رواية سر حمايا وزوجي كاملة بقلم الكاتب حسن الشرقاوي

الفتحه دي
ماكانش في حل تاني غير إني أطلب منه يساعدني وبالرغم من الخۏف إلي زوده بداخل قلبي بكلامه الغريب إلي قاله عن حمايا وزوجي وإلي شردت بتفكيري لثواني فيه
وكلمت نفسي....الشاب دااا شكله مچنون ولا ايييه حمايا غفير للقصر!!!وماعندوش ولاااد... اووومال يااامن دااا مييين!!!!
ولثواني وكأن الزمن وقف
شرودي زاد وحديثي لنفسي .....بس اييه الحفرة دي هاتكون بتاعة ايييه
وكلااامهم عني إلي سمعته وأنا في البدروم
مافوقتش إلا على صوت الشاب هشام بيقووول...يااااسمييين....اييييه رحتي فييين
قلت...هااااا إنت بتقول حاجه
قال...ايوووه بقالي شويه بكلمك إنتي سرحاانه في اييه
قلت..ماافيش خاېفه شويه
قال...ماتخاافيش المهم انتى متأكده إن مافيش حد في القصر جووه
رديت وقلتله....ايوووه حمايا خرج هو والناس إلى قولتلك عليهم
قال..طيب يالااا بسرررعه قبل ما ييجي
وبسرعه دخلنا القصر واتجهنا للفتحه إلى بتؤدي للبدروم وهناك دخلنا ولما بقينا جووه البدرووم
قال مع أول خطوه ليه بداخله....اييه المكان دااا واييه المايه إلي على الأرض دي
قولتله....دي المايه إلي خارجه من الحفرة
قال...اممممم هي على عمق كبيير
قولتله...مش عارفه أنا شوفتها من بعيد
ومشينا ببطيء شديد وحذر كنت بسير خلف منه وبوجهه للمكان إلي فيه الحفره وأول ما وصلنا عندها أشرت ليه بإيدي
وقولتله... أهي الحفره أهي
ووقفنا أعلاها وفي بدايتها كان فيه سلم إلي نهاية الحفر
نظر هشام يمينا ويسارا شاف كشاف موضوع على الردم
جابه وادلف لأول درجه من السلم
قولتله... إنت رايح فييين
قال...هااانزل اشووف في الآخر ايييه
قلت پخوف بعد ما مسكت كتفه...بلاااش
رد...لااا بلاش ايييه اوماال هانعرف الحفرة دي بتاعت ايييه
وأردف خليكي هنااا راقبي المكان لحد ييجي وماتخافيش
اومأت براسي وقلت...طيييب
نزل هو ووقفت أنا لكن الخۏف كان مسيطر عليا بقيت خاېفه لحد ييجي
وبدأ الخۏف يزيد خصوصا لما إتاخر تحت
وبعد عشر دقايق طلع
جريت بلهفه لما لقيته طلع وقلت...هااااااااا
قال...اصبري ووضع الكشاف مكانه ومسكني من إيدي
واتجهنا خلف الردم وهناك سكت شوية لما أعدت عليه السؤال
وشهق شهقه كبيره ثم زفر وقال....آثاااار
قولته....اييييييه شووفت ايييه تحت
قاااال....آثار ياياسمين بيحفروا على آثار
قلت...واييييه إلي عرفك
قال...شووفت الباب بتاع المقبره هما واقفين علي الباب بتاعها
اتسعت عنيا وبرقت وقولت بعد أن تذكرت كلامهم
قووولت....ايووووه علشان كداااا سمعتهم بيقولوا هانفتحها قررريب وكل واحد ياخد نصيبه ونسافر برا مصررر
وسكت شويه بفكر وقلت...بس أنا إيه علاقتي بالموضوع وليييه خايفين مني
واحنا بنخمن وبنتكلم افتكرت الكلمه إلي إترددت
قدامي كتيير....دي آخر واحده
وكنت لسه هاقولها لهشام إلي قالي إحنا كدا وصلنا لطرف الخيط إلي هايوصلنا لكل حاجه بتحصلك
وقبل ما أقول سمعنا أصوات جايه بإتجاهنا
طلب مني هشام السكوت وكتمنا أنفاسنا ووقفنا خلف الردم نستني نشوف ميين
