حكاية_فتاة_بقوة_مُحارب بقلم سمية احمد

رب يا رب يتمملك علي خير وييسرلك أمورك يا رب يا ريما. 
ضحكت وهيا فرحانة لمعة الفرحة والحب كانت واضحة في عنياها عيناها كانت بتنور من كتر ما هيا فرحانة 
_بكرة قراية الفاتحة يا سام 
حاسة الدنيا أخيرا بدأت تضحكلي. 
_قولتلك في خير كان متشالك 
في خير وحاجة حلوة هتبقي من نصيبك ربنا جميل وكل ما يأتي من عنده جميل كحبيبي. 
_ممكن أخد أجازة من الشغل أنهاردة علشان مجهزتش أي حاجة. 
_يا خبر!!! 
ودي محتاجة كلام ده أنا أقفل السنتر وننزل نجيب ليك كل حاجة 
مش كل يوم ريما هتتجوز. 
قفلت السنتر ورفضت كل الأوردارات بتاعت أنهاردة فدا ريما والله فداها خسارة أنهاردة وبكرة فداها عمري نزلنا وسط البلد بدأنا نتنقل من مكان لمكان زي الفراشة. 
_مش هتدفعي حاجة بقولك 
أنت جايبة كل حاجة كده كتير والله. 
_اتكتمي يا ريما لو سمحت 
وبعدين هو أنا عندي كام اخت ده هيا واحدة. 
_ولو يا سام انت رافضة إني أطلع جنية واحد من شنطتي 
حتي المواصلات أنت اللي دفعتيها. 
_أخص عليك يا ريما وإحنا بينا الكلام ده. 
_أنا آسفة. 
_مش وقت أعتذار أركبي وروحي ونامي بدري علشان بشرتك متسهريش علشان ميبقاش شكلك مرهق وملامحك تبقي باهتة 
هبقي أكلمك كول بكرة الصبح وأشوفك وأنت بتجهزي. 
وأنا بجهز وبتشري معاها أفتكرت يوم ما نزلنا سوا نختار فستان كتب الكتاب كل حاجة بتفكرني بيه الشوارع المباني ريحة الورد كل شيء يقودني إليه علي رغم وجوده بذاكرتي فقط. 
_برن عليك موبيلك مقفول والسنتر كذلك. 
_قفلت انهاردة بدري يا ماما ونزلت أجيب كام حاجة أنا وريما. 
ضيقت عيونها بفضول 
_وأي الحاجة المهمة اللي تخليك تسبي شغلك. 
_علشان مثلا قراية فاتحة ريما بكرة. 
_الممصوصة دي لقيت حد يلمها يا بركة دعائك يا بت يا سوسو. 
بصتلها بعتاب ناولتها كوباية العصير 
_بلاش يا ماما نتكلم ونغتاب في ظهر حد. 
_دي بذات حلال فيها والله. 
_مفيش فايدة. 
_أحكيلي نيلتي أي لما قفلتي السنتر. 
_يا ماما مش معقول بجد! 
بلاش تحطي عقلك من عقلها. 
شربت رشفة من العصير وهيا بصالي بقرف 
_بقا أنا هحط عود الخزروان الناشف دي في عقلي! 
ده أنا طلعت مخلفة واحدة مهزأ بصحيح. 
_وليه الغلط يا سوسو. 
_هيا لو سحرالك مش هتبقي بالطريقة دي. 
_أعوذ بالله يا ماما! 
صلي علي النبي يا حبيبتي وخرجي الأفكار دي من دماغك. 
قفلت علي قلبي من يوم ما مشي قررت أفكر في نفسي منكرش حقيقة إنه علطول في بالي كنت بحاول أهرب من أفكاري لإنها كانت بتحكي عنه ليه الحب مش عادل ولا منصف ولو لمرة واحدة! ليه أغلب الوقت بيكون من نصيبنا الفراق بنمشي من غير ما نسمع أي مبرر يبرد الڼار اللي في قلبنا أهل الحب مساكين أوي والله. 
_شكل الدريس عليك تحفة كلمة قليلة 
خارجة من متحف يا فنانة والله. 
فردت الفستان بفرحة شديدة سألت بفضول وهيا مبتسمة. 
_بجد يا سام شكلي حلو!. 
_تعجبي الباشا يا عيون سام 
أسمالله عليك عايزة أرقيك والله من جمالك ربنا يحميك يا حبيبتي.
_هقفل دلوقتي علشان الضيوف وصلو. 
قفلت الخط معاها وفضلت قاعدة مكاني خرجت ورقة ومسكت قلم بين إيدي بدأت أرسم وللأسف لقتني برسمه بنلف نلف ونرجع لنفس النقطة كإننا بنلف في دايرة مقفولة ولازم نرجع لنفس النهاية عايزين نجرب النهايات السعيدة بجد حتي لو هتبقي مليانة مشاكل وخناقات بس تبقي رحلة هينة لينة زيه ماما كان معاها حق لما قالتلي القسۏة طبع والطبع غالب واللي فيه طبع مستحيل يغيره إلا من رحم ربي يعني. 
_قاعدة لوحدك تعالي نقعد في البلكونة نتكلم سوا. 
_الورد دبل يا ماما مبقتش اهتم بيه زي الأول. 
ضحكت وهيا باصة عليا وأنا بشوف الورد. 
_الورد