رواية جيران_الهناء بقلم~رماز~الخير
قروش جامعتك صاح
اممم انتي حتفضلي شايله هم القروش كدا
يا ولدي انت لشنو بتحب العڈاب وريني هابشهم لشنو
حاانزل شغل بكرا مع احمد وحاارجعهم اطمني
شغل شنو كمان انا ماقلت لك ماتشتغل وخليك في قرايتك
كيف مااشتغل ياامي دايراني اعتمد علي البجيبها لينا عمي ولا معاش ابوي المابكفي غير حاجات البنات
عمك بجيبها صدقه !!! دا مش حق ابوك وحقكم
اخدت نفس وقالت منتظرين هناء خاله يرسل لهم ونمشي
مش القروش بتكفي منتظره لشنو
ماحترضي لا هي لا امها انت عارف فهمهم لازم اشترو بي قروشهم براهم حتي يرضو بي حاجه
ربتت علي كتفي وقالت رضيانه يا ولدي انا بس مادايره لك التعب
انا راجل والراجل لازم يتعب ولا دايراني اتمسح وانوم واتحبس للعيد زي بناتك
ضحكت وقالت قلب الام يا ولدي
الله يخليك لينا
................................
كان فضل للعيد اسبوع جيت راجع بعد قبضنا حق الاسبوع منتهي وعيني مارقه جيت مع الفجر صلاه ماقدرته اصلي قلت انوم ساعه واقوم ماصحيت الا بي صوت الحجار في الشجره مرقته بكورك هناااااااااء
ااي يا محمد
فهمك شنو انتي ماننوم يعني
رفعت جوافه واقعه واتعلقته في الشجره وقلت لمن تسالي الشجرة دي كانك سالتيني
كانت لابسه توب الصلاه ضحكت وقالت اصلا قرد
جدعته بالجوافه ونزلته وبقول بصوت عالي انا الشجرة دي بقطعها اصبري بس كانت تغريد واقفه وبتعاين لي
اتهجمته وقلت تغريد مالك واقفه كدا
انت صحي بتحب الهبله دي
بسم الله مالك
رد لي
بدت تبكي معناها صاح وبتتونسو بالحيطه ياهو نفس الكلام انا ماعافيه لك انا رفضته كل البتقدمو لي بسببك وانت تخوني مع الهبله دي
هناء اتعلقت في الحيطه وخاته يدها علي خدها وتتبسم وقالت الهبله دي منو
حمرت لها تغريد عاينت لها وقالت في هبله غيرك في الحله دي هناء من الخلعه وقعت من الحيطه سامع امها جات عليها عاينت لي تغريد وقعدته اضحك انتي الهبله معناها والله هناء شنو البحبها انا
امم عمران تاني انتي اسي دايره شنو
دايره اتاكد من الكلام
مافي كلام زي دا هناء دي مااكتر من اختي زيها وزي مروه تمام
كلكم بتقولو كدا هدا احمد بقول نحن اخواتو ومقضيها مع مروه. .انتبهته لنفسها سكتت عروقي حسيتها اتفجرت وقلت بصوت كل ڠضب قلتي شنو انتي
دا ماكلامي يامحمد الناس هي البتتكلم
تتكلم بي شنو
انه احمد ومروة في بينهم......عضيت سنوني وقلت الفارغه دي القالها منو
يعني انت ماعارف قايلاك شفته الصوره
صوره شنو
صورة مروة واحمد الفي التلفونات دي ماليه التلفونات حتي حسين صاحب الدكان عنده
الصوره اتنشرت
كانت بتتكلم وماسامعه مرقته مشيت علي احمد وانا بستعيذ من الشيطان عشان مااتهور دخلته له كان نايم ضړبته بي شباشبي الاتنين ورفعته حقاته برضو ماصحا جبت الابريق مليان مويه قووم يا زفت قوم شوف العملتو قوم يا روميو
قام انفض في المويه مالك يامحمد ياخ
عمران عشان سكتنا له اتخيل عمل شنو انا بعد كدا لا حااعمل حساب لي رمضان ولا لي العشره
عمل شنو يااخ قټلك
ااي وانا جيت راجع اشيل حقي
رجع رقد وجاري الغطي عليه وقال طيب ماتمشي له وتاخد حقك انا ذنبي شنو حتي وانت شبح تجيني
جريت الغطي وقلت الحلبي وعمران نشرو صورتك مع مروة في التلفونات ومطلعين الاشاعات
كيف يعني صحصح وقام علي حيلو وهو بتوعد مسكته وقلت مش قلنا نهدا انا حالتي جيتك انت العاقل
المواضيع دي فيها عقل يامحمد
ايواه فيها اي تصرف حتعملو حيضر مروه وبجي علي حساب سمعته
انت لشنو بارد كدا مش دي اختك الكنت مابترضي تمد راسها برا
اعتبرني بقيت مانافع
والله برودك مامطمني ناوي علي شنو يامحمد
خليك مني جاهز تخطب
اخطب
ايواه انت ومروه نعمل لكم خطوبه عشان الناس دي تسكت
كدا ماحناكد كلامهم
ماعندك شغله بي كلامهم انا داير اطمن عليهم انه معاهم راجل يحميهن من بعدي
بعدك ! انت ناوي علي شنو يامحمد
قمته من جمبه وقلت حاانتظرك المساء تتصرف تجيب دبله وتجي البيت تلبسها للبت دي وماعندك شغله بالناوي عليه مرقته من البيت اتلاقيت مع عمران عيني وقعت في عينه.
