التمن ولادى بقلم مشيره محمد

عارفه ان لولا تصميم بابا انى اكمل تعليمى كنتى خرجتينى من المدرسه من زمان فاكره فاكره لما كلمتيه بعد نتيجة الاعداديه وفضلتى تزنى عليه علشان تجوزينى ابن اختك وتضيعى مستقبلى ولولا صعبت عليه كان سمع كلامك 
بس انا من هنا ورايح
هعمل اللى انا بحبه وعايزاه وهكمل تعليمى للاخر وهتصل ببابا يا اما يجى ويبطل سفر يا اما ياخدنى معاه علشان ارتاح من ظلمك ليا  
دخلت اوضتها ورزعت الباب وابتدت ټعيط على حالها وعلى القسۏه اللي بتشوفها من امها و اللى مفروض انها تكون مصدر الحنان والامان ليها 
ويمكن ده اللى خلاها مع اول فرصه ابتدت تدور علي الحنيه دى بره البيت ده البيت اللى لا فيه اب موجود يوجه ولا ام حنينه تسمع وتطبطب وعندها الصبيان بس هما الاحق بحنانها 
نروح لمكان تانى غريب شويه عشه كدا زى ما بيقولوا عليها كان متجمع فيها ثلاث شباب منهم اتنين تقريبا غايبين عن الوعى تماما وكل واحد فيهم مغيب بطريقه شكل وحسب النوع اللى تعاطاه من الممنوعات اللى موجوده قدامهم  
دخل شادى والله عيب عليكم بتض ربوا من غيرى يا اندال
رامى اهلا يابرنس اخيرا حنيت علينا غطسان فين بقالك يومين يا جدع انت اوعى تكون بتض رب لوحدك وجاي تغنى علينا 
شادى وهو الكيف يحلى من غير اللمه دى ياشباب
مروان بغمزه بس الكيف الجديد بتاعك محتاج تظبيط والتظبيط مش محتاج لمه عايز دماغ رايقه ومزاج عالى وهدوء بعيد عن الغجر دول
شادى وهو بياخد السېجاره من مراون هات بقا الكيف مناوله مش مقاولهاخد نفس طويل منها وغمض عينه باستمتاع
حلوه التعميره دى اوى يا مروان لفلى سېجاره ياحمد بدل ما انت ساكت كدا وقالب وشك زى الست النكديه كدا  
احمد فعلا ابتدى يلفلهم السجاير فى سكات و الغريب انه مابيشربش معاهم ولا عمره اتعاطى اى حاجه تغضب ربنا من ممنوعات او مسكرات من اللى اصحابه ڠرقانه فيها ليل ونهار
احمد بص لشادى وقال ابعد عن السكه دى ياشادى بلاش هتندم صدقنى
شادى وانا ماغصبتش حد ولا ضړبت حد على ايده كله بالحب وبالمزاج
رامى بصراحه يااحمد البت واقعه واقعه يعنى وسهله 
مروان بضحك لا وكريمه الصراحه مش حارمه شادى من اى حاجه كل طلباته مجابه 
احمد وقف مره واحده ورمى اللى ف ايده واناقولت سكة البنات والاعراض لاء لاء
ولو صممت يا شادى انا اللى هقفلك
شادى بعصبيه انت ايه دخلك انت ياجدع هى كانت من بقيه اهلك طيب اخرك اعمله وان كنت ناسى انت ايه فى الشله دى افكرك انت دلدول الشله دى مش الناصح بتاعها تكتبلنا محاضرات تعملنا ملخصات تحل شيتات بالنيابه عننا تلفلنا سجارتين وشيال كمان وقت مانحتاج و تعمل الى بينطلب منك وبس قصاد ده كتبك ومصاريف جامعتك ومصاريفك احنا بندفعهالك يعنى ماتجيش تعمل واصى علينا انت فاهم ولا لاء
احمد اټصدم من كلامه بس هى دى الحقيقه هو لا شكلهم ولا منهم اصلا ولولا الظروف اللى جمعت بيهم كان عمر ما هيكون دول اصحابه بس استجمع قوته وقرب منه وحط عينه فى عين شادى وقال انت صح بس اسمع انت وهما بقا الكلمتين دول من غيرى انتم ماتساوش ومن غير ملخصاتى ومحضراتى اللى بتقول عنها دى ماحدش فيكم هيعدى وهتفضلوا محلك سر يعنى انت محتاجنى انت وهما اكتر من احتياجى ليكم ومافيش حاجه ببلاش يعنى اللى باخذه