حكاية حب سمية احمد

مش كتير أوووي يعني. 
اممم يعني عادي عندك تمشي وتسبني صح!. 
_مال صوتك أنت كويسة. 
غمضت عيوني بخنقة وقولت 
مش عارفة حاسة بخنقة وضيق بصورة غير طبيعية خالص أول مرة أبقي كده حقيقي. 
أبتسم وسأل 
_قرأتي وردك وأذكارك أنهاردة. 
الصبح بس بليل لا. 
_طبيعي يا حبيبي ده حصنك اللي بيبعد عنك كل شړ وسوء دي قرصة ودن بسيطة علشان تعرفك إنك متهمليش في وردك تاني. 
عيوني حاضر. 
لما بتطلب من حد حاجة ويقولك من عيوني بتفرح اووووي. 
تخيل بقا الله عز وجل بذات نفسه بيقولك
وأصبر لحكم ربك فإنك بأعيننا.. 
فضلنا ساكتين شوية وهو باصص عليا ومبتسم قولت بضيق وهو قاعد يبتسم وأنا فاضلي تكة وهعيط 
_أنا شايفة إنك تروح تنام أفضل. 
أبتسم وهو ساند علي سور البلكونة
_وأنا شايف إنك لازم تبطلي تفكير كتير علشان بخاف أسيبك ساعة أرجعك ألقيك بتقوليلي عايزة أفشكل. 
ضيقت عيوني بضيق
طب والله ليا حق أنا لو حكيت لشخص غريب عن علاقتنا هيقولي معاك حق. 
ضحك بصوت عالي
_حبيبي فوقي أنت لو حد كح عندك في الشات ومتعرفهوش هتحكيلو قصة حياتك. 
حطيت إيدي علي وشي وأنا بضحك بصوت عالي
حرفيا أنا أتكشفت. 
أتكلم بجدية
_صوت ضحكتك يا حلوة. 
حطيت إيدي علي بؤقي
حاضر ھموت مضحوكة. 
_بعد الشړ عليك يا لولو. 
سحبت الورقة من علي الكرسي مسكتها ورفعتها قدام عيونه
_شوفت سام وهيا شطورة رسمت عيونك وكتبت نص كمان. 
ساب كوباية الشاي وسقف وهو بيضحك
_واووو عملتيها أزاي محتاج أعرف سام أشطر كتكوتة وبنوتة. 
ده ينهار خطڤ القلوب. 
أبتسم بحب
_ده أنا اللي قلبي أتخطف مش شايف النص علي فكرة أقرائية. 
مديت الورقة
أهي يا عمار شوف. 
بص للورقة ورجع بصلي وأتكلم بنبرة صوت حنونة
_بس أنا عايز أسمعه بصوتك. 
رجعت الورقة وبصيت عليها وأنا مبتسمة رفعت رأسي وبصيت عليه ورجعت بصيت للورقة
حتي الفن لم يعد يعرف طريقا حينما رأى عيناه. 
لسه هيرد عليا دخل بدر وعمرالبلكونة وكل واحد فيهم ماسك تفاحة أتكلم عمر وهو بيأكل منها 
_الاه مش كان النص ده مكتوب ليا اكمني سنجل ولسع مكتبتش الكتاب ومش لقي حد يطفحني فراشات. 
رد عليه بدر بغمزة
_بتعطف عليك يقلبي. 
خطڤ عمر الورقة من إيدي
_يعني بتكتبيلو نصوص وشغاله ترسمي في أم عيونه الأحوال مترسمي عيون واحد فينا ياللي منك لله ده حتي بيقولوا أننا خواتك. 
أتكلم عمار بضيق
_متتكتم يالا بدل ما أرنك علقة. 
غمزعمر 
_مكنش العشم يا صاحبي. 
أتكلم بدربخبث_
_اي يا حبيبي يا عمر متزعلش كوكو بقا الاه.
ضيق عمر عيونه بأستغراب
_كوكو مين كوكو!. 
بص بدر بطرف عيونه لعماربخبث
_عمار سام مش بتقولوا غير يا كوكو. 
شاورعمرعلي عمار پصدمة
_بقا الشحط ده اللي قد جدي وعاملي فيها وحش بيتقالوا يا كوكو!!!!. 
حرك بدر رأسه وبتأكيد
_الله ينور عليك ومش بتقولوا كوكو عادي زينا دي بتقولوا اي يا كوكو. 
بصلهم عمار بعصبية أتكلم بضيق_أنا غايز أتخمد الواحد مش عارف يشم نفسه مع خطيبته حتي في خلقتي من كيجي أي الفقر ده. 
أتكلم عمر بأستفزاز
_تيك كير يبيبي. 
رد عليه بدر بتصحيح
_اسمها تيك كير يا كوكو. 
دخل عمار ورزع باب البلكونة بعصبية. 
زعقت بضيق
يوووه منكوا يووووه بجد. 
مشيت وسبتهم في البلكونة اتكلمو بصوت عالي وهما بيضحكوا
_وقوليلوا يأخد بالوا منك زي ما كنت بخاف عليك
................................. 
_عزيزتي الكراش إذا عيوني عسلية أنت غلطانة أنا عيوني عليك.
قفلت باب بيتهم وقالت بتحذير 
عمر اتلم عمار لو سمعك هيزعلك. 
سند على الباب وقال بأبتسامة وبسماجة 
_لا هيفسحني بس. 
يعني أي هيفسحك ليه أنت زهقان!. 
_لا يا حلوة هيفسحني دي عندنا إني هأكل علقة مووت وهيفضحني!. 
اه قول كده واقف على باب بيتكوا ليه. 
