التمن ولادى بقلم مشيره محمد

صاحبه اللى ما نطقش بكلمه وشادى كان متغاظ اوى من سهيله اللى ضيعت عليه مخططه كله اللى كان مرتبله 
فلاش باك
فى شقه شيك جدا واضح
ان اصحابها مستواهم كويس كان قاعد
فاتح الموبيل وبيقلب فى الصور فتح علبة السجاير وول ع منها واحده و هو مكمل فرجه عالصور وشيطانه مسيطر عليه وابتدى يخطط للى هيعمله 
سمع تيلفونه بيرن فرد عليه  
شادى ېخرب عقلك ياريتنى كنت فكرت فى مليون جنيه كانت اتحققت
مروان انا احسن من مليار جنيه ياجدع بس ايه للدرجه دى بتحبنى علشان تفكر فيا
شادي طيب اسمعنى بقا وبطل رغى عايزك فى مصلحه على مزاجك 
مروان عينى ياكبير قول  
شادى لوبعتلك كام صوره كدا تظبطهم على مزاحك تخلصهم امتى
مروان وقتى يامعلم بس قولى دول تبع البت اياها عرفت تجيب رجلها ولا ايه 
شادى عيب عليك تسال سؤال زى ده وحياتك بكره هتكون عندى 
مروان ياابن اللعيبه حلال عليك يا معلم  
شادى اقفل يلا وهبعتلك الصور عايز شغل على نضيف
باااااااك 
رجع شادى وهو هيتجنن من سهيله اللى بوظت كل مخطاطه وضيعت عليه وقت كان بيرتبله من وقت ما وقع هدى فى شباكه وقرر ان لازم ينوبها من اذيته جانب 
فى بيت سهيله 
سميحه ايه اللى رجعك مش قولتى عندك امتحانات شهريه ولازم تروحى المدرسه عشانها
سهيله بارتباك مش الاسبوع ده ياماما انا اتلخبط ونسيت 
سميحه والله ماعارفه مدارس ايه اللى بتروحوها بمزاكم دى على ايامنا المدارس كان ليها هيبه زى الجيش بالظبط لكن دلوقتى اتقلب حالها 
سهيله ياماما هو يعنى بمزاجنا ماهو مفيش مدرسين بيدرسو بضمير الا من رحم ربى المدرس من دول يقولك اوفر تعبى وشرحى درس اولى على الاقل فيه فلوس يا ماما يا حبيبتى دول بيحطوا مواعيد الدروس فى مواعيد المدرسه عينى عينك كدا
سميحه بقلة حيله الله يكون فى عونكم ياحبيبتى وينجحكم يلا ادخلى غيرى هدومك واقعدى ذاكرى وانا هدخل اجهز الغدا  
دخلت سهيله اوضتها ومش عارفه تعمل ايه ياترى تقول لمامتها ولا تحافظ على سر صحبتها بس لو سكتت ياترى الموضوع هيوصل لفين
فى بيت هدى 
هدى سلامو عليكم
هويدا ام هدى وعليكم يا اختى نزلتى فى ايه وجايه فى ايه ولا هو تنطيط ومصاريف وخلاص 
هدى پخوف كنا فاكرين ان فى امتحانات شهريه ومالقيناش يا ماما وبعدين يعنى هو انا كنت لوحدى
سهيلة كانت معايا
هوايدا اهو انا مش خاېفه غير من لمتك على ست سهيله دى كل حاجه رايحه لسهيله وجايه من عند سهيله انجرى غيرى هدومك وتعالى شوفى شغل البيت واعملى الغدا انا اتهديت من الغسيل واللف فى البيت طول النهار
هدى بزهق ياماما انا ورايا مذاكره حرام عليكى ونهار ايه بس احنا لسه فى اوله انا مش عارفه اذاكر ولا امسك كتاب فى البيت ده ولولا الدروس اللى بروحها ماكنتش عرفت حاجه عن اللى انا بدرسه  
هويدا وهو انتى بتفوتى حصه واحده مانتى رايحه جايه طول اليوم يبقى كفايه عليكى كدا انا مش عارفه كان فيها ايه لو كنتى اتجوزتى ووفرنا فلوس تعليمك لاخوتك الصبيان لاء وايه كمان ثانويه عامه وۏجع قلب  
هدى اتخنقت بالدموع انا نفسى افهم هو انا مش بنتك زيهم ليه بتفرقى بينا كدا ليا الحنيه ليهم والقسۏه ليا ليه الراحه ليهم والتعب ليا ليه الاهتمام ليهم والاهمال ليا ليه ديما كل حاجه ليهم وخساره فيا ليه دايما غلطهم صح واى حاجه بعملها انا غلط 
صوتها عياطها وشهقتها على وكملت انا