سكرتيرة_ابن_عمي بقلم الكاتبة ايمان صلاح
انت في الصفحة 1 من 8 صفحات
ما تبطل رخامه بقى سيبني اعلق الزينه في الشارع
_كل سنه وحضرتك طيبه رمضان بكره
_ بجد الرؤية ظهرت
_ اها ظهرت واعلنت أن بداية شهر رمضان بكره
_ كل سنه وانتي طيبه يا فرح رمضان كريم عليكي يا حبيبتي
_ وانتي طيبه يا حبيبتي
بصتلي ومسكت ايدي بهدوء _ طيب واقفه ليه تعالي اقعدي
جه صوت من بعيد وهو داخل من الباب بثبات _ هتعلقي الزينه مع العيال ازاي يعني !
_زي الناس يا استاذ يونس فيه حاجه !
اتكلم وبقى يضغط على اسنانه_انتي مش كبرتي على الكلام ده ولا ايه
اتكلمت باعتراض _ انا اكبر على اي حاجه إلا أني اعلق الزينه في الشارع لو سمحت
ابتسم بهدوء وقرب منها وباس راسها _ كل سنه وانتي طيبه يا حبيبتي معلش اعذريني أصلها ضايقتني شوية
اتكلمت بضيق _ وايه اللي يضايقك بقى يا استاذ يونس أني اعلق الزينه
حاول يتحكم في نفسه _ انك كبرتي يا فرح ولا دي كمان متعرفيهاش ازاي واحده في سنك تعلق الزينه مع العيال في الشارع
اتكلم باعتراض _ 21 سنه وصغيره
اتكلمت بتأكيد وانا ببتسم _ اها صغيره اوي وكمان هو انا لوحدي اللي بعلق الزينه ما انا معايا بنات كتير بيعلقوا
مامته بصتله وابتسمت _ سيبها يا يونس زيها زي البنات خليها تنزل تقف معاهم هي مش هتعلق يعني هي هتتفرج بس
هنا اتكلمت بسعاده _ لا طبعا احنا لسه هنعلق يا فرح بس بصي الشارع اللي ورانا الزينه بتاعتهم عامله ازاي
اتكلمت بفرحه _ ايوه فعلا يا هنا الشارع بتاعهم رمضاني اوي يلا يا سماح فين الزينه
سماح اتكلمت بابتسامه_ الزينه اهي بس مين هيجي يعلقهالنا
هنا لسه هتتكلم يونس جه وقال _ هاتي كده يا سماح انا هعلقها
بصتله بدهشه_ مش قولت أن العيال بس هما اللي بيعلقوا
بصلي وضحك _ لا والرجاله كمان
خد الزينه منها وبدا يعلقها بإحترافية من زمان جدا وهو اللي كان بيعلقها بس بصراحه قولت من وقت ما عمل فيها كبير ومش بيعلقها .
خلص الزينه ونزل وبصلنا
_ ها ايه رايكم في الزينه يا بنات
هنا اتكلمت _ حلو اوي بجد تسلم ايدك
سماح ابتسمت _ جميله
بصلي لقيني ساكته فابتسم وغمزلي _ ها ايه رايك في الزينه يا فرح
ابتسمت وبعدت وشي _ يعني حلوه
بصلي وضړبني على راسي _ ده انتي مستفزه
سابنا ومشي واحنا بصينا
