نصيبي و قسمتي بقلم ايمان صلاح

عندك 
اتكلمت بسخرية _ لا فيك الخير والله 
اتكلم بدهشه _ مالك يا وعد مش فاهم متغيره معايا كده ليه 
_ وهتغير معاك ليه يعني عادي 
_ انتي لسه زعلانه من وقت اللي حصل في المول 
_ لا ياريتها تيجي على اللي في المول بس 
_ هو فيه حاجه تاني 
_ مفيش يا محمود انا عايزه ارتاح شوية ممكن 
لسه هيرد موبيله رن ف فتح 
_ ايه يا حبيبتي 
قلبي اتقبض وبصتله و الدموع اتجمعت في عيوني وبعدها بصيت كان بيقول 
_ خلاص ماشي انا جايلك اهو سلام يا قلبي حاضر 
قفل الموبيل وبعدها بصلي وخرج وانا عيطت بعدها موبايلي رن و كلمت هيام صاحبتي 
_ ايه لسه زعلانه برضوا 
_ اعمل ايه بس يا هيام 
_ يا حبيبتي متزعليش ربنا يعوضك هو ميستاهلكيش 
_ الحمدلله على كل حال 
_ طيب وانتي عملتي ايه 
_ هعمل ايه يعني هباركله و خلاص هو و خطيبته 
_ وليكي قلب تعمليها 
_ امال هعمل ايه يعني طالما بيحبها خلاص 
_ ربنا يعوضك خير ابقي طمنيني عليكي
_ حاضر. 
قفلت معاها و محمود دخل بصتله بضيق وهو بصلي بشك ولسه هيتكلم موبايلي رن فتحت 
_ الوو ازيك يا قمر الف سلامه عليكي
_ الله يسلمك مين معايا 
_ انا خطيبة محمد زميلك هو قالي انه انتي اقنعتيه وجه اتقدملي وحابه اشكرك اوي 
ابتسمت وانا ببص ل محمود كان نفسي اكون زيهم ربنا يسعدهم _ بجد الف مبروك انا معملتش حاجه 
_ لا والله بجد شكرا ليكي لولاكي مكناش اتخطبنا 
_ انتوا تستاهلوا كل خير 
_ ربنا يرزقك باللتتمنيه يارب زي كده محمد بيقولك الف سلامه
_ الله يسلمك ومبروك مره تانيه وسلميلي عليه 
_ الله يبارك فيكي يارب انتي كمان تتخطبي للي بتحبيه 
قفلت معاها وعيطت الكلمة اثرت فيا اوي محمود قرب مني 
_ انا عايز اعرف فيكي ايه 
_ ما قولتلك مفيش حاجه يا محمود متدخلش في حياتي لو سمحت 
_ لا هدخل وهدخل اوي كمان كنتي بتكلمي مين 
_ ده محمد و ...انت مالك اصلا بتسأل ليه 
بصلي بضيق _ هو ده اللي بتحبيه و زعلانه عليه
ارتبكت_ ايه مين قالك اني بحب اصلا 
اتكلم پحده _ كنتي بتكلمي صاحبتك و بتقوليلها خطب و هباركلهم و بعدها حد كلمك وباركتيلها وقولتلها سلميلي عليه يبقى هو ده بتحبيه صح 
اتعصبت _ انت اصلا مبتفهمش عايز مني ايه 
صوته هدي وقعد قصادي بحزن _ بتحبيه بجد !
بصتله بدهشه وحزن _هو مين ده اللي بحبه 
_ اللي كلمتيه من شوية 
_ ده محمد زميلي و خاطب وانا عارف انه بيحب خطيبته و شجعته يخطبها ابقى بحبه ازاي بس 
_ امال بتحبي مين قولي 
اتعصبت _ ملكش دعوه وخليك في خطيبتك 
بصلي باستنكار _ خطيبتي مين 
_ مش عارفه روحلها يلا وملكش دعوه بلي بحبه 
اتعصب وطلع بره وانا بصيت مكانه لقيت ورد سايبه هنا كنت هاخد وهطلعهوله اكيد جايبه ل خطيبته بس هو استغرب ليه مش قالوا إنه خاطب لسه هنزل من على السرير عمتي جت 
_ مالك ومحمود طالع من عندك ليه 
_ مفيش يا عمتو محمود ساب ورد خطيبته هنا 
_ خطيبته مين ده جايبهولك 
بصتلها بضيق _ جايبهولي ليه مش يوديه لخطيبته اولى 
بصتلي بعدم فهم _ خطيبة مين محمود مش خاطب 
_ بس اتقدملها 
ابتسمت _ هو فعلا اتقدملها بس لسه محتاجين رائيها
_ بجد الف مبروك يا عمتو 
_مش لما توافقي يا وعد بس صدقيني هعملكم احلى فرح انتوا و احمد ابني 
_ وانا أوافق ليه انا مالي ما يقول اللي بيحبها
_ ما انا بقولك اهو عشان تقولي رايك 
_ يا عمتو قوليلها هي مش