مشيت عليه وقفته قصاده وعيوني جوا عيونه دنقر عيونه وعرقو بقي نازل
جاء احمد بعد ما لبس وبلبس في نظارته محمد انت ناوي....لمن شاف عمران جاء عليه دا شنو العملته دا ياعمران والله مابخليك مروه دي مش ..ختيت يدي ضاريته منه ابتسمته وقلت خليه يا احمد الدنيا رمضان
عمران انتو زعلانين من شنو مش انتو البديتو الخيانات
عقدته حواجبي وقلت خيانات ! !
ايواه لمن تجيبو عثمان بدلي في الشغل الاتفقنا عليه نحن التلاته يبقي خېانه ولا ماخيانهمسكته من حنكه وقلت وانت لمن تشوه سمعت بت يتيمه دي تبقي رجوله صح
انت زعلان عليها لشنو انا قلت لك بحبها ودايره انت رافض
من حقي انا كااخوها من حقي ارفض البشوفو مامناسب. وانت مامناسب تمام
ومرفوض لا بالباب لا بالشباك لزيتو وقلت ادعي ربنا واحمدو كل يوم لانه الحصل دا حصل في رمضان ودا شهر عظيم مابفسدو بسببك
مسكته احمد وماشين
عمران قال دي مازعلت اخو دي امشي راجع نفسك انت خاتي عينك عليها وكل البقرب منها بتخرب وش معه بس مصيرك تنكشف
احمد راجع له وبقول محمد عليك الله خليني اربيهجريته من كتفه واتلفت علي عمران وقلت حسابنا تقيل بس خلي الاسبوع دا اخلص والله ياعمران حركه الصور النشرتها دي الا تطير
دخلته مع احمد بيتهم قاعدين تحت شجره النيم الكبيره
غريبه يعني افتكرتك ناوي تقتله
كنت ناوي والله العظيم بس اتذكرته نحن في رمضان ماانفع
يعني حتخليه
اخلي منو انت ماسامع كلامه ماكفاه ناشر صورة مروه وكمان بتهمني بي هناء
بس هو معه حق انت ماملاحظ انك بتزودها في موضوع هناء
ازودها كيف انت حتبقي زيو البت يتيمه واتربت في بيتنا ماعندها سند غيري وامها لو حصل لها حاجه حتخت اللوم فيني انا لانها موصياني عليها انا كم مره دقيته قدامه ماسالتني عشان مااخليها تغلط ابقي مزوده هناء مابت جارتنا دي بقت اختنا
اختنا امممم نشوف يامحمد
حمرت له وقلت حنعمل شنو في الصور
مدنقر في تلفونه وقال هكرت صفحه عمران وماذن وحااشوف باقي الشباب العندهم الموضوع دا حياخد زمن
انا عندي فكره تريحنا من دا كل
فكره شنو
قمته وقلت شوف انت حتعمل شنو وتفتح الموضوع مع امك كيف وتعالو المساء بعد التروايح دا امر مفهوم
امي عارفه
اممم يعني كل الناس الا انا كويس يا احمد كويس انت برضو حسابك بعد رمضان
بعد رمضان بكون خطيبها لو سالتني بشتكيك عديل
اضحك اضحك ما دي اخرته لمن الواحد استعمل عقله انا قلت لك التهور كويس كان اسي في تلاته اربعه جنازات في الفريق
لا حوله منك
