نصيبي و قسمتي بقلم ايمان صلاح
بصتلها بتوهان وعيوني بتدمع مش عارفه اتحرك ولا اتكلم احلامي كلها اڼهارت .
وقعت بين ايدين ماما محستش بنفسي غير على سريري فتحت عيوني لقيته واقف وشه مخطۏف اول ما شافني فوقت قرب وهو مبتسم
_ اخيرا فوقتي يا وعد الف سلامه عليكي
بصتله وهزيت راسي وبعدها ماما و بابا قربوا مني
_ انتي كويسه يا وعد مالك يا حبيبتي
_ طيب ايه الحصلك
_ مفيش حاجه يا بابا انا كويسه
_ امال حصل فيكي كده ليه
_مفيش هو انا ايه اللي في ايدي ده
_ الدكتور كشف عليكي وركبلك محلول عشان تفوقي
مسكت المحلول_ طيب انا عايزه اشيله انا بقيت كويسه
محمود قرب بسرعه _ لا يا وعد متشليش المحلول لازم يخلص لازم تكوني كويسه
بصلي بدهشه _ طبعا يا وعد اخاڤ عليكي مخفش عليكي ليه
_ لا ولا حاجه انا كويسه اطمنه بس شيله المحلول ده
بابا قرب و شاله وهو مستغرب ومش فاهم حاجه نزلت من السرير وكنت هقع بس بابا مسكني وهو قرب بقلق
_ ايه رايحه فين
بصيت ل ماما بحرج _ هدخل الحمام يا ماما
_ هروح اعملك حاجه تكليها
_ لا يا ماما انا مش جعانه
_ لازم تاكلي عشان تقومي
طلعت بره و بابا طلع وراها و محمود وقف قصادي
_ ممكن اعرف مالك حصل ايه
_ مفيش حاجه
_ الدكتور قال اللي انتي فيه بسبب زعل مين زعلك
_ مش زعلانه يا محمود خلاص
_ لا انا ببص اهو بس بعد اذنك اخرج عشان عايزه انام
_ مالك بس يا وعد
زعقت_ ما قولتلك مفيش انت مبتفهمش عايزه اقعد لوحدي
بصلي وسكت و خرج و ماما دخلت ب الاكل
_ فيه ايه يا وعد بتزعقي ليه
عيطت_ مش عايزه اشوف وشه يا ماما
قربت مني وقعدت جنبي _ اهدي يا وعد الزعل وحش عشان متزعليش كل واحد في الدنيا دي ليه نصيب من حاجه مفيش حد بياخد غير نصيبه ثقي في ربنا وسيبيها على الله ماشي يا وعد
تاني يوم قومت خدت علاجي ووقفت جنب ماما في المطبخ
_ ايه اللي دخلك هنا انتي تعبانه يلا اخرجي بره
_ هقف معاكي يا ماما
_ لا روحي اقعدي في اوضتك
_ يا ماما
_ خدي الاكل يا وعد افطري لحد ما اجيلك
هزيت راسي وابتسمت ودخلت اوضتي وقعدت فطرت وبعدها دخلت الحاجات ل ماما وقعدت بره بابا جه اطمن عليا ومشي وانا دخلت اوضتي لما حسيت بدوخه شديده نمت على السرير وبعدها عمتي دخلت و معاها محمود و واحد تاني
_ الحمدلله يا عمتو
_ الف سلامه عليكي يا وعد
_ الله يسلمك
_ ده بقى يا ستي احمد ابني كان مسافر ورجع
اتكلمت بذهول وصوت واطي_ بجد ده ابنك الكبير ده مشي وانا صغيره
ابتسم _اهه يا ستي انا احمد ابن عمتك بس انتي ايه الحلاوه دي كبرتي ماشاء انا كنت سايبك صغيره
محمود ضربه في دراعه بغيظ_ اتلم واحترم نفسك ها
ضحك _ خلاص يا عم انا اسف براحه
بصيت ل محمود بضيق وبعدها عمتو قالت هتسيبني عشان ارتاح طلعت و احمد طلع معاها و محمود اتكلم
_ عامله ايه يا وعد النهارده
اتكلمت بضيق _ الحمدلله
_ انا قلقت عليكي امبارح لما جيت ولقيت الدكتور
