حكايات امي بقلم ايمان صلاح
عروسه
_بلا خيبه ده انتي معملتيش حاجه مش عارفه عروسة ايه دي !
بصتلها باستنكار ودخلت خدت شور
ونمت بتعب تاني يوم جت الكوافيره و لبست وجهزت نفسي والمعازيم جت محمد جه ومسك ايدي وابتسم
_طالعه زي القمر بجد
بصتله بضيق _ لو كنت قولتها في وقت تاني كنت فرحت بس انت بوظتلي فرحتي
_ليه بس كده
_يلا بس تعدي الليله دي وبعدها نتكلم
قعدنا كانت الخطوبه في البيت جت امه بالدهب وسلمت عليا وهو لبسني الشبكه وبعدها صور ايدينا بالموبايل فبصتله
_بتعمل ايه
همسلي _هبعتهالك وتنزلي على البروفايل مخطوبه
اتكلمت بضيق_يادي النيله انت منستش
هز راسه بنفي_ لا هو انا عملت الخطوبه ليه اصلا
_يلا نزلي انك مخطوبه بقى
بصتله بدهشه_ انا مش فاهمه هيفرق معاك في ايه
سكت ومسك موبايلي وقالي
_افتحي الباسورد كده
فتحته وهو دخل على الفيس بوك وجاب اخر بوست وجاب المتافعلين وبعدها بصلي وحط الموبايل في وشي
_مش فاهمه فيه ايه
بصلي بغيظ _ انتي مش شايفه المتافعل اللي عامل ريأكت على البوست ده وهو مش عندك
رفعت حاجبي بدهشه _ ايوه يعني لما انزل اني مخطوبه هيخاف يعني
_لا يا حبيبتي ما هو انتي هتعملي البوست برايڤت مش بابلك
_نعم يا اخويا لا طبعا انا عندي فلورز
بصلي بسخرية _على أساس انك مشهوره وكده انجزي واعملي اللي قولتلك عليه
بصلي بتحدي _كده طيب ماشي
فتح موبايله وانا متابعاه مش عارفه هيعمل ايه وبعدها لقيته بعت صور على موبايلي وفتح الموبايل بتاعي ونزل بوست مخطوبه بتاريخ النهارده وعمل الاكونت للأصدقاء بس وبعدها بصلي بانتصار
_كده اياك اشوف الاكونت بتاعك بابلك تاني
بصتله بذهول
_يعني انت عملت كل الفيلم ده عشان شخص عملي ريأكت !
رديت بتلقائية_ ده انت مختل
بصلي وضيق عيونه _بتقولي حاجه
_لا ولا حاجه خااالص
قعدنا شوية وبعدها مشي وانا كنت مندهشه طريقته غريبه خالص احمد كان طالع وبصلي
_مالك يا غالية ماشيه متنحه كده ليه
اتكلمت بدهشه _محمد بقى تصرفاته غريبه كل شوية يكلمني وكمان زعلان أن شخص غريب بيعملي ريأكت !
_انت مش فاهمني على فكره
_بلا نيله عليكي المهم نيرة. صاحبتك عامله ايه
بصتله وضيقت عيوني _هو ايه العباره انت بتسأل عليها ليه
اتكلم فجاه _اصلي بحبها بصراحه
بصتله بذهول وقولت له_بتحب مين
_هيكون بحبك انتي بحبها هي طبعا نيرة
اتكلمت وانا بشوح _ومتحبنيش انا ليه
بصلي بجدية_بالله عليكي هي دي اشكال تتحب يا شيخه ده محمد هيدبس فيكي
جريت وراه وهو جري وكان بيضحك وبعدها وقف
_خلاص انا بهزر والله متبقيش مجنونه الاه
_انا اشكال متتحبش ومحمد هيدبس!
ضحك _يا بنتي بهزر المهم كلميها وقوليلها اني بحبها بالله عليكي
_طيب ما تقولها انت يا سي روميو
_ما انتي اختي حبيبتي اللي هتخدمني بقى
_لا اصل محمد لسه مش قالها ليا اقوم انا اقولها انك بتحبها وانا لسه مش قالي
بصلي بغيظ _ده انتي بارده وانا مالي بيكي يا اختي !
بصتله ببرود ودخلت نحنوج اوي اخويا ده بعد شوية محمد رن عليا وقولت له بكل تلقائية
_وانت كمان هتكون نحنوج امتى
_بتقولي حاجه يا غالية
_لا مبقولش حاجه يا اخويا
سكت وبعدها قالي _كنتي بتعملي ايه
_كنت بتكلم مع احمد اخويا ليه
_مفيش بسألك عادي
_اممم طيب انت هتروح الجيش امتى
_اخر الاسبوع إن شاء الله وهتكون اخر اجازه
_مش فاهمه ليه
_ايه هو
