قلبي وصحبت بقلم رونز مراد

مع روز ولا ايه 
فهد بإستغراب لا ليه بتقولي كدا 
أم روز بصحيها علشان تجهز وتنزل تصلي معاك العيد زي ما متعودين بتقولي مش نازلة النهاردة 
فهد هي قالتلك كدا 
أم روز ايوة والله يبني 
فهد بخبث طب معلش يا أمي أنا جاي أنا أصحيها يلا سلام عليكم 
قدام شقة روز
أم روز اتفضل يبني
فهد يكرم أصلك يا أمي..هي لسه نايمة 
أم روز في أوضتها ادخل يبني انت جوزها 
فهد تسلم يحبيبتي 
روز في الأوضة لا مش نازلة يا دعاء مش هيعاملني بمزاجه يكلمني وبمزاجه يتجاهلني ولا كإني حاجة 
دعاء أنا عاوزة أقولك إنه سابنا ومشى
روز پخوف مشى راح فين
الباب خبط 
روز ماما أنا قولت مش نازلة 
فهد دخل وأنا مش ماما ونبطل دلع ونقوم نلبس مش هسمح ليك العيد كمان يضيع علينا بسببك
روز انت ايه اللي دخلك هنا 
فهد قعد ببرود جوزك ودخل 
روز طب اتفضل روح صلي لوحدك 
فهد قدامك خمس ثواني والله يا روز لو ما دخلت جهزت هشيلك بالإسدال كدا ولا هيهمني
روز بدموع بتحاول تمنعها وانت يهمك حاجة أصلا
فهد قرب منها حقك على قلبي بس أنا راجل وألاقي مراتي بتحب في واحد علشان بوكس
روز وانت عارف انه كله هزار 
فهد بغيرة مفيش هزار في حاجة زي دي بس ماشي أكون أنا الطيب المرة دي وشدها لحضنه حقك على قلبي أنا معترف إني زودتها بس كله من غيرتي عليك 
روز بزعل أقعد أشحت من الكل علشان بس تكلمني
فهد حقك عليا يا ست البنات مش هتتكرر وبعد كدا هنعاتب ومش هننام غير لما نتصالح وعيدنا الجاي بإذن الله نكون في بيتنا وپنتخانق ونمسك في شعر بعض كمان
روز بإبتسامة وحقك عليا أنا كمان إني زعلتك 
فهد طب ايه مش يلا نجهز علشان نلحق العيد! 
روز حاضر بسرعة
فهد ايه الحلويات دي طيب 
روز لبست عباية لونها أسود خليجي وعليها خمار بيج فاتح وطلعت مع فهد
الأم ومالو ومالو دلوقت هتنزل 
روز بتضحك العيد نفسه جالي يماما 
الأم لا تربيتي..ربنا يصلح حالكم يارب يحبايبي 
روز وفهد يارب يست الكل يارب 
ونزلوا سوا وسلموا على أهلهم وفرحوا بصلاة العيد وهما طالعين
فهد بقولك صحيح هو أنا جهزت عيديتك السنة دي 
روز وقفت قدامه متهزرش
فهد مټخافيش يست أهي كل سنة وانت أحلى حاجة في حياتي 
روز بفرحة طفلة الله خروف وكالعادة فلوس مكتوب عليها..مكتوب عليها ايه بقى 
فهد بحب شوفي كدا 
روز فتحت الفلوس صغيرتي وحبيبتي وصديقة طفولتي كل عام كان يشهد بيننا كل الحب بينما هذا العام يشهد على عهودنا وأصبحت صغيرتي زوجتي بينما الحضن الأول كان لي والحب الأول كان أنت وقلبك هو ركني الهادئ من ضجيج العالم حرم فهد الشرقاوي وصاحبة أقسى قلب مع العالم وأحن قلب مع صاحبته فقط 
روز بدموع فرحة السنة دي أنا حرم فهد! 
فهد بيحضنها وحبيبة قلبه!..بحبك
تمت الحمد لله