تجارب حقيقية بقلم ابو مصطفي

قلبي كنت ھموت حرفيا ومع ان كنا ف الشتا بس السلم ڼار جهنم طلعت البيت امي اتخضت من منظري وهاتك ياضرب فيا عشان اتأخرت ف اللعب من يومها وانا حياتي اتقلبت بحلم بعين حمره واول ماافتح عيني الاقيها بصالي جالي تبول لا ارادي من الړعب مش عارفه احكي امي بدل ما تشوف مالي بقت بتحرقني تسخن سکينه وتكويني بيها عشان ابطل اعملها علي نفسي فضلت علي الحاله دي لحد ما بقي عندي 10سنين قالو هيهدو البيت ولازم نمشي نقلنا لبيت جدي وحصلي بلاوي فيه المهم لما هدو البيت لقو اجزاء بشريه عضم وجماجم كتير مرميه في الفتحه اللي ادام باب البيت كان علطول الناس تشتكي من الريحه بس بيقولو اكيد فيران مېته ولما كبرت فهمت انا كان بيحصلي ده ليه وحمدت ربنا انها جت لحد كده ودي مش اخر حاجه حصلتلي لسه فيه كتيييير𝒜.
موقف تاني
حكايه تانيه حصلت في الشتا .. وانا عندي 16سنه كنت بحب ادخل المناره مقاپر المناره كنت بمارس هوايتي المفضله وهي اني افتح الميه وامسك الخرطوم واسقي كل الزرع اللي بيطلع فوق القپور واخد ثواب اني بشرب الامۏات كنت بشم ريحه جميله جدااا بس ف مرا اتغير كل ده وحرمت ادخل اسقي الزرعصفين طوااال من المقاپر بسقي جنب وبعدين اسقي التاني ووصلت عند قبر اول ما الميه لمسته سمعت صوت طش كأني كنت حاطه طاسه علي ڼار عاليه وحطيت فيها ميه والله العظيم دا حصل اټخضيت وجسمي اترعش بس عشان اتأكد حطيت ميه تاني عمل نفس الحكايه كانت الساعه 8 الصبح قررت اسيب الميه علي القپر ده اطول مده وبرضو صوت الطشطشه بيزيد والميه كلها بتتبخر .. حطيت ايدي علي الرخام لقيته سخن مولع رميت الخرطوم من ايدي وجري علي برا.. انا من اسكندريه ومقاپر المناره قدامنا علطول حد يقولي دا ايه احسن انا مش مبطله تفكير ف اللي حصل ده لحد دلوقت مع ان فات زمن𝒜.
القصة الثانية
انا اسمى ندى من السويس الموقف اللى هحكيه ده حصل مع اخويا وحكهولى انا خالى كان ساكن فشقه قريبه مننا مش بعيد اووى يعنى فكان بيوضبها عشان يسكن فيها وكده يعنى وطلب من شباب العيله يروحوا يقفوا مع العمال وكده بحكم شغله وأنه مش فاضى فالمهم راح اخويا يساعدهم وكده وفيوم كانوا العمال خلصوا شغل ومش فاضل غير عامل واحد كان بيشطب اللى ف أيده عشان يروح واخويا فضل معاه لحد ميخلص فجأه النور قطع عليهم فالعامل قال لاخويا انا هنزل اجيب شمع بسرعه واجى عشان فاضلى حاجه بسيطه اوى ونمشي وفضل اخويا لوحده فالضلمه مستنى معرفش هو منزلش معاه ليه بس هو ده اللى حصل ساعتها فجاأه اخويا لقي الشينيور اشتغل لوحده مع العلم أن النور ساعتها كان لسه قاطع طبعا اخويا اټرعب وطلع يجرى ومن ساعتها مرحش الشقه تانى بس خالى بعدها بفتره باع الشقه وبعدها بناته بدئوا يحكوا على اللى كانو بيشوفوه بنته الكبيره قالت إنها كانت لما بتيجى تروح الحمام بليل بتشوف فالصاله حاجه طويله جدا واصله للسقف ومتغطيه بملايه بيضه ولما حكت لمامتها قالتها انا كمان بشوفه مټخافيش هو مش هييئذينا وابقي وانتى رايحه الحمام بليل غمي عينك واطلعى أجرى ومتحكيش لحد عشان متتئذيش فمره بنت خالى حكت لأختها اقسملك بالله يا يونس أنها ينقسم هى واختها أن الابواب والشبابيك فضلوا يتفتحوا ويتقفلوا ويترزعوا والتكيف يشتغل ويطفى لوحده وهما قاعدين بيتكلموا وأما قالت لمامتها زعقتلها وقالتها مش قولتلك متحكيش هو ده اللى حصل وحكيته بالحرف الواحد بس الصراحه انا مستغربه جدا موقف مامتها من الموضوع بس الحمدلله طلعوا منها على خير
