اسكربت بقلم ايمان صلاح

شيكولاته 
طلعت شيكولاته وعطتهاله ودخلت اوضتي وقفلت الباب وانا مبتسمه بعد شوية لقيته بيتصل فتحت عليه 
_ السلام عليكم ورحمه الله وبركاته
ابتسمت _ وعليكم السلام ورحمه الله وبركاته
_ ازيك يا استاذه سهيله
اتكلمت بغيظ _ متقولش استاذه بس 
ضحك وانا ضحكت فبعدها اتكلم 
_ زعلانه من كلمة استاذه ليه 
ابتسمت _ مبحبش اي القاب خالص مبحبش اي حاجه رسمية بجد بحس انها ډمها تقيل على قلبي 
ضحك _ خلاص متزعليش انا كنت بقول استاذه عشان اضايقك مش اكتر بحس اني لو قلت اسمك هيتكشف حبي بسهوله
_ لا مش زعلانه خلاص 
_ طيب يلا المغرب هتأذن اهو اتوضي عشان تصلي ومتنسيش تدعيلي 
ابتسمت _ تحب ادعيلك ب اي 
اتنهد_ انه يحنن قلبك عليا وتحبيني زي ما بعشقك كده 
قفلت معاه و انا مبتسمه احبه ايه انا من وقت ما شوفته بعد ما فوقت من الحلم وانا بمۏت فيه دخلت اتوضيت وصليت وبعدها قعدت اقرا قرآن وادعي ربنا يدوم عليا نعمته .
في يوم اتصل عليا وقالي انه استأذن من بابا و هنروح مكان مع بعض لبست وانا مش فاهمه حاجه ونزلت قابلته كان واقف مبتسم فتح الباب وركبت وبعدها بصتله 
_ مش هتقولي رايحين فين 
اتنهد وهو بيبص قدامه_ زهقت من الشغل قولت نروح نختار حاجات مع بعض
_ حاجات ايه دي 
_ هتشوفي 
وصلنا عند محل كبير وبعدها بصتله 
_ مكان ايه ده 
_يلا انزلي وانا هفهمك قبل ما انزل من العربية 
_ استني 
_ ايه 
قرب مني وظبط النقاب من قدام بصتله وابتسمت 
_ انا مش عارفه ايه اللي بينك وبين النقاب 
_ عشان يا حبيبي مش عايز عيونك تبان خالص عايز اقولك عيونك دي لما كلمتك قبل كتب الكتاب وانا عندكم لما قولتيلي أن احنا مفسخناش الخطوبه وقتها بصتلك وسحروني وقررت نكتب الكتاب وقتها ..الا صحيح هو انتي كنتي عايزانا نفسخ الخطوبة ولا ايه 
_ لا طبعا ده كان حلم 
بصلي اوي _ وده حلم ايه ده أننا نسير بعض!
ضحكت _ هقولك عليه بس مش قبل ما اعرف احنا جايين ليه 
ايمان_صالح
طلعنا مع بعض وصلنا في مكان وبصتله 
_ انت جايبني هنا ليه 
ابتسم _ عشان نختار اوضة النوم وحاجات باقي الشقه بتاعتنا 
بصتله بانبهار _ بجد يعني هنختار مع بعض
_ طبعا يا حبيبي مش دي شقتنا يبقى تختاري معايا 
بدأنا نختار مع بعض وفعلا منكرش ذوقه تحفه بجد خلصنا وكنا مروحين لقيته طلعلي عروسه جميلة اوي 
_ اتفضلي 
_ ايه ده 
_ عجبتني قولت اجبهالك 
ابتسمت بفرحه _ ربنا يخليك ليا انا انا بحبك اوي 
كان سائق ووقف العربية مره واحده فبصتله بدهشه 
_ وقفت ليه 
بصلي بصدمه_ بتقولي بحبك 
ضحكت _ وانت مستغرب ليه هو انا لو مش بحبك كنت هوافق على كتب الكتاب!
في يوم كنت بكلم رامي في الموبيل وهو معايا وانا مټعصبه 
_ انا عايزه اعرف هو بيكلمها ليه اصلا يا عمرو اسأله
رامي ضحك _ انا مش كنت خلاص خلصت من مكالمتكم بدخلوني ليه تاني 
حازم اتكلم_قولها يا عمرو هي سألتني ماردش عليها يعني 
اتعصبت _ لا متردش عليها ولا عليا انا اصلا مش بكلمك 
حازم اتكلم بضيق_ يا بنتي انا عملتلك ايه مش قولتلك كانت بتسأل ورديت 
_ لا وانا قولتلك ملكش كلام معاها انا شوفتها في الشغل معاك مش عجباني 
اتعصب _ عجباكي ولا مش عجباكي انا وانا بكلمها ببقى غاضض بصري وبعدين متجبيش سيرة حد 
اتعصبت اكتر _ وانت زعلان ليه عشانها !
_ هزعل من ايه يا حبيبتي بس هو انا اعرفها عشان ازعل عليها دي مجرد واحده شغاله معايا آخرها شغل 
عيطت _ بس انت بتدافع عنها 
حازم حاول يتكلم بهدوء _ بټعيطي ليه طيب خلاص حقك عليا مش هتعامل تاني معاها خالص 
رامي ضحك _ ما خلاص يا سهيلة الراجل اتاسف عايزه ايه تاني 
رديت بضيق_ وانت مالك يا بارد انت 
رامي رد عليا پصدمه _ تصدقي انا غلطان انا رايح اكمل شغلي اولعوا 
قفل الموبيل وبعدها حازم اتكلم 
_ عجبك كده اخوكي زعل 
ضحكت_ لا عادي احنا متعودين على كده 
_ طيب يعني انتي مش زعلانه مني 
_ لا مش زعلانه بس انت ملكش تعامل مع حد 
_ اكيد يا حبيبي انا ليكي انتي وبس 
أنتمي إليك بكل تفاصيلي وارغب في الحصول على جزء من
قلبك