حكايات امي بقلم ايمان صلاح
اللي ليه خلاص هخلص جيش هقعد اعمل ايه
ابتسمت بهدوء_تروح وتيجي بالسلامه يا محمد
حسيته ابتسم _الله يسلمك بس عارفه يا غالية اكتر حاجه مزعلاني ايه
_ايه
_اني مش هعرف اكلمك الفتره الجايه بعد ما اتعودت على وجودك ومكالماتك
سكت شوية وحسيت وقتها قلبي هيطلع من مكانه معقوله بيقول الكلام ده ليا !
_ازيك يا ماما عامله ايه
_الحمدلله يا غالية انتي عامله ايه
اتكلمت بلهفه _الحمدلله هو محمد تليفونه مغلق ليه
ابتسمت _اصل القائد رن عليه وقالوا يجي فساب موبايله من ربع ساعه وخد الخط يبقى يركب الموبايل
ضحكت _متزعليش ده اخر شهر ليه هناك اقولك روحي .....والحقيه قبل ما يمشي
_بجد يعني ممكن ألحقه
_طبعا روحيله
ابتسمت بهدوء وقفلت معاها طلعت قولت ل احمد ووافق يروح معايا خدني وروحت عنده كان خلاص هيمشي قربت منه بسرعه
_محمد استنى
بصلي وابتسم ابتسامه واسعه وشاور لشخص بتعاطف خمس دقايق تقريبا القائد بتاعه فوافق وهو قرب مني
_جيت اشوفك قبل ما تسافر يا محمد كده تمشي من غير ما تقولي
ابتسم بهدوء_ القائد كلمني وكان لازم اروحله متزعليش
هزيت راسي و هو سلم على احمد وبعدها بصلي
_انا لازم امشي القائد بينادي عليا
بصلي وهمس قبل ما يتحرك
_هتوحشيني يا غالية
ابتسمت بذهول وهو شاورلي ومشي وأحمد شدني وروحنا وهو في الطريق بصلي
_ازاي يا اذكى اخواتك عنده اخ طبعا بس مسافر برا مصر
_ااه عشان كده مجاش الخطوبه
_ ايوه يا ذكي
سكت وبعدها بصلي _كلنتي نيرة ولا لا
بصتله باستعباط_ هكلمها ليه
_عشان الموضوع اللي قولتلك عليه
_موضوع ايه
_غالية متستعبطيش انجزي قولتلها ولا لا
_ما انتي صاحبتها
_انا صاحبتها في كل حاجه إلا الكلام ده مدخلنيش اقولك لما تشوفها قولها
بصلي بغيظ _ انتي بارده فعلا
ضحكت ووصلنا البيت وعدى ايام واخيرا محمد خلص الجيش وهيرجع بكره احمد دخل عليا وهو بيتكلم بفرحه
_باركيلي يا غالية واخيرا نيرة وافقت وادتني ميعاد اقابل اهلها
_الله يبارك فيكي انا هروح بليل انا وماما نتقدملها خلاص خدنا ميعاد
_إن شاء الله تتفقه ربنا ييسر لك امورك
وفعلا جه الليل و احمد طلب ايد نيرة واتفقوا أن الخطوبه تكون بعد شهر عشان يعرفوا بعض اكتر تاني يوم محمد رجع وكلمني في الموبيل
_اخيرا خلصت جيش حمدالله على السلامه
_الله يسلمك يا غالية اكتر حاجه مفرحاني اني
كان لسه هيتكلم قطع صوت عنده
_بتكلم مين يا محمد
رد عليها بهدوء _بكلم خطيبتي يا قمر
قمر ردت عليه وقالت _هي دي اللي ڠصبوك عليها
سمعته وهو بيزعقلها وبيقولها ملكيش دعوه ومتدخليش وانا كنت مصدومه وقتها انا فهمت دلوقتي ليه كان بيتكلم معايا قليل !
قفلت الموبيل وانا بحاول اهدي نفسي بعدها لقيته بيرن عليا مردتش طالما خطبني ڠصب يبقى ليه يعمل كده ما كان من الاول ميوافقش ايه اللي يخليه يتغصب ويعلقني بيه حاول كتير يكلمني ومكنتش برد لازم اخد فرصه وافكر الليل جه وأحمد دخل
_انتي مبترديش على محمد ليه
اتكلمت بضيق_ملكش دعوه خليك في خطيبتك
بصلي بغيظ_براحتك بس هو برا مستنيكي
بصتله بدهشه _برا فين
_هيكون فين يعني برا في الصالون البسي واطلعيله بدل شكلك ده
رميت عليه المخده_ماله شكلي إن شاء الله
ضحك وجري_ولا حاجه بومه بس
لبست وطلعت عنده وبحاول اكون هادية دخلت وهو اتكلم بلهفه
_غالية انتي مش بتردي عليا ليه