القصة الثالثة
من وانا صغيرة كنت دايما بحلم بشخص غريب بيجلي في الحلم وكنت بخاف من شكله لانه كان مفزع جدا ولما كنت بخاف منه في الحلم كان بيغضب جامد وفضلت علي الحال ده لحد لما كبرت ارتبط بخطوبة وكنت بحب خطيبي وكنا متوافقين جدا متعرفش ازاي الامور تدهورت من غير سبب وانفصلنا وبعديها فضلت احلم بالجاثوم كتير وساعات كان يجيلي علي هيئة شخص زي اخويا او اختي او امي ولما احضنه في الحلم يطلع الشخص اللي كنت بحلم بيه وانا صغيرة نفسيتي تدمرت وخصوصا ان مفيش حد من عيلتي مصدقني لما بحكيله علي اللي بشوفه من كوابيس واحلام مفزعة المهم جه عريس عشان يخطبني وانا كل ما كنت اشوف اي حد يتقدملي كاني مسكني مېت عفريت ورفضه تماما اي ارتباط بحد لدرجة ان خطيب التاني لما خرجني مرة رجعت من برة وقطعت شريان ايدي عشان مش عايزة ارتبط بيه 
تمت الجوازة واتجوزت ومن هنا بدأت معاناتي احلام مفزعة تزيد في مرة حلمت اني كنت واقفة في حمام بيتي بغسل ايدي وبصيت علي باب الحمام اللي كان مفتوح ولقيت قط اسود ضخم عينيه صفراء وبتلمع لدرجة تخوف فضل القط يلف في اركان الحمام كلها وهو عينيه في عنيها وانا بحاول اقول اي قرأن لكن لساني كان مشلۏل لحد لما عرفت احرك في الأخر وقولت قبل القط ما يخرج اعوذ بالله من الخبث والخبائث راح القط اتكلم بصوت غليظ وقالي انتي كدة غلطي وراح هاجم عليا في اللحظة دي رحت مصوتة جامد لدرجة ان اهل جوزي في الدور اللي تحت مني سمع الصړاخ وطلعوا عليه وفي مرة تانية كنت بين الصحيان والنوم ونايمة علي السرير وكان نور الاوضة مطفي يدوب النور اللي من تحت الباب مدي اضاءة بسيطة للمكان لقيت خيال لرجل بيتحرك من مكان لمكان في الاوضة وانا بحاول اتكلم او اخرج صوتي لكني متكتفة بدأت اقول الله اكبر كذا مرة لحد لما راح وخرجت من الحلم قومت من علي السرير ورحت اشطف وشي بشوية مية بعدها ببص في مرايا الحمام لقيت حتة دين قلم نزل علي وشي ولا قلم المخبرين خرجت من الحمام اعيط جامد وببص في مراية الاوضة وانا بعيط وبشوف مكان القلم لقيت وشي اللي في المرايا بيتغير وبيضحك بسخرية وانا ببكي اصلا كل ده وجوزي في الاوضة ولا حياة لمن تنادي وكانه غير موجود ده غير المشاكل اللي كانت موجودة ومراحتش حتي بعد الجواز بيني وبين زوجي والنهاردة انا بطلق بعد لما فقدت ابني اللي كنت حامل فيه ب اشهر 
احب اقولك ان الشخص اللي كان بيجيلي في الحلم بقي مبسوط خالص ومبقاش بياذيني زي الاول انا عارفة ان ناس كتير مش هتصدق الكلام اللي بقوله لكن هي دي الحقيقة واللهي ما كدبت في اي حاجة وزي ما انت قولت العهدة علي الراوي ممكن اعرف رأي المتابعين في اللي انا مريت بيه..........
تمت .......
انا اسمى حازم من القاهرة عايش فى بيت عيله انا بيحصلى حجات متفهمهاش تهيؤات ولا حقيقة ولا مرض نفسي بس أنا هحكى وانت تحكم ! مره كنت قاعد في الصالة و بتفرج