كان حمايا وإلي كانوا معاه المره السابقه
وزي المرة إلي فاتت وقفوا قدام الحفرة ودار بينهم حديث
الحديث إلي صدمني وآثار وأصابه بالإنهيار
ولولا إن هشام وكتم أنفاسي بشده كان اتكشف أمرنا
وبعد شوية

خرجوا لبرا
وبعد ما تركني هشام جسمي كان بيرتعش اووووي وسناني بتخبط في بعض بشده مصدره صوت عالي
من هول ماسمعت
لما عرفت السر والسبب في جوازتي وإني قربان لفتح المقبره ودا كان طلب الجن إلي كان طلبهم
إنه لمدة سنه كامله وفي كل شهر يتم الټضحية بفتاة عذراء على باب المقبره وكنت أنا الفتاة ١٢بعدد شهور السنه إلي بعدها عالطول الرصد من الجن هايسمح بفتح الباب
والصدمه الكبيييره إن يااامن دااا ماهو إلا جن من رصد حراس المقبره
وكل إلي شوفتهم في الحفله كانوا من الرصد أيضا
اتسعت عنيا وكنت مصدوووومه ودخلت في حاله من اللا شعووور
ما فوقتش منها إلا على محاولات هشام إنه يهديني ويرجعلي شعوري
وطلبه إننا لازم نشوف حل وننتقم لكل فتاة عملوا فيها كدااا
بعد فترة كنت هديت وتحسنت حالتي وقولت.....هانعمل ايييه
قال بثقه....هانبلغ طبعا عنهم اطلعي إنتي بسرعه قبل ما يلاحظ إنك مش موووجوووده في القصررر
وأنا هاروح أبلغ الشرطه
وفعلا إتحركنا ننفذ إلي اتفقنا عليه وأول ما طلعنا من الفتحه
اتسعت عنيا بړعب وخووووف شديييد لما لقيتهم واقفين يضحكوا وماسكين في إيديهم
وقااال....كنتي فاااكره نفسك ناااااصحه ووووووو
يتبع.....
إتسعت عنيا لما طلعنا من الفتحه أنا وهشام ولقينا حمايا وإلي معاه واقفين بيضحكوا
ووسط ذهولنا وعدم تحدثنا بكلمه واحده مع إتساع لحدقات عنينا لما شوفناهم 
قال حمايا موجه الحديث ليا....ايييه عرفتي السر أنا قلت أريحك وأعرفهولك 
قلت بتلعثم...هو إنت كنت عارف إننا جوه
رد بثقه وقال... طبعا ياحلوه وقلت أوفر عليكي التعب واعرفك كل حاجه
إتسعت عنيا وقلت پصدمه..يعني هو دا فعلا السر إلي ورا كل إلي بيحصلي يعني ياامن داااا......
اومأ براسه بإبتسامه بارده و من غير مايرد 
وراح بنظره ناحية هشام وقال.. إيه ياعم الجدع عاملي فيها الجدع بزياده
وبسخريه أردف خلي الجدعنه تنفعك بقا أدينا بعد ماكنا هانضحي بيها لوحدها هانضحي بيك معاها
بعد كلامه ومعرفتي للسر تحول وجهي للعبوث وزاد الڠضب جوايا
واڼفجرت فيه وفي إلي معاه واتحول الموقف بينا لهرج ومرج شديد
وتدخل هشام مدافعا عني بعد ما بدأوا في ضړبي وكان الأمر أشبه بخڼاقه محتدمه كنت فيها أنا وهشام بنقاومهم وبنحاول نخرج من القصر وكنا على وشك الخروج بعد ما قدر هشام لوحده إنه يقدر عليهم بقوته إلي كان بيمتلكها والسبب صغر سنه أمام كبر سنهم
لكن أخيرا وبعد محاولات منهم للسيطرة عليه وعند باب القصر وجه حامد فوهة المسډس إلي معاه وأطلق منه ړصاصه استقرت في رجل هشام
وبعد عدة خطوات فقدت قدمه السيطره على حمله
ووقع على الأرض ادلفوا التلاته ناحيته وامسكوا بيه فضل يقاوم لكن سريعا خارت قواه أمامهم لحد ما خارت تماما واستسلم ليهم أما أنا كنت واقفه براقب الموقف
ولما قيدوا هشام بالحبل
اتجه سليم ناحيتي وبضحكات ساخره أشار ليا وقال..تعالي..تعالي
وقبل ما أجري وأخرج برا القصر كان مسكني واحكم قبضته عليا
كنت بقاوم فيه لكن بدون جدوي لكن قدرت وأنا بقاوم اضربه بالقلم على وشه
استشاط ڠضب ومسك المسډس ووجهه ناحيتي وكان لسه هايضغط لولا تدخل الشيخ إلى معاهم 
وقال...لا ياسااالم هاضيع كل إلي عملناه لسه يومين على إكتمال القمر لو مۏتها دلوقتي المقبره عمرها ما هاتفتح
نظر ليا پغضب وحط ايده على وشه وقال...طييييب كلها يومين... وأردف طييب هانعمل اييه فيهم
رد الشيخ وقال...هانربطهم ونسيبهم في البدروم لحد مانخلص
قال سليم...والواد دااا هانعمل معاه ايييه دا عرف كل حاجه
رد الشيخ بعد ماسكت شويه بيفكر وقال...نرميه دلوقتي معاها ولما نفتح ونخلص نبقا نتاويه
قال سليم...طييب مانخلص منه دلوقتي
رد عليه وقاله...لا سيبه دلوقتي لحد مانخلص إحنا مش عاوزين قلق
وفي البدروم قيدونا بشكل محكم وتركونا وغادروا بعد ما طلب منهم الشيخ يجهزوا كل حاجه على فتح المقبره بعد يومين
وبعد ما خرجوا فضلت لثواني مش مستوعبه إلي أنا فيه
كنت حاسه إني بحلم
الصدمه شلت تفكيري وبقيت
بكلم نفسي زي المجنونه..
....يعني أنا كنت متجوزه من جن!!!!! إلي كان بينام جمبي داااا مش بني آدم وإلي شوفتهم في الحفله دووول كااانوااا!!!!!!!!!!
ماطلعنيش من الصدمه

والذهول إلي أنا فيه غير هشام إلي كنت نسيته خاااالص بعد ماشردت بتفكيري
كان فاقد للوعي حاولت أنادي عليه علشان يفوق لكنه ماردش عليا ودا إلي خلاني أفكر في حاجه تانيه إزاي هاوصله وأنا مربوطه وجسمي متكتف حاولت محاولات كتير زحفا على جمبي وفضلت أحاول لحد ما وصلت ليه وعنده كملت محاولات لحد ما أفاق
لكنه فاق على ألم شديد في رجله إلي فيها ړصاصه
وبعد فترة من الوقت بدأ شعوره بالألم يقل
قلتله... إنت كويس يا هشام
رد وقال...ايوووه أنا بقيت مش حاسس برجلي أصلا
بقلم الكاتب حسن الشرقاوي 
قلت بقلة حيله....معلش أنا السبب أنا أسفه
قال بإبتسامه....ماتقوليش كدااا إنتي مالكيش أي ذنب
وفضلنا فترة طويلة نتكلم ونتبادل الحديث فيما بينا
.....هانعمل ايييه دلوقتي يا هشام دول بيقولوا إنهم هايخلصوا علينا بعد يومين
سكت شويه وكان بيبص في كل مكان في البدروم
وقال..ماتخافيش إن شاء الله ربنا مش هايسيبنا وهانخرج من هنا ونفضح المجرمين دووول
وخارج القصر كان خرج سليم والشيخ وحامد للجهه إلي هاتنفذ وتشتري المقبره بعد فتحها وهناك
أحد أفراد الجهه....اييه ياعم سليم الموضوع طووول اوووي
رد وقال...خلاص هااانت اهووو إحنا على وشك الفتح
قال.... إنت بقااالك سنه بتقولي كداااا ومافيش حاجه بتتفتح
قال سليم...طيب أعمل اييه بس ..دي طلبات الرصد الحارس من الجن بتاع المقبره واحنا بنفذها وعموما خلاص آخر طلب ليهم هانفذه بعد يومين وهايسمحولنا بفتحها
وأردف المهم بعد ما نخلص زي ما اتفقنا تخرجونا برا مصر باالفلوس
قال...خلص بس وافتح وهانعمل كل إلي طلبتوه
على الطرف الآخر وقدام القصر وقفت أم ياسمين ومعاها رجلين من الجيران
.....هووو مافيش حد هناااا ولا ايييه
الأم.... إزاااي مش هو دا العنوان
..... أيوا هو بس إحنا عمالين ننادي أهو ومافيش حد بيرد
الأم پبكاء.....طيب افتحوا الباب وندخل أكيد مش سامعين
دا أبوها موصي إنه مايندفنش من غير ماتكون موجوده
وبعد تردد قاما الرجلان بفتح الباب ودخلا إلي الجنينه ومنها إلي الباب الرئيسي للقصر
كانت ياسمين وهشام لسه بيتكلموا وبيفكروا إزاي هايخرجوا من الموقف دااا
وفجأة
طلبت ياسمين هشام بالسكوت
ولما سألها شددت عليه مرة تانيه بعدم التحدث
وقااال...هشااام سامع حاجه
بعد ما صمت لثواني قال....ايوووه سامع حد بيقول ياسمين
قالت بإبتسامه....ايووووه داااا صووت أمي واردفت بسعاده أمي يا هشااام أمي
ثم بدأت بالصړاخ بأعلي صوووت تجيب عليهم
وبعد مده سمعتها أمها بالخارج ونبهت الرجلان للصوت
إلي أسرعوا يتحسسوا مصدر الصوووت لحد ما وصلوا للفتحه ومنها للبدروم
ولما لقوني أنا وهشام على الوضع دا اتفاجأوا
وحلوا وثاقنا أنا وهشام إلي كان پيتألم
أما أنا قمت بسرعه وأخدت أمي في علي بكاء متبادل بينا وقالت.... ابوكي مااات يا ياسمين
لما قالت كدا انهرت وزاد بكائي وصړاخي ونسيت كل حاجه 
ودخلت في حاله من الصدمه إلي فوقني منها هشام لما
قال..ياسمين لازم نطلع من هنا قبل مايرجعوا
وهنا سألتني أمي وإلي معاها عن السبب إلي خلانا في الوضع داا
حكنالهم على

كل حاجه واحنا متجهين للشرطه إلي لما عرفناهم اتحركوا بسرعه معانا
وفي البدروم عملوا كمين ليهم لما لقوهم لسه مارجعوش للقصر
وبعد ما رجعوا ودخلوا البدروم يطمنوا على وجودنا تم القبض عليهم جميعا
وهشام اخدوه على المستشفي علشان يخرجوا الړصاصه من رجله
وأنا رحت علشان ألقي نظرة الوداع على أبويا الله يرحمه
وبعد شهر من إلي حصل كنت قاعده شارده وبفكر في كل إلي حصلي بحالة نفسيه سيئه وبرعب كل ما أفتكر إن يامن دا كان جن يتملكني الخۏف أو إني كنت على وشك أن يضحي بيا زي ١١بنت غيري اټصدم
ولما أفتكر حمايا قصدي الغفير بتاع القصر أستغرب إن فيه ناس بالجبروت دااا علشان الفلوس يعملوا أي حاجه مهما كانت مخالفه لفطرتنا الآدميه
لكن كنت بحمد ربنا بالرغم من حزني الشديد وقهرتي على ۏفاة أبويا الله يرحمه إلا إن مۏته كان السبب في نجاتي من المۏت
وأنا قاعده بفتكر ابتسمت لما لقيت هشام جاي من بعيد
وأول ما قرب مني
قااال....لقيتك ماسألتيش ولا عبرتيني قلت اجي أنا أسأل عليكي
قلت....والله يا هشام أنا كنت هاجيلك لكن أبويا بقااا ووبعد إلى حصل دااا نفسيتي كانت تعبانه وووو
قاطعني وقال.. أنا مش عاوز مبررات لأني
عاذرك وعارف إلى مريتي
بيه دااا مايستحملوش بني آدم
لسه هاتكلم قاطعني وقاااال...ياااسمين تتجوزيني
بصيت في الأرض بخجل...رفع راسي بإيده وقااال...وماااتخاافيش أنا مش جن أنا بني آدم
وإتجوزنا 
ونايمه اهوووو لكن شخيييره صحاني دااا الجن كان أرحم 
وقلت أسلي نفسي بعد ما طير النوم من عنيا واحكيلكم حكايتي الممله دي ...
بقلم الكاتب حسن الشرقاوي 
انتهت