سكرتيرة_ابن_عمي بقلم الكاتبة ايمان صلاح

بضيق
_ فيه ايه يا جدعان بتعمله فيا كده ليه 
اسماء اتكلمت وهي بتضحك_ كل ده نوم مش عارفه أن فيه عزومه 
_ انتوا كمان هتحسبوني على النوم وانتي كمان يا ست اسماء بعتالي عيالك عندنا يقوموني بدري ده حتى النهارده اجازه 
_ اها انتي مقولتليش على موضوع شغلك ده 
_سيبيني انام وبعدها اقولك 
_ لا تنامي ايه دي ماما و مامتك قعدين عشان يلفوا المحشي 
بصتلها بضيق _ طيب ما يلفوه أعملهم ايه 
_ يا بنتي هنسلق الكرنب عشان يلفوه يلا قومي بلاش كسل 
قومت وسبقت معاها وعملنا المحشي وصلينا الضهر وبعدها قولتلها
_ هنام بقى 
قالتلي باعتراض _ لا تنامي ايه وباقي الاكل لسه فيه بشاميل و جلاش باللحمه وليله كبيره يلا اعملي البشاميل 
_ لا ده بالذات مش هعمله 
_ ليه بقى إن شاء الله 
_ عشان بيبقى ناشف مني 
سحبتني من ايدي _ طيب تعالي معايا اوريكي يتعمل منك چوسي ازاي ويكون جميل 
فعلا عملته ولحد ما خلصنا الاكل بدأنا نعمل الحلويات راحوا يصلوا العصر كلهم عشان انا صليت ورجعت سابوني اعمل الجلاش لوحدي قعدت وانا متضايقه عشان اعمله جه يونس وضحك 
_ايه ده بتعملي جلاش لوحدك 
بصتله ورفعت المعلقه في وشه ذ_ابعد عن وشي احسنلك 
ضحك _ ده زي سکينه وكده 
_يونسسس اطلع بره 
قعد وربع رجليه وابتسم 
_هساعدك في الجلاش 
بصتله بضيق_لا ويلا اطلع بره 
_يا بت انتي علقتي ما قولتلك هساعدك بقى 
بدأ يعمل معايا الجلاش وكان محترف بصراحه سابني احطه في الفرن وعمل السلطه وبعدها بصلي
_شوفتي هكون زوج صالح ازاي وقمر 
_اها واضح اوي 
رفع المعلقه في وشي _قصدك ايه بقى 
_ولا حاجه يا دكتور 
_طيب انا عملت السلطه وطالع عشان البت اسماء لو جت هتحفل علينا 
_مش فاهمه. ليه 
_لا خليكي ده انتي في الطراوه خالص 
جه يطلع لقي اسماء في وشه بتضحك فابتسملها باستفزاز وطلع قربت اسماء مني 
_شوفتي اخويا زوج صالح ازاي 
_جرى ايه يا جودعان هو انا اول مره اعرفه ما هو ابن عمي 
بصتلي بقرف _انتي بتتكلمي قدامه كده 
_اه عادي 
بصتلي بضيق وبدات تعمل الاكل والعصير لحد ما خلصنا كانت المغرب هتأذن حطينا الاكل والمغرب أذنت صلينا وفطرنا مع بعض بعد الفطار قعدنا مع بعض كلنا اسماء قالت
_ ايه رايك في البشاميل يا يونس 
_ كان جميل اوي 
بصتلي وغمزت _ فرح هي اللي عملته 
بصتلها بتفكير_ على فكره انتي اللي عملتيه هو عارف أنه بيطلع وحش مني 
كلهم ضحكوا وانا دخلت جبت الحلويات وحطيتها وهو كل وابتسم 
_ اهي دي من أيدها فعلا تسلم ايدك يا فرح 
ابتسمت وأسماء اتكلمت _وانت عرفت ازاي 
اتكلم يونس وقال _ عشان من اول يوم رمضان وهي قرفانه حلويات 
