التمن ولادى بقلم مشيره محمد

عايزه كدا بس ادعيلى اقدر
هدى بلهفه لا ياشادى انا ما اقصدش كدا وكمان انا ما اقدرش ابعد عنك وبثق فيك اكتر من نفسى كمان
شادى بجد ياهدى بتثقى فيا 
هدى اوى يا شادى انت اكتر حد حنين عليا وبتتحمل رغى وتسمعنى وعمرك ما تفهت من كلامى
شادى بخبث طيب انا ليا طلب عندك ممكن 
هدى ياخبر ممكن طبعا
شادى بلاش تتكلمى مع صاحبتك عننا خلى حبنا لينا احنا وبس ما حدش يعرف عننا حاجه علشان ماحدش هيحس
بمشاعرنا دى غيرنا وكمان انا اخاڤ عليكى وعلى سمعتك  
هدى بفرحه بكلام حاضر ياشادى هعمل كدا انا كنت مقرره ده فعلا 
شادى بتمثيل بحبك
هدى وانا كمان
هدى شادى انا هنام بقا علشان عندى دروس بدرى
شادى وتسبينى دا انا سايب مذاكرتى وصحابى والدنيا كلها علشان اتفرغلك واتكلم معاكى
هدى برجاء طيب انهرده بس وهعوضهالك ياحبيبى
شادى موافق بس بشرط لو وافقتى عليه هسيبك تنامى
شرط ايه
نتقابل بكره لوحدنا انا وانتى وبس محتاج اشبع منك يا هدى محتاج اتكلم معاكى محتاج اسمعك
هدى ياشادى لو حد شافنا او حد من صحابي عرفنا هعمل ايه انا بالعافيه اقنعت سهيله ما تقولش لماما وكمان وعدتها اننا مانتقابلش لوحدنا  
شادى بمحايله ياحبيبتى ماتقلقيش هنروح مكان ماحدش يعرفنا فيه انا و انتى وبس الا لو انتى مش واثقه فيا
هدى اوعى تقول كدا انا بحبك ياشادى وعارفه انك بتحبنى وواثقه فيك
شادى يبقى تعملى اللى بقولك عليه وماتزعلنيش منك وتحرمينا من بعض 
فعلا هدى وافقت و حدد شادى المعاد والمكان وقرر انه لازم يطولها باى شكل ما هو مفيش حد هيحاسبه اهلها مش فاضين ليها ولا هو كمان حد فاضيله من وقت ماسافرت امه لابوه بحجه انه لواحده انما هو كبر وبقى فى الثانوى ويقدر يعتمد على نفسه 
شادى كمان كان عنده حب تملك كل حاجه كان بيعوزها بتجيله كتعويض عن غيابهم
ودلوقتى هو عايز هدى ف هياخدها هياخدها!!
الصبح سهيله اتصلت بهدى علشان ينزلوا وفعلا نزلو بس هدى دماغها بتفكر ازاى هتعرف تزوغ من سهيله من غير مشاكل معاهاويدوب وصلوا السنتر 
هدى ادخلى انتى ياسهيله هوصل الصيدليه دى واروح الحمام واحصلك
سهيله ده وقته يابنتى المستر خلاص هيبدأ 
يعنى هو بايدى يا سهيله مش عامله حسابى
سهيله بزهق اتفضلى وماتتأخريش هحجزلك جنبى
طلعت هدى وعلى بعد من مكان السنتر قربت من شادى اللى كان مستنيها
شادى اتأخرتى عليا اوى
هدى معلش بس والنبى ياشادى نرجع فى معاد نهاية الحصه ويارب سهيله ما تعمليش سين وجيم
حاضر يا حبيبتى يلا بينا
ركبت جنبه فى العربيه وهى حاسه انها طايره كانت اسيره واتحررت
هدى هتودينى فين
شادى نروح مكان نستغل فيه الوقت الضيق ده عايز اشبع منك
هدى ايوه فين يعنى 
شادى عندى
هدى عندك فين 
شادى شقتى
هدى پحده لا ياشادى نزلنى شقتك لا نزلنى
شادى بضيق طيب طيب خلاص زى ماتحبى خلينا طيب نروح اى كافيه علشان نلحق نقعد شويه و نرجع ولو حابه نرجع من دلوقتى تمام 
هدى ياشادى افهمني وجودى انا وانت فى مكان واحد مقفول علينا غلط
وقفوا قدام كافيه من غير مايرد عليها وابتدى يدور فى جيوبه على حاجه وينفخ وشكله اتعصب  
هدى فى ايه بدور على ايه 
شادى محفظتى مش لاقيها مش عارف وقعت ولا نستها اصلا هو اليوم باين من اوله
هدى طيب