سكرتيرة_ابن_عمي بقلم الكاتبة ايمان صلاح
شوفي هتعملي ايه في الشغل
بصتله بضيق مصتنع وانا جوايا عايزه اضحك بحب اضايقه اوي وبالذات في رمضان كنت قاعده مكاني وبعدها ناديت عليه
_يا دكتور يوووونس
طلع بضيق_ عايزه ايه يا إزعاج
_مش عارفه اقعد لوحدي
_ هو احنا بنلعب يا بنتي احنا في شغل في شغللللل
_ طيب انا عايزه اسمع التليفزيون بحب اسمع مسلسلات واعلانات رمضان اعمل ايه
سابني ودخل وبعد شوية دخلت عليه
_دكتو
قام وقف بعصبية_ انا عارف اني جبته لنفسي عايز اشوف شغلي
بصتله بدهشه _ يعني انا جاي العب انا جايه ادخلك زبونه
بصلي شوية وبدأ يهدي وقالي_ دخليها يلا
قولتله_حاضر
دخلت الناس واحد ورا التاني وكنا في نص اليوم وبدأت الناس تهدى فقعدت وقولت اعمل للمكان صوت هي العياده عامله كده ليه قعدت اغني واقول
كنت بغني بصوت عالي فهو طلع وقال بضيق
_بس بااااس ايه الصوت ده
ضحكت _ بعمل للمكان صوت يا يونس
_ بتعمليله صوت ولا بتزعجيني يلا روحي صلي وسيبك من الهبل ده
_ انا صليت الدور والباقي عليك انت روح صلي وبعدين انا مش بحس برمضان غير بالاغاني دي وبعدين ازاي عايش في المكان ده كده
ابتسمت _ حاضر يا يونس
قعدت شوية اقرا قران وبعدها سمعت صوت
_ لو سمحتي يا استاذه هو الدكتور مش هنا
_ لا بيصلي وجاي
ابتسم _ طيب احجزيلي اسمي وانا هستناه
_ خلاص تمام
حجزت الاسم وهو قاعد يبص عليا استغفرت ربنا يمكن مش قصده بس لما لقيته مطول لسه هتكلم لقيت واحده دخلت وبعدها يونس بصلنا بهدوء وبعدها قالي
هزيت راسي ودخلت اول واحد وبدانا الشغل خلص شغله قبل المغرب اوقات كنت بدخل اساعد معاه ...طلع قبل المغرب بربع ساعه وقالي
_ كفايه علينا كده دلوقتي يلا نروح ونيجي بعد التراويح
_ اخيراااااا كان يوم طويل وممل يلا نروح
بصلي ورفع حاجبه_ انتي كمان اللي زعلانه اعمل ايه وانتي اللي عملتيلي ازعااج
_ ماشي يا فرح امشي قدامي يلا
مشيت معاه في الشارع الشباب بتلعب ب الكوره و الاطفال ماسكين الفوانيس بيلعبوا بيها كنا داخلين الشارع وواحد عطانا عصير وقال ل يونس
_ كل سنه وانت طيب خد العصير وادي المدام يا باشا
يونس خد منه وابتسم وبصلي وانا بعدت وشي بإحراج وصلنا البيت كان الأذان بيإذن فيونس قالي
عطاني العصير فضحكت وشربت قدامه وهو بدأ يشرب ويقول ذهب الظما وابتلت العروق وثبت الاجر إن شاء الله
بصتله وقولتله
_ ماتيجي تفطر معانا
ابتسم _ فطار و سحور لا خليها مره تانيه
_وايه يعني
_ مفيش ما تيجي تفطري انتي
ابتسمت_لا مينفعش انا سايبه ماما طول النهار هروح اعمل معاها حاجه بعد الفطار حتى اعمل المواعين
ابتسم ومشي وانا طلعت لقيتهم حاطين الفطار قعدت فطرت معاهم وبعد الفطار شلت الفطار وحطيت شربات الكنافه و القطايف رمضان مبيحلاش من غيرهم دخلت صليت المغرب وخرجت عملت المواعين و عملت الكنافه و القطايف وروقت البيت بسرعه العشا أذنت ماما دخلت صلت وانا استأذنت منها روحت صليت التراويح في المسجد ورجعت خدت طبق من الحلويات وجهزت وقولت ل ماما و بابا هروح الشغل مع يونس روحت ل مرات عمي خبطت على الباب ويونس فتح
_ اهلا
