!
كل ده وانا بفكر و سرحانه لغايه ما لقيت ماما داخله علياا الاوضه..
آياات.
_نعم ي ماما في حاجه..
قومي البسي يلا عشان هنروح عند خالتك نباركلها..
_ نباركلها علي ايه ي ماما..!
اصل عبدالرحمن ابن خالتك هيخطب....!
يتبع..
اصل عبدالرحمن ابن خالتك هيخطب..!
كلمه نزلت عليا زي الصدمه اول ما سمعت الكلام ده بقيت مش مستوعبه اي حاجه ولا حاسه بدموعي الي مغرقه وشي ما جاش ف بالي ساعتها غير انه خلاص ضاع من ايدي و للابد..
ما فوقتش غير ع صوت ماما وهي بتتريق علياا كالعاده و بتقولي الكلام السم الي دايما بتقولهولي زي ان مفيش حد هيحبني وانها مش عارفه هو كان بيحبني علي ايه و الكلام ده..
اخدت قرار و قومت لبست هدومي وروحت مع ماما عند خالتو.. روحنا عند خالتو واول ما دخلنا وانا عماله ادور عليه بعيني عايزه اشوفه نفسي اسمع صوته لان حاسه انها هتبقي آخر مره...
وبعد مده جه من بره و سلم علي ماما و جه عشان يسلم علياا وهو باين عليه انه مضايق وموجوع من حاجه..
ازيك يا آيات..!
_الله يسلمك.....مبروووك!
الله يبارك فيكي... عقبالك!
_عبد الرحمن احنا لازم نتكلم لو سمحت تعالي نخرج نقعد نتكلم مع بعض شويه..!
تمام يا آيات اتفضلي..!
روحنا انا وهو قعدنا ف كافيه و من اول ما قعدنا و احنا الاتنين ساكتين لا انا عارفه اكلم اقول ايه ولا ابدأ ازاي لحد ما اخدت نفس و اتكلمت...
_عبد الرحمن هو انت فعلا مرتاح للقرار الي انت واخده ده معقوله هتروح تتجوز تتجوز و تسيبني..!
اتنهد و قال ما كنت قدامك يا آيات وعمال اتحايل عليكي اننا نتجوز وانتي الي دايما بترفضي فكره الجواز دي وانا من حقي اني احب و اتجوز....بس يا آيات انا برضو ممكن افشكل الموضوع بتاع الخطوبه ده بس انتي توافقي و نتجوز هااا قولتي ايه...!
انا بدموعآسفه مش هقدر اني اتجوزك ي عبدالرحمن انا مش مستعده لفكره الجواز انا آسفه..!
اتكلم بانفعال و عصبيه يعني ده آخر كلام عندك...!
_......!
ماشي يا آيات براحتك انتي الي اختارتي انك تخسريني..!
ومشي و سابني للمره المليون بس عادي ما جتش عليه ما كل الي ف حياتي بيمشوا قعدت اعيط وانا مش عارفه اعمل ايه لحد ما لقيت ايد بطبطب عليااا.. بصيت جمبي لقيت طفل صغير على وشه ابتسامه جميلة شبهه لقيته بيبتسم و يقولي...
اتفضلي يا طنط انا في حد اداني الورده دي و قالي أديهالك وبيقولك أمسحي دموعك و اتفضلي الورده لأحلي ورده..!
لسه هتكلم واسأله مين الي اداله الورده لقيته مشي و جري من قدامي قعدت ادور بعيني ع اي حد في الكافيه يكون مركز معايا و شافني وانا بعيط بس مالقتش حد اخدت الورده وفضلت اشم فيهاا طول الطريق وانا ماشيه وقد ايه كنت مبسوطه ان في حد عايز يفرحني ولو بحاجه بسيطه زي دي..
دخلت