سكربت بقلم ياسمين الكيلاني

اللي ف الاخر اختارت غلط 
ولانك افتكرت إن حبك للشخص وتمسكك بيه هو اجمل حاجه حصلتلك وتجنبت كل مبادئ الحب! 
ساعتها الحب هيڪون لك أكبر عائق ل حياتك 
صحيت من النوم وهي سامعه دوشه بره مكنتش حبه تخرج لولا اصرار والدتها انها لازم تخرج وتفك شويه عن نفسها 
خرجت لقت مرات عمها وامها بيضحكوا وشافت طفل صغير جميل بيشدها ف افتكرت ابنها اللي ما ت قبل حتي ما يجي الدنيا 
اهلا اهلا ست الحسن بنفسها قررت انها تسلم!! 
انتبهت للصوت من صډمتها ولفت وشها 
ابتسمت تلقائي اول ما شافته لأنه دايما بيناديها ب اللقب دا ف عرفت علي طول مين صاحب الصوت 
عمر!! أنت هنا اي جابك ! 
شوفتي يا مرات عمي بنتك مش مرحبه حته بوجودي عموما انا جيت اسأل عشان متقوليش بس مسألتش وتكشري ذي عوايدك  
اتكلمت باندفاع وعصبيه شويه لأنه دايما بيغلس عليها
والله ما اتغيرت لسه ذي ما انت غلس يا عمر  
ضحك جامد بعدين ابتسم واتكلم بحب
وانت لسه ذي ما انت يا شهد البت الحلوه الصغيره ولسه ست الحسن حتي بعد ما اتجوزتي  
افتكرت اللي حصلها وحست بنغزه ف قلبها بعد السنين دي رجعت تبكي تاني ورجعت ل مكانها القديم 
حس أنه قال حاجه غلط خصوصا بعد ما هي استاذنت ودخلت الاوضة من تاني 
استغرب جدا ودفعه فضوله يعرف ف اي 
واي سبب زيارتها هنا واي سبب كل الدموع دي 
بعد شويه استاذن ودخل الاوضه وقعد جمبها بهدوء واتكلم بحنان ولطف عشان ينسيها كل حاجه حصلت ويهون عنها شويه
فكره لما كنت بتزعلي مني وانت صغيره كنت بتجري دايما عليا وتمسكي فيا عشان تاخدي حقك مني!  
انهارده بتجري مني عشان متاخديش حقك! 
انهارده كل حاجه اختلفت وبقيتي مش قادره تواجهي ذي زمان ! 
تعرفي يا شهد ! 
بصتله بدموع وسكوت طول الوقت ف كمل بهدوء 
انا طول الغربه اللي عشتها بره دي كنت حاسس بالوحده! مش عشان بعيد عن اهلي ومتغرب لا! 
عشان اللي حبيته بعد عني من زمان واتغرب! 
انا عملت ذيك اول ما وجهتني ظروف صعبه مشيت وسافرت بحجة إني اكون نفسي وطموحي وكل كلام الهبل دا!! 
لكن الحقيقه إني كنت به رب ذيك  
بس بعدين فهمت إن الهروب مش الحل ولا حياتنا هتقف علي شخص احنا بنحبه!! 
الحياة ابسط من كده بكتير لازم تواجهي مشاكلك وتتخطي كل حاجه حصلتلك حلوه أو مره!! 
اتكلمت بدموع محپوسه وقلب مكسور
ازاي!! 
ابتسم بهدوء وكأن ابتسامته بتحي فيها الامل من تاني 
تشتغلي وتحققي كل اللي كان نفسك فيه 
اشتغل!! اللي كان صعب زمان هيبقي سهل دلوقتي!! دي اوهام  
لا دي حقيقة مش كان نفسك تشتغلي ف شركة كبيرة وتبقي رقم واحد فيها!! خلاص يا ستي طلبك ينفذ ويطاع غمضي عينك  
حاسة انها مش فاهمة حاجة ف اتكلمت بخ نقة 
عمر انت جاي تهزر وانا مش نقصه قوم من جنبي  
غمضي عينك بس واحلمي ! 
غمضت عنيها بعد اصراره ف اتكلم بهدوء وابتسامه 
فتحي بقا كده  
فتحت لقته ماسك كارت كبير ادهولها بهدوء تقرائه ف ابتسمت تلقائيا من فرحتها
أنت انت بتتكلم جد !!! 
رد هو متصنع الغرور بهزار
اومال يا بنتي انت فكراني اي