التمن ولادى بقلم مشيره محمد

التمن ولادى
مشيره محمد
بسم الله توكلت على الله ولا حول ولاقوة الابالله
بتبدأ حكايتنا بصداقه حقيقيه بين بنتين اصحاب من وهما صغيرين ولحد دلوقتى واهو اصبحوا فى الثانوى ومتفقين يكملوا للاخر سوا رغم اختلاف ظروفهم وظروف اهلهم 
اخلصى ياسهيله هنتاخر سنه بتلبسى بتخترعى الذره دى مدرسه ياماما مش سهره
نزلت سهيله وهى بتكمل لبس على السلم ومتكركبه كالعاده

سهيله احمدى ربنا ياهدى انى وافقتك وروحت معاكى المدرسه وبعدين يالمضه انا متاخره علشان نايمه متاخر كان عندى مذاكره كتير انتى ناسيه اننا فى ثانويه عامه  
هدى يا ستى الحمد لله وبلاش تفكرينى بالثانويه زفت
وبعدين اللى يسمعك ياسهيله يقول انى هوديكى ديسكو دى مدرسه يا اختى يعنى طلب العلم هههه
هدى يابت انتى هتعمليهم عليا من امتى وانتى دحيحه يااختى وهمك طلب العلم وبعدين هو فى حد بيروح مدارس اصلا احنا يدوب بنقدر نوفق بين مواعيد الحصص فى السنتر وبين المذاكره وياريت الوقت بيكفى قال علم قال اتوكسى يابت دا انتى فاشله بجداره 
سهيله بتريقه فعلا الصاحب الداعم رزق امشى امشى وبطلى رغى ياختى اخرتينا 
سهيله وهدى كانوا وصلو لنص الطريق و اللى وقفت عربيه فجاه شيك جدا قريب منهم و نزل منها شاب وسيم جذاب وقرب منهم بابتسامه مرسومه على وشه 
فى نفس الوقت اللى سهيله وقفت عن المشى فجأه بسبب ان هدى مسكت دراعها توقفها 
سهيله اييييه يابنتى بتشدينى كدا ليه ياست المستعجله
هدى اصبرى بس الله ايه بتجرى كدا 
كانت هدى عينها على الشاب اللى نزل من العربيه فهدى بالتالى بصت ناحية ما بتبص سهيله ولقيت الشاب بيقرب منهم وقال  
صباح الخير على اجمل بنات  
هدى بهيام صباح الخير يا شادى
سهيله استغربت الموقف وشكل هدى واتريقت وبحركه كوميديه قالت صباح الخير ياشادى!!!! 
و بعصبيه ودا يطلع مين ان شاء الله ياست هدى 
هدى بسهوكه وهى بتبص لشادى  
دا شادى ياسهيله
سهيله بتمثيل وتريقه دا هااانى يا سهيله وكملت بعصبيه والمفروض اعرفه انا بقا صح بت انتى 
هو ده اللى خلتينا ننزل المدرسه علشان تشوفيه انطقى
شادى بابتسامه مستفزه اهدى شويه يا انسه مالك مټعصبه ليه كدا لو ماتعرفنيش نتعرف عادى يعنى فكى كدا خليكى كول
سهيله اجرى ياشاطر من هنا وخد صاحبك معاك احسن اخلى اللى مايشترى بتفرج عليكم عالصبح
شادى بصلها بغل ورجع بص لهدى ماتتكلمى ياهدى وشوفى صحبتك عرفيها انى هنا بمزاجك مش جاى اخطفك ولا مغصوبه انك تقابلينى  
هدى اهدى بقا ياسهيله وتعالى هنتفسح شويه ونفك عن نفسنا بدل خنقت المدرسه والمذاكره ونرجع فى معاد المدرسه عادى يعنى مش هياكلنا ولا عجبك الحپسه اللى احنا فيها من الدروس للبيت ومن البيت للدوس 
سهيله بت انتى اتجننتى ولا جرى لمخك حاجه من امتى احنا لينا فى العبط ده ولا لينا فى الهبل دهمن امتى لينا علاقه بشباب يا هدى يلا
اتفضلى امشى قدامى
شادى اتدخل بينهم بقولك ايه يا انسه هدى اعضائك شويه و
لو مش عاجبك اتفضلى انتى ومالكيش دعوة بهدى هى مش صغيره ولا انتى ولي امرها 
سهيله اتجاهلت كلامه وبصت لهدى  
اتفضلى ياهانم والا والله همشى من هنا على بيتكم وهقول لطنط على كل حاجه  
هدى پخوف خلاص جايه جايه 
وبصت لشادى معلش ياشادى انا اسفه والله حقك عليا 
شادى خلاص ياهدى روحى وعرفى صحبتك انى بحبك ومش عايز منك حاجه وبص لسهيله بغيظ وكمل ولا احب ان حد يزعلك 
كل ده تحت انظار