بصتله بضيق فضحك وقعدنا شوية وبعدها اسماء عملت شاي وبصتلي 
_ يونس في البلكونه ادخليله 
دخلت البلكونه وبصتله 
_ خد الشاي انا عايزه استقيل من الشغل 
_ ايه ده ليه يا هانم 
_ كده عشان انت بتستغلني شغل هنا وهناك 
_ هنا عشان بنت عمي
_ وانا مش عايزه صلة القرابه دي 
ضحك وخطبني باستفزاز _ مش بمزاجك 
بصتله بضيق_ ده انت رخم اوي 
سبته وطلعت روحت المطبخ عشان نغسل المواعين انا و اسماء ونشطب المطبخ كالعاده ل مرات عمي و نروق الشقه كمان هي مكنتش عايزه بس انا لازم تساعدها 
وبعدها انا و ماما و بابا مشينا بعد ما روحنا صلينا التراويح ورجعنا البيت كنت بكلم سماح وخلصت وكنت داخله سمعت ماما بتقول ب يابا 
_طيب لو هي موافقتش 
بابا اتكلم باعتراض_ما توفقش ازاي يعني هي هتلاقي عريس زيه هما جايين يفطروا بكره ووقتها نتفق ده عريس مناسب لفرح اوي 
بصتلهم پصدمه
عريس و ليا دخلت اوضتي ازاي بابا موافق طيب انا بحب يونس اعمل ايه جهزت السحور واتسحرنا وصليت ومعرفتش انام الصبح روحت العياده وفتحتها قبله وبعد شوية هوجه 
_ غريبه جيتي امتى يا فرح 
_ من شوية 
_ انا عديت عليكي مستنتنيش ليه 
_ عشان الشغل ادخل عشان ادخل الناس 
كنت قاعده وهو مستغرب هدوئي مكنتش بتكلم ولا بعمر صوت زي العاده وفي نص اليوم قال هنمشي وهنوقف شغل كده النهارده كنا مروحين اشترى فانوس وعطهوني
_ خدي الفانوس بتاعك اهو 
هزيت راسي وسكت قالي_مالك يا فرح زعلانه ليه 
_ مفيش يا يونس 
_ ازاي بس انتي متغيره خالص النهارده 
_ لا عادي 
_ طيب فيه حاجه حصلت 
اتكلمت بضيق_ فيه عريس جاي النهارده وبابا موافق يا يونس 
ابتسم _ وهو ده اللي مزعلك 
اتكلمت بضيق_وانت عايزني افرح 
_ طبعا 
_ بس انا مش موافقه 
_ ليه مش عايزه تتجوزي
_ بس مش الشخص ده يا يونس 
بصلي بحيره _ انتي عرفتي هو مين 
_ لا 
ابتسم وقالي _ وانتي مش موافقه 
_ لا 
_ حتى لو الشخص ده انا 
بصتله بدهشه_ انت ازاي 
ضحك _ انا طلبت إيدك من عمي واحنا معزومين عندكم النهارده لو طلعتي فوق هتلاقي اسماء اختك مع مامتك بتجهز الفطار هتفق مع عمي النهارده إن خطوبتنا بعد العيد ها موافقه
بصتله وعيوني لمعت وهزيت راسي_ هستناك على الفطار 
ابتسم وانا حضنت الفانوس ومشيت وهو بيبصلي طلعت وصوت الاغاني في الشارع بتقول 
_ في كل حته بنتمشى فوانيس وزينه في الشارع صوت الأذان يدخل قلبك ونصلي تراويح في الجامع بليل بتحلو القاعده طاوله و دومنه وكوتشينا والله زمان ده احنا بقالنا مده بعيد عن بعضينا رمضان في مصر حاجه تانيه والسر في التفاصيل رمضان في مصر غير الدنيا طعمه بطعم النيل  
سكرتيرة_ابن_عمي
رمضان_كريم
ايمان_صالح