رواية غيوم ومطر كاملة بقلم داليا الكومي
....
الحلقة الثانية عشر.
رواية غيوم ومطر.
للكاتبة داليا الكومي.
12سجينة في انتقامه.
لا تعرف متى بالتحديد انسحبت جدتها وتركتهما بمفردهما لكنها كل ما وعت له جيدا كان تعجبها من انها كيف من لحظات قليلة كانت تري غرفة جدتها متسعة للغاية والآن تراها ضيقة كجحر جرذ صغير بعدما احتلها عمر بوجوده المفاجىء ...منذ متى وهو هنا ..
فهى دخلت كطلقة المدفع ولم تعطى لنفسها فرصة لاستكشاف محيطها قبل دخولها لغرفة جدتها ...معرفتها انها ما زالت زوجته شرعا وليس قانونا فقط كانت فوق احتمالها وكادت أن تفقد الوعى ولكن صمته وعدم بوحه عن ذلك السر الرهيب طيلة اربعة سنوات حفز عقلها ومنعها من فقدان الوعى ... سألته وهى ترتعد ...
ردتنى اجابها بجمود ...
تماسكت وهى تسأله مجددا ...
ليه ...
كانت تريد سؤاله عن سبب صمته كل تلك السنوات ... انها الآن مرتبكة بشدة والأمور اصبحت معقدة تماما ...انها زوجته ولديه خطيبة محبة ... لماذا الآن فقط علمت ...هل عاد لتصحيح الأمور ...
ربما عاد ليطوى صفحة الماضي ويبدأ حياة جديدة ... هل تملك الشجاعة والقوة كى تحاول استعادة حبه المفقود ...هل تستطيع جعله يحبها من جديد ارادت ان تسأله الكثير لكن حلقها اختنق بالعبرات فلم تستطيع مواصلة الكلام ...
اوعى تفتكري عشان مطلقتكيش للنهارده انى بحبك او باقي عليكى ... يمكن ده كان حالي من 4 سنين يوم ما قررت اردك ورجعت من الامارات ندمان انى خسرتك ونويت انى اعوضك عن قسوتى عليكى.... لكن لما رجعت وشفت قذارتك بعيونى قررت انى اسيبك معلقة كده ...حتى حريتك خساره فيكى
في الماضى كانت تتعصب وتصدر الاحكام المتسرعة بدون تفكير أما الآن فحتى حقها في الدفاع عن نفسها تخلت عنه بكامل ارادتها فما فائده تبرئة نفسها اذا كانت ستخسره في كل الاحوال..
برودك مقزز ...مش همك حتى انك تدافعى عن نفسك ...انا لما رجعت من الامارات كنت ناوى اعوضك ... ناوى افتح صفحه جديده ..الغلط كان متبادل بينا والشهور اللي قضتها بعيد خلتنى اهدى وافكر كويس ...لكن لما رجعت وشفتك معاه في الكافيه كان ممكن ارتكب چريمه واقټلك ... فعلا فكرت انى اقټلك لكن افتكرت انك بتتصرفي بحرية لانك معتقدة انك مطلقه... خلصتى من هم تقيل وبدأتى تشوفي حياتك
مش فاهمه ..انت رجعت امتى وشفتنى فين ...
ابتسم بمرارة وقال ..
خلاص يا فريده مش مهم
...الماضى انتهى انا علقت الطلاق بس رغبه في اذلالك ...رغبه في التشفي فيكى لما تيجى لعندى تتمنى انى اطلقك واشوفك بتركعى ادامى وبتطلبي حريتك لكن الوقت اثبت انك منحوته من الصخر ...دميه مطاطيه ما فيهاش روح ... حتى حبيبك كنتى بتلعبي بيه وفي النهايه مبتفكريش غير في مصلحتك ...
حبيبي ...حبيبي ... عمر انت اټجننت رسمى انت بتقول ايه ...
حبيبك ..اللي انتى كنتى بتحبيه من قبل الجواز ولا ده كمان نسيتيه ومكنش مناسب لفخامتك ...
كل ما استاطعت قوله ...
انت اكيد بتخرف او شارب حاجه حبيب ايه ...
حبيبك الدكتور اللي انت بتحبيه من قبل الجواز وشفتك بعينى قاعده معاه في كافيه وانتى لسه في عدتك ...قالت بعدم تصديق ...
عمر انت غلطان ..
من شدة غضبه دفعها پعنف حتى ارتطمت
ساقيها
بالفراش خلفها فهوت جالسة عليه من الالم ....قال بقرف ...
كذابه ..لكن خلاص معدش يهمنى حتى انى اعاقبك ...انتي بتدوري علي القسيمه وهتاخدى واحده....فريده انتى ...فريده
صړخت ومنعته من اكمال ما كان سيقوله...
كفايه.. كفايه حرام عليك ..انا مش فاهمه أي حاجه ...انا معترفه انى غلطت في حقك كتير وهعيش علي امل انك تسامحنى في يوم من الايام لكن انت بتتهمنى بحاجات فظيعه ...
كرر باستنكار ...
اسامحك ... اسامحك لا يا فريده اسف مقدرش اسامحك ..عارفه ليه ... هزت رأسها بالنفي ودموعها تتطاير مع كل هزه ...
ليه ...
اجابها بصوت يقطر بالمرارة ...
عشان كنت بحبك يا فريده بطريقه ما تتوصفش ..علي نفس
مقدار حبي ليكى كان كرهى ليكى يا فريده ...احسبيها انتى بقي وهتعرفي...
بكت بصمت ...انها السبب في تحول عمر من محب حنون لاكبر عدو ملىء بالمرارة ..
ةنظر اليها بسخريه وقال ...
زمان كانت الدموع غاليه عندك اوى لكن ملاحظ انك الايام دى بتستخدميها بوفره ... يمكن دموع التماسيح ... اجابته باكية ...
يمكن دموع الندم...
تنهد بحسرة وقال ... ندم ... هى اللي زيك عندها مشاعر عشان تعرف الندم ...
يا الله عمر لن يستمع اليها ابدا انها لا تجنى سوى اذلال نفسها ...نصيحة
اسيل كانت سيئة هى خسرته مند زمن والكلام لن يفيدها بشىء ... اكتفت من خفض رأسها أرضا ...انها لديها كبريائها ويكفي انها حاولت لكن القدر له تدابيره الخاصة ...
قالت ...
انا حقيقي مش فاهمه انت بتقول ايه ... حاولت افهم وفشلت ..انا كنت غبيه زمان وانت دلوقتى اغبي منى
