سكرتيرة_ابن_عمي بقلم الكاتبة ايمان صلاح
وبعدها وصلنا المسجد المكان كان حلو صلينا اول صلاه تراويح وبعدها طلعنا كانت جميله والكلام عن رمضان حاجه تانيه خالص
مرات عمي روحت وقالت هتنام شوية وتيجي هي ويونس على السحور روحنا البيت وقعدت شوية وبعدها موبايلي رن وكان يونس
_ السلام عليكم
_وعليكم السلام ها روحتي صليتي
_ اه فرحانه إن بكره اول يوم رمضان
_ وانت طيب يا يونس ..انت فين كده
_ انا في العياده انتي عارفه ان شغلي فيها جزء منه بيكون بليل
_ اها انا عارفه ربنا معاك
_يارب طيب بقولك ايه عندي ليكي اقتراح
_ ها قول
_بصي يا ستي انا قولت ل عمي عشان تبقي عارفه انا السكرتيره بتاعتي سابت الشغل ايه رايك تيجي مكانها
_ايوه يعني هتكوني معايا مش كنتي عايزه تشتغلي
_ اها كنت عايزه اشتغل
_ طيب ودي فرصه حلوه انتي معاكي معهد سكرتاريه
سكت شوية وبعدها قولتله _ خلاص هقولك قراري في السحور
_ ماشي يا فرح
قفل معايا ودخلت قولت ل ماما وقالتلي
_اها يا ماما بس انا معرفش حاجه عن الشغل بتاعه
_وفيها ايه يونس يعلمك
هزيت راسي وسكت فهي قالتلي_ يبقى فكري وبراحتك يا فرح
دخلت الاوضه وانا قعدت افكر يعني هكون معاه دايما !
مسكت الموبيل وفتحت الفيسبوك وكتبت في الاستوري كل سنه وانتوا طيبين كل اخواتي وحبايبي رمضان كريم معدتش دقيقه وبعدها لقيت يونس رد على الاستوري
بصيت للمسدچ بحيره _ مين اخواتي قصدك
رد في نفس الثانية_ لا حبايبك !
بصيت للمسدچ ومردتش اوقات كتير بيحب يرخم عليا لقيت اسماء اخت يونس ردت وانتي طيبه يا حبيبتي والسنه الجايه تكوني معانا
استغربت الكلمه ورديت _ طيب ما انا معاكم اهو
ردت بإيموچي ضحك وقفلت وانا قفلت الفيس
بعدها دخلت حضرت السحور وجهزته وصحيت بابا و ماما و اسامه اسامه صحي وقرب بابتسامه
ابتسمت _ انت اشطر كتكوت يا اسامه كده ربنا يحبك
بعدها بابا اتصل على يونس وجه هو ومرات عمي كان الجرس بيرن ففتحتلهم وابتسمت
_ حمدالله على السلامه
_الله يسلمك يا بنتي
_ ادخلوا يلا
دخلت ويونس بصلي وابتسم
_ ها ايه رايك يا فرح
_في ايه على فكره انت جبت ل اسامه فانوس وانا لا
ابتسمت _ انا موافقه اشتغل معاك بس اكيد هتفهمني
_ طبعا هفهمك كل حاجه يا فرح
دخلنا ورصيت الاكل وبدانا السحور كنا بنتسحر وبابا شغل التليفزيون كان اغاني رمضان شغاله وبعدها بدأت التواشيح
خلصنا سحور والفجر اذن ويونس و بابا واسامه نزلوا يصلوا في المسجد واحنا صلينا في البيت
تاني يوم روحت ل يونس الشغل وقعدت بعدها دخل
_ ايه ده شكلك عامل كده ليه
اتكلمت بضيق_ جعانه
بصلي بذهول _ ايه ده هو انتي صغيره احنا لسه في أول يوم وبعدين الناس تقول عطشانه مش جعانه
اتكلمت بتذمر _ انا بقى جعانه يا اخي ايه ده
ضحك بصوت عالي _ يا بنتي الله يهديكي يلا اوريكي نعمل ايه
_ ايه ده بس انا جعانه هشتغل ازاي دلوقتي
اتكلم بضيق_ يا بنتي هو انا جايب بنت اختي بالله عليكي بلاش تضايقيني في أول يوم
_ انا مش عارفه ايه اللي خلاني اسمع كلامك بص انا هجيلك بعد العيد إن شاء الله
اتكلم بحده_ كان لعب عيال هو ولا ايه اقعدي اترزعي واسمعي الكلام كويس