_علشان أشوفك الأيام المفترجة داخلة علينا وهصوم ومش هعرف اتكلم معاك. 
رفعت حاجبها وقالت 
والله!!! ليه هو أنا بخدش حيائك وأنا معرفش. 
قال بأبتسامة و وقاحة 
_لا أنا قليل الأدب. 
ضغطت على أسنانها بعصبية 
عمر اتنيل اتلم بقا. 
_قوليلي يا حبيبي يا عيوني اتكلم معايا بذوق شوية وأنا هتعدل. 
الاهتمام مش بيطلب على فكرة والله. 
حرك رأسه بالإيجاب وقالت بتأكيد 
_لا أنا بطلبه عادي وبأخده عافية كمان. 
روح يا عمر ربنا يهديك شوف هتعمل أي قبل العيد. 
_هعمل كعك وهجيبلك الكعك علشان السكر عند حماتي وعيب يبقي عندنا. 
حبيبي فوق ده عيد لحمة مش عيد كعك وبسكويت. 
_إحنا بنعمل كعك طول السنة وفي الأمتحانات جت يعني على ليالي العيد. 
انا هنزل يا عمر علشان لو فضلت ثانية هتجلط منك.
........................................... 
762024
بداية ليال العشرتحديدا الساعة 5الفجر بعد صلاة الفجر خرجت من أوضتي بعد ما بعتلي عمار ماسدج بيقول إنه في البلكونة مستنيني. 
خرجت وقفلت البلكونة ورايا. 
خلصت وجيتلك علطول اهو. 
من غير أي مقدمات او كلمة زيادة قال كملة واحدة بس 
_دعتيلك وأنا بصلي الفجر. 
بجد مفيش شعور جميل ممكن الواحد يعيشه الأيام دي ويخليه مبسوط قد لما حد يقوله أنا دعيتلك معايا بدعيلك جيت على بالي فجأة وأنا بدعي لنفسي فخدتك معايا في دعائي!
مش مهم يدعي بإيه لكن المهم يفتكرك فقد ينال المرء بدعاء أخيه ما لا يدركه بدعائه لنفسه!
فمن كان في قلبه لنا شيئا من الحب فليدعو لنا في هذه الأيام المباركة. 
كان ردي عليه كلمة واحدة وتقريبا أول مرة أقولها ل عمار 
بحبك بجد. 
_يا مية سنة ضوئية والله في أنتظار الكلمة دي. 
بحب أي حد بيدعيلي بجد بحب الاعترفات اللي بتقول إني دعتيلك بحسها لغة الحب الأجمل على الأطلق بجد يا عمار اللي هو مفيش أحن وأجمل من الدعاء. 
_بحب شكلك و أنت منوره و أنت بتتكلمي عن حلمك وأنت بتتكلمي عن الحاجات اللي بتحبيها جميلة زي البدر في وسط النجوم. 
طب ماشي يا إمام المسجد أسكت بقا. 
_يا عيون الإمام والله. 
_هخزق عيونك يا حبيبي دلوقتي. 
لفيت پصدمة وقولت وأنا متنحة 
_بابا...........
_وبعدين معاك هتفضلي مبلمه كده كتير!. 
أنت سامعة بيقول أي! ده باين دماغه ضړبت. 
ضحكتأرينوقالت بهزار 
_تأثير الصيام معلش وبعدين اليوم طويل وتلقيه مش لاقي حاجة يعملها ف قال أما أقولها نتجوز بعد العيد. 
قمت و وقفت قدام البوتجاز وأنا بحرك المكرونة 
دي تيجي مع بدر لكن عمار كل كلمة بيقولها بيعملها بجد. 
_وبعدين فيها أي لو أتجوزتوا بعد العيد بقالكوا تلات سنين مخطوبين ومكتوب كتابكوا كفاية كده. 
لفتلها پصدمة وقولت 
أرين أنا مجهزتش حاجة فاضلي حاجات كتير لسه مجهزتش وغير كده الأسعار غالية أوي اليومين دول وصعب أجيب كل حاجة أقل حاجة محتاجة خمس شهور. 
بدأت تغسل في المواعين وقالت وهيا باصة عليا 
_مش عارفة أنا أنت شايلة طاجن ستك ليه! يبنتي إنتو ماديا مرتاحين أووي وعمي لو عرف هيجهز كل حاجة من بكرة أنت واخده الموضوع حجة صح. 
مش عارفة والله هبقا أتكلم معاه بعد الفطار خلينا نعمل عصير قبل ما النور يقطع. 
بدأنا نعمل الأكل مع بعض ونظرا إنها عزومة وكلنا صايمين ف قررنا نعمل أصناف أكل مختفلة اليوم كان متعب أوي خصوصا في الجو ده قعدنا على السفرة وبدأنا نلف ورق المحشي و ورق العنب سوا.. 
_متخلصوا بقا أنا جعان وعطشان. 
أدخل كمل نوم أو روح أقرأ شوية الساعة لسه. 
بصت أرين على عمر وقالت 
_أنت محسسني إننا مخبين الأكل عنك ما أنت صايم يبقي تستني لما المغرب يأذن. 
رمي نفسه على كرسي السفرة وقال بعطش وفرهدة 
_زمان لوح التلج اللي عند حماتي ساحت. 
ضحكت أنا وأرين 
ما أنت بارد أي الجديد يعني عليكوا. 
_مخطوب لواحد صاحبي والله بس عسل والله. 
وصاحبك عسل ولا أي. 
_ما تخليك في حالك يا بتاعت عمار أنت التانية. 
طب ما تروح تتخمد بقا متقرفناش بلوح التلج بتاعتك. 
_ما تجبيها