قلبي وصحبت بقلم رونز مراد

بس بس..هنفضل كدا كتير يعني! 
طب أنا بتكلم تردي عليا علشان مزعلكيش وبكرا العيد ويقولوا عليا انا اللي بنكد وهجيلك دلوقت من البلكونة
اوووف عاوز ايه يا فهد 
فهد برفع حاجب اسمها عاوز ايه..عموما كل سنة وانت طيبة وحقك عليا وأنا مش غلطان وانت اللي غلطانة وركزي معايا وانت بتتكلم بدل ما أجيلك
روز تيجي فين وعموما متقدرش
فهد لا والله يعني بتتحديني طب والله أهو وأعمل مصېبة ويقولوا جوزها اللي كتب كتابهم من أسبوع اټشل بسببها
روز ايه دا منين بيودي على فين!!
فهد ايوة انت اللي غلطانة وكفاية إني ساكت لحد دلوقت

روز بسخرية 3أيام مش بترد عليا وساكت لا كتر خيرك 
فهد أيوة بالنسبة ليا كدا ساكت وانت عارفة كويس ردت فعلي
روز انت عاوز ايه من الآخر مش كفاية كله نزل استوري العيد مع كتكوتها
فهد وماله كتكوتك يعني مش فاهم 
روز بطرف عينيها كفاية معكنن عليا 
فهد ببرود لا مادام كدا يبقى نتحاسب 
روز بدموع أنا مبهزرش انت مزعلني وزعلان مني بسبب لا يذكر وأكلمك تقفل الفون وأكلم مامتك تقولي معلش سيبيه لما يهدى وبلاش يا بت تبقي مدلوقة وأختك تقولي دا قاعد قدامي وأنا بتصل عليك وحضرتك أسطورة مش بترد عليا 
فهد بهدوء وبتعيط ليه دلوقت 
روز لا أعيط ليه هي حاجة تستاهل عندك حق وشكلهم هما كمان عندهم حق أقولك أنا هسيبها أحسن وهدخل مادام بتتكلم ببرود كدا سلام ودخلت من بلكونتها اللي قصاد بلكونة فهد 
روز بنت جميلة 22 سنة كلية حقوق وفهد يبقى جوزها 26 ظابط وبيحبها من صغرها واتجوزت حب طفولتها من شهر تقريبا وحاليا خناقة لطيفة بينهم وأستاذ فهد بيكابر إنه يصالحها
فهد اتنهد وقعد على الكرسي وفضل سرحان لحد ما مامته دخلت عليه بكوباية قهوة
الأم فاضي يا فهد 
فهد بإرهاق تعالي يا ست الكل
الأم قعدت مالك يا حبيبي 
فهد بإبتسامة مفيش يا حبيبتي كله بخير الحمد لله 
الأم عيونها راحت على بلكونة روز بس أنا مش شايفة إنه فيه حاجة بخير 
فهد بزهق بتعاند معايا ومصممة إنها مغلطتش يا ماما دايما عاوزةتبقى الطرف اللي عنده حق وأنا أضرب دماغي في أقرب حيطه عادي زعلي مش مهم 
الأم بتضحك كل دا يبني الأمور مش بناخدها كدا وخصوصا الرجالة
فهد انت بتضحك يا ماما..اومال ازاي يعني أنا م بقيت عارف أتصرف ازاي 
الأم بحنية بص يا حبيبي أنا عارفة إنك مضغوط الأيام دي ومتوتر من كمية المسؤليات اللي بقيت عليك بس صدقني هتعرف تتعامل معاها دي حبيبة عمرك يا فهد وغير كدا كمان يا حبيبي روز تربيتك وعنادها أخدته من عنادك مش حاجة من برا يعني 
فهد بس مش كدا يا ماما مادام غلطت يبقى تعترف وتعتذر والأمور تتصلح شوفتي هي سهلة بس ازاي لازم نعقدها
الأم بعقل لا يا حبيبي مش تعقيد ولا حاجة بس